+०५७-५२६८३०, ९८५५०-६८२२७
logo
शिक्षा

शैक्षिक सत्र २०७३ सकियो/नतीजा र पुरस्कार एकसाथ



शिक्षा   198 पटक पढिएको        
समाज संवाददाता हेटौंडा, ३१ चैत्रः आज चैत मसान्तको दिन । आज वर्ष २०७३ को अन्तिम दिन मात्रै नभएर शैक्षिक सत्रको पनि अन्तिम दिन हो । शैक्षिक सत्रको अन्तिममा विद्यालयहरुले वार्षिक परीक्षाको नतीजा सार्वजनिक गर्दैछन् । बुधबार हेटौंडा–४, कर्रास्थित श्रमिक माविले विद्यार्थीहरुको नतिजा सार्वजनिक गरेको छ । कक्षा ८ र १० बाहेक अन्य कक्षाको नतिजा अभिभावक र विद्यार्थीको उपस्थितिमा सार्वजनिक गरिएको छ । बुधबार विद्यालय व्यवस्थापन समितिका अध्यक्ष नरेन्द्रलाल रिजालको अध्यक्षतामा वार्षिक परीक्षाको नतिजा सार्वजनिक गरिएको हो । विद्यालयले नतिजासँगै कक्षागत प्रथम, द्वितीय र तृतीय हुने विद्यार्थीलाई पुरस्कृत समेत गरेको छ ।





 

विद्यार्थीलाई प्रोत्साहन समेत गर्ने गरी विद्यालयले नतिजा र पुरस्कार एकसाथ प्रदान गरेको हो । यस वर्ष विद्यालयले नतिजा सार्वजनिक गर्ने क्रममा अभिभावकलाई पनि उपस्थित हुन जानकारी गराएको थियो । विद्यार्थीहरुलाई विद्यालय व्यवस्थापन समितिका अध्यक्ष नरेन्द्रलाल रिजाल, सदस्यहरु चन्द्रकान्ता श्रेष्ठ, चण्डिका कार्की, शिक्षक–अभिभावक संघका अध्यक्ष सुरेश श्रेष्ठ, प्रधानाध्यापक चतुर्भुज उपाध्यायले पुरस्कार वितरण गर्नुभएको थियो । अधिकांश अभिभावकको उपस्थितिमा कक्षागत प्रथम, द्वितीय र तृतीय हुने विद्यार्थीलाई पुरस्कृत गरेपछि विद्यालयले कक्षागत रुपमा फरक फरक रुपमा नतिजा सार्वजनिक गरेको छ । विद्यालयको शैक्षिक गुणस्तर सुधारका लागि अभिभावकको भूमिका रहने भन्दै अध्यक्ष रिजालले अभिभावकलाई बेला बेलामा विद्यालयमा उपस्थित भई आफ्ना बालबालिकाको शैक्षिक अवस्थाका बारेमा शिक्षक, शिक्षिकाहरुसँग बुझ्न आग्रह गर्नुभयो । विद्यालयमा शिक्षकहरुलाई प्रोत्साहन गर्न पनि अभिभावकले ध्यान दिनुपर्ने अध्यक्ष रिजालको धारणा थियो ।

विद्यालयका शिक्षक अभिभावक संघका अध्यक्ष सुरेश श्रेष्ठले नगरकै कमजोर विद्यालयको रुपमा रहेको श्रमिक माविको शैक्षिक गुणस्तर सुधारका लागि शिक्षक, अभिभावकको सहकार्य जरुरी रहेको र विद्यालय प्रशासनले अभिभावकको उपस्थितिमा नतिजा सार्वजनिक गर्दै पुरस्कार समेत वितरण गर्ने कार्य सराहनीय भएको बताउनुभयो । विद्यालय व्यवस्थापन समितिकी सदस्य चन्द्रकान्ता श्रेष्ठले विद्यार्थीको नियमित पठनपाठनसँगै उनीहरुलाई घर, परिवारमा संस्कार पनि सिकाउन अभिभावकलाई आग्रह गर्नुभयो । प्रधानाध्यापक चतुर्भुज उपाध्यायले वार्षिक परीक्षाको नतीजाका आधारमा अभिभावकले आफ्ना बालबालिकालाई नयाँ शैक्षिकसत्रमा सुधारिएर पठनपाठनको वातावरण बनाउन आग्रह गर्नुभयो । श्रमिक माविबाट कक्षा १ देखि १० सम्म शैक्षिकसत्र २०७३ मा २ सय ८१ विद्यार्थीले परीक्षा दिएका छन् । 









सम्बन्धित शिर्षक समाचारहरु
  • मुख्यमन्त्री कार्यालयको वेबसाईट सञ्चालनमा

    हेटौंडाः ३ नम्बर प्रदेशको मुख्यमन्त्री तथा मन्त्री परिषदको कार्यलयले बिहिबारबाट आधिकारिक वेबसाईट सञ्चालनमा ल्याएको छ । बिहिबार एक कार्यक्रमको आयोजना गरी प्रदेशका मुख्यमन्त्री डोरमणि पौडेलले वेबसाईटको शुभारम्भ गर्नुभएको छ । मुख्यमन्त्री तथा मन्त्रीपरिषद कार्यालयको वेबसाइट ocmcm.p3.gov.np रहेको छ ।
    राजनीति
    5     समाज संवाददाता
  • अन्तरजातीय ११ जोडी सम्मानित

    हेटौंडाः अन्तरजातीय विवाह गर्ने हेटौंडाका ११ जोडीलाई बिहिबार सम्मान गरिएको छ । समाजमा रहेकोे कुरीति विरुद्ध सशक्त कदम चालेको भन्दै अन्तरजातीय जोडीलाई सम्मान गरिएको हो । उपेक्षित सामुदायिक विकास मञ्चको आयोजना तथा हेटांैडा उपमहानगरपालिकाको सहयोगमा सम्मानपत्रसहित ढाका टोपी र दोसल्ला ओढाएर सम्मान गरिएको थियो ।
    समाज
    5     समाज संवाददाता
  • बजेटको सिलिङप्रति वडा अध्यक्षहरु असन्तुष्ट

    हेटौंडाः हेटौंडा उपमहानगरपालिकाले आगामी आर्थिक वर्ष २०७५/०७६ को लागि वडाहरुमा १६ करोड ७५ लाख बराबरको सिलिङ तोकेर पठाएको छ । उपमहानगरपालिकाले १९ वटा वडामा आगामी आर्थिक वर्षको लागि ७० लाखदेखि १ करोड रुपैयाँसम्मको सिलिङ तोकेर पठाएको छ । वडाले सोहि बजेटको सिलिङ भित्र रहेर योजना तथा कार्यक्रमहरु सम्पन्न गर्नुपर्ने हुन्छ ।
    स्थानीय तह
    30     समाज संवाददाता
  • सम्पादकीय, समुदायकै सक्रियतामा पुस्तकालय

    १७, भदौ समय जत्ति नै आधुनिक बन्दै गए पनि ज्ञानको अभावमा समाज आधुनिक बन्नै सक्दैन । ज्ञान आर्जन गर्नु भनेको व्यक्तिले आफ्नो व्यक्तित्व विकासको आधार तयार पार्नु हो । हरेक व्यक्ति सफल र सक्षम बन्न चाहन्छ तर, तयारी के गर्छ त भनेर हेर्ने हो भने तयारी गर्ने विषय केही पनि छैन । सक्षम र सफल व्यक्ति बन्नका लागि शिक्षा अनिवार्य छ ।
    विचार
    99    
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    984    
  • गाँजासहित २ जना पक्राउ

    हेटौंडा, ११ मंसिरः मकवानपुरका प्रहरी टोलिले ४० किलोग्राम लागुऔषध गाँजासहित कैलाश गाउँपालिकामा २ जनालाई शनिबार पक्राउ गरेको छ । प्रहरी चौकी डाँडाखर्कबाट खटिएको प्रहरी टोलीले गस्ती गर्दै जाने क्रममा कैलाश गाउँपालिका–६, ठुलोबेसीमा स्थानीयबासी ५१ वर्षीय बच्चुराम रिजाल र १८ वर्षीय रुपक बराललाई गाँजासहित पक्राउ गरेको जिल्ला प्रहरी कार्यालय मकवानपुरले जनाएको छ ।
    अपराध
    98     समाज संवाददाता
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top