+०५७-५२६८३०, ९८५५०-६८२२७
logo
स्थानीय तह

उपमहानगरको दोस्रो चौमासिक समीक्षा/ दुईतिहाई समय, एकतिहाई खर्च



स्थानीय तह   64 पटक पढिएको        
समाज संवाददाता हेटौंडा, ३१ चैत्रः हेटौंडा उपमहानगरपालिकाले दोस्रो चौमासिक अवधिको समीक्षा बुधबार गरेको छ । राजनीतिक दलका प्रतिनिधी, सरकारी कार्यालयका प्रमुखहरुको समेत उपस्थितिमा न्यूनतम् कार्यसम्पादन तथा मूल्यांकन कार्यविधिले अनिवार्य मानेको समीक्षा कार्यक्रम गरेको हो । दोस्रो चौमासिकसम्म आइपुग्दा हेटौंडा उपमहानगरले विकास खर्च भने एक तिहाई मात्रै खर्च गरेको छ । हेटौंडा उपमहानगरपालिकाका कार्यकारी अधिकृत कै अनुपस्थितिमा सामाजिक विकास महाशाखाका प्रबन्धक भीम तिमल्सिनाको अध्यक्षतामा समीक्षा कार्यक्रम भएको हो ।

उपमहानगरको दोस्रो चौमासिक समीक्षा/ दुईतिहाई समय, एकतिहाई खर्च



सरकारले खर्च प्रगति बढाउने लक्ष्यसहित चालु आर्थिक वर्षको बजेट आर्थिक वर्ष सुरु हुनुभन्दा १५ दिनअघि (जेठ १५ गते) नै सार्वजनिक गरेको थियो । तर, हेटौंडा उपमहानगरपालिकाको खर्च प्रगति भने न्यून छ । हेटौंडा उपमहानगरपालिकाले चालु आर्थिक वर्षका लागि २१औं नगर परिषद्मार्फत ३४ करोड ५६ लाख रुपैयाँ विकास खर्च विनियोजन गरेको थियो । तर, चालु आर्थिक वर्षमा भएको २२औं नगरपरिषद्ले संशोधित बजेट तथा कार्यक्रम प्रस्तुत गर्दै चालु आर्थिक वर्षको विकास खर्च ५६ करोड ९२ लाख रुपैयाँ हुने अनुमान गरेको थियो । भूकम्प प्रभावित जिल्लाका ५ वर्षभन्दा कम उमेरका बालबालिकालाई पोषण भत्तावापत प्रतिबालबालिका ४ हजार रुपैयाँका दरले अनुदान रकम वितरण गरेसँगै हेटौंडा उपमहानगरपालिकाको विकास खर्चको दर बढेको देखिन्छ । हेटौंडा उपमहानगरका बालबालिकालाई प्रथम चौमासिकमा ४ करोड ७२ लाख रुपैयाँ पोषण भत्ता वितरण गरिएको थियो ।

चालु आर्थिक वर्षको पहिलो चौमासिक अवधिमा १५ करोड ३२ लाख रुपैयाँ विकास खर्च गरेको हेटौंडा उपमहानगरले दोस्रो चौमासिक अवधिमा ४ करोड ८२ लाख रुपैयाँ मात्रै विकास खर्च गरेको छ । चालु आर्थिक वर्षको अन्तिमसम्ममा ८० प्रतिशत विकास खर्च पनि नसकिने नगरपालिकाका अधिकारीको भनाइ छ । नगरपालिकाका कर्मचारीहरु जिम्मेवार नहुनु, जनशक्तिको अभाव हुनु विकास खर्च हुन नसक्नुका प्रमुख कारण हुन् । उपमहानगर एक अधिकारी भन्छन्, ‘काम गर्ने मनस्थितिका कर्मचारीहरुको अभाव छ, भौतिक निर्माणमा प्राविधिक जनशक्तिको अभाव र कामको चाप बढी छ । जसले खर्च बढाउनै सकिन्न ।’ सशर्त अनुदान रकम ५० प्रतिशत पनि खर्च गर्न नसकिने अवस्था रहेको ती अधिकारीको भनाइ छ । चालु आर्थिक वर्षमा नगरपालिकाले शून्य पेश्की नीति लिनु, उपभोक्ता समितिको लागत रकम नगरपालिकाले आफ्नो खातामा जम्मा नगरी उपभोक्ता समितिकै खातामा जम्ममा गरिनुले पनि खर्च केही कम देखिएको ती अधिकारीले स्पष्ट पारे ।

उपमहानपालिकाको चालु खर्च भने ५६ प्रतिशत अर्थात ५ करोड ५५ लाख रुपैयाँ भएको छ । पुँजीगत खर्च अर्थात् विकास खर्च कम हुँदा भौतिक निर्माण, विकास निर्माणका कार्यहरु हुन सक्दैनन् । कर्मचारीकै चासो र सक्रियता अभावमा नगरको विकासमा बाधा पुगिरहेको छ । उपमहानगरको आयमा पनि कमि देखिन्छ । आन्तरिक आय ६८ प्रतिशत रहेको छ । बाह्य आम्दानी भने ३७ प्रतिशत मात्रै छ । उपमहानगरले चालु आर्थिक वर्षमा आन्तरिक आय कुल १२ करोड ६१ लाख रुपैयाँ अनुमान गरेकोमा दोस्रो चौमासिक अवधिसम्ममा ९ करोड ९७ लाख रुपैयाँ आम्दानी भइसकेको छ । बाह्य आम्दानी भने ४० करोड ८० लाख रुपैयाँ अनुमान गरिएकोमा दोस्रो चौमासिक अवधिसम्ममा १५ करोड १९ लाख रुपैयाँ मात्रै आम्दानी भएको छ ।

चालु आर्थिक वर्षको विकास बजेट खर्चनुपर्ने मुख्य समयमा सरकारले स्थानीय तहको निर्वाचनको कार्यक्रम राखेकोले खर्चको अनुपात अझै खुम्चन सक्ने अनुमान गर्न सकिन्छ । दोस्रो चौमासिक अवधिको समीक्षामा राजनीतिक दल, सरकारी कर्मचारी, सञ्चारकर्मीले नगरको सरसफाई र विकास निर्माणका कार्यमा ध्यान दिन आग्रह गरेका थिए । कार्यक्रमका अध्यक्ष भीमप्रसाद तिमल्सिनाले चालु आर्थिक वर्षको अन्तिम चौमासिकमा खर्च बढ्ने दावी गर्नुभयो । आर्थिक वर्षको अन्तिममा विकास निर्माणका काममा हुने खर्चको भुक्तानी वितरण गरिने भएकोले खर्च ह्वात्तै बढेको देखिने तिमल्सिनाले स्पष्ट पार्नुभयो ।








सम्बन्धित शिर्षक समाचारहरु
  • मुख्यमन्त्री कार्यालयको वेबसाईट सञ्चालनमा

    हेटौंडाः ३ नम्बर प्रदेशको मुख्यमन्त्री तथा मन्त्री परिषदको कार्यलयले बिहिबारबाट आधिकारिक वेबसाईट सञ्चालनमा ल्याएको छ । बिहिबार एक कार्यक्रमको आयोजना गरी प्रदेशका मुख्यमन्त्री डोरमणि पौडेलले वेबसाईटको शुभारम्भ गर्नुभएको छ । मुख्यमन्त्री तथा मन्त्रीपरिषद कार्यालयको वेबसाइट ocmcm.p3.gov.np रहेको छ ।
    राजनीति
    5     समाज संवाददाता
  • अन्तरजातीय ११ जोडी सम्मानित

    हेटौंडाः अन्तरजातीय विवाह गर्ने हेटौंडाका ११ जोडीलाई बिहिबार सम्मान गरिएको छ । समाजमा रहेकोे कुरीति विरुद्ध सशक्त कदम चालेको भन्दै अन्तरजातीय जोडीलाई सम्मान गरिएको हो । उपेक्षित सामुदायिक विकास मञ्चको आयोजना तथा हेटांैडा उपमहानगरपालिकाको सहयोगमा सम्मानपत्रसहित ढाका टोपी र दोसल्ला ओढाएर सम्मान गरिएको थियो ।
    समाज
    5     समाज संवाददाता
  • बजेटको सिलिङप्रति वडा अध्यक्षहरु असन्तुष्ट

    हेटौंडाः हेटौंडा उपमहानगरपालिकाले आगामी आर्थिक वर्ष २०७५/०७६ को लागि वडाहरुमा १६ करोड ७५ लाख बराबरको सिलिङ तोकेर पठाएको छ । उपमहानगरपालिकाले १९ वटा वडामा आगामी आर्थिक वर्षको लागि ७० लाखदेखि १ करोड रुपैयाँसम्मको सिलिङ तोकेर पठाएको छ । वडाले सोहि बजेटको सिलिङ भित्र रहेर योजना तथा कार्यक्रमहरु सम्पन्न गर्नुपर्ने हुन्छ ।
    स्थानीय तह
    30     समाज संवाददाता
  • सम्पादकीय, समुदायकै सक्रियतामा पुस्तकालय

    १७, भदौ समय जत्ति नै आधुनिक बन्दै गए पनि ज्ञानको अभावमा समाज आधुनिक बन्नै सक्दैन । ज्ञान आर्जन गर्नु भनेको व्यक्तिले आफ्नो व्यक्तित्व विकासको आधार तयार पार्नु हो । हरेक व्यक्ति सफल र सक्षम बन्न चाहन्छ तर, तयारी के गर्छ त भनेर हेर्ने हो भने तयारी गर्ने विषय केही पनि छैन । सक्षम र सफल व्यक्ति बन्नका लागि शिक्षा अनिवार्य छ ।
    विचार
    99    
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    984    
  • गाँजासहित २ जना पक्राउ

    हेटौंडा, ११ मंसिरः मकवानपुरका प्रहरी टोलिले ४० किलोग्राम लागुऔषध गाँजासहित कैलाश गाउँपालिकामा २ जनालाई शनिबार पक्राउ गरेको छ । प्रहरी चौकी डाँडाखर्कबाट खटिएको प्रहरी टोलीले गस्ती गर्दै जाने क्रममा कैलाश गाउँपालिका–६, ठुलोबेसीमा स्थानीयबासी ५१ वर्षीय बच्चुराम रिजाल र १८ वर्षीय रुपक बराललाई गाँजासहित पक्राउ गरेको जिल्ला प्रहरी कार्यालय मकवानपुरले जनाएको छ ।
    अपराध
    98     समाज संवाददाता
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top