+०५७-५२६८३०, ९८५५०-६८२२७
logo
समाज

सुविधाको लोभमा निर्देशिका विपरित अपाङ्गतास्तर निर्धारण/ प्राविधिक उपसमितिको प्रतिवेदनलाई हेर्छौंः प्रजिअ



समाज   10 पटक पढिएको   सुरेश श्रेष्ठ     
हेटौंडा, ३ बैशाखः सशस्त्र द्वन्द्वमा घाइते भई अपाङ्गता प्रतिशत निर्धारण तथा पुनरावलोकन कार्यविधि–२०७४ विपरित मकवानपुरमा अपाङ्गता प्रतिशत निर्धारण गर्ने गरी प्रतिवेदन तयार पारिएको पाइएको छ ।

सुविधाको लोभमा निर्देशिका विपरित अपाङ्गतास्तर निर्धारण/ प्राविधिक उपसमितिको प्रतिवेदनलाई हेर्छौंः प्रजिअ


 सशस्त्र द्वन्द्वमा घाइते भई अपाङ्गता प्रतिशत निर्धारण तथा पुनरावलोकन जिल्लास्तरीय सिफारिस समितिले जिम्मेवारी दिएको प्राविधिक उप–समितिले कार्यविधि विपरित अपाङ्गता प्रतिशत निर्धारण गर्ने गरी प्रतिवेदन तयार पारेको हो । जीवन निर्वाह भत्ता प्राप्त गर्न कार्यविधि विपरित अपाङ्गताको प्रतिशत निर्धारण गर्ने प्रयास भएको हो ।

जिल्लास्तरीय अपाङ्गता प्रतिशत निर्धारण तथा पुनरावलोकन सिफारिस समितिले गठन गरेको प्राविधिक उपसमितिले द्वन्द्वपीडितको पक्षमा वकालत गर्दै आएका तेजप्रसाद चौलागाईलाई ५१ प्रतिशत भन्दा बढी अपाङ्गता भएको भनी प्रतिवेदन तयार गरेको छ । चौलागाईलाई यसअघि ५० प्रतिशत अपाङ्गता भएको भनी उल्लेख गरिएको छ । चौलागाईसँगै राक्सिराङ गाउँपालिकाका शमसेर थिङलाई पनि ५१ प्रतिशतभन्दा बढी अपाङ्गता भएको भनी उल्लेख गरिएको छ । यसअघि शमसेर थिङ पनि ५० प्रतिशतमात्रै अपाङ्गता भएको भनी उल्लेख गरिएको थियो । प्राविधिक उपसमितिले ३ नम्बर प्रदेश सांसद ओम बहादुर घलानलाई पनि ४२ प्रतिशत अपाङ्गता भएको भएको भनी अद्यावधिक गरेको छ । यसअघि घलान २० प्रतिशत अपाङ्गता भएको उल्लेख गरिएको छ । कार्यविधिअनुसार चौलागाईलाई ५१ प्रतिशत अपाङ्गता भएको व्यक्तिको रुपमा सिफारिस गर्न अनुकुल देखिँदैन ।

प्राविधिक समितिले महत्वका साथ अपाङ्गता सम्बन्धी आवश्यक परीक्षण पनि नगरेको देखिएको छ । हेटौंडा अस्पतालका मेडिकल अधिकृत डा. सुवास थापा, महिला तथा बालबालिका कार्यालय मकवानपुरकी प्रमुख विष्णुकुमारी लामिछाने र स्थानीय शान्ति समितिकी माहाकाली चौलागाईको समितिले तेजप्रसाद चौलागाईलाई ५१ प्रतिशत अपाङ्गता भएको व्यक्तिको रुपमा सिफारिस गरेको छ । कार्यविधिमा उल्लेख भएअनुसार चौलागाईलाई ५१ प्रतिशत अपाङ्गताको सूचिमा राख्ने आधार देखिँदैन । तर, सरकारले द्वन्द्वकालमा घाईते भई ५१ प्रतिशतदेखि ७६ प्रतिशतसम्म घाईते भए मासिक ६ हजार २ सय रुपैयाँ र ७६ प्रतिशतभन्दा बढी शत्प्रतिशतसम्म अपाङ्गता भए सहयोगीलाई पनि मासिक ६ हजार २ सय रुपैयाँ भत्ता दिने व्यवस्था छ ।

सशस्त्र द्वन्द्वमा घाइते भई अपाङ्गता प्रतिशत निर्धारण तथा पुनरावलोकन कार्यविधि–२०७४ को अनुसूचिमा १२ नम्बर बुँदादेखि १८ नम्बर बुँदासम्ममा ५१ प्रतिशतदेखि ७६ प्रतिशत अपाङ्गता भएको निर्धारण गर्ने आधार उल्लेख गरेको छ । अनुसूचिअनुसार दुबै कानको सुन्ने शक्ति पूर्ण र स्थायी क्षति भए ७० प्रतिशत, एउटा हात/पाखुरासम्मको पूर्ण क्षति वा एउटा हातको स्थायी पक्षघात भए, एउटा खुट्टाको हिपजोर्नी, तीघ्रादेखि गुमेको वा पक्षघात भए, एउटा आँखाको दृष्टि पूर्ण क्षति भई आँखा वा अनुहार बिग्रिएको तर अर्को आँखाको दृष्टि सामान्य भएको वा एउटा आँखाको दृष्टि सामान्य रहेको तर अर्को आँखाको दृष्टि पूर्ण क्षति भई आँखा वा अनुहारको सुन्दरता नबिग्रिएको भए ६० प्रतिशत अपाङ्गता भएको निर्धारण गर्न सकिने छ । यस्तै हातको कुइनासम्म वा कुइना भन्दा मुनीको भागको क्षति भएको वा घुँडाभन्दा मुनीको भाग गुमेको भए ५५ प्रतिशत अपाङ्गता भएको निर्धारण गर्न सकिने व्यवस्था अनुसूचिमा छ ।

यसअघि ५० प्रतिशत अपाङ्गता भएको भनिएका तेजप्रसाद चौलागाईलाई यसपटक प्राविधिक समितिले ५१ प्रतिशत भन्दा माथि अपाङ्गता भएको भनी प्रतिवेदन तयार गरेको छ । सरकारले उपलब्ध गराउने जीवन निर्वाह भत्ताकै लोभमा चौलागाईले प्राविधिक समितिमा सदस्यहरुलाई दबाव समेत दिएको बुझिएको छ । प्राविधिक समितिका सदस्य मध्ये महत्वपूर्ण प्राविधिक व्यक्ति डा. सुवास थापाले पनि अपाङ्गता मूल्यांकन गर्ने प्रक्रिया सामान्य रुपमा भएको बताउनुभएको छ । एक दिनमा २६ जनाको अपाङ्गता परीक्षण गरिएको उल्लेख गर्दै डा. थापाले भन्नुभयो, ‘स्वास्थ्य परीक्षण गरिएका प्रमाणहरु समेत नहेरी अपाङ्गता भएको दावी गर्नेसँग कुराकानीका आधारमा हतारहतार सिफारिस गरिएको हो ।’ प्राविधिक समितिमा मेडिकल अधिकृतले कुराकानीका आधारमा मात्रै स्वास्थ्य परीक्षण गरिएको भन्ने कुराले पनि अपाङ्गता परीक्षण सतही भएको बुझिन्छ । कार्यविधिमा भने आवश्यक्ताअनुसार विशेषज्ञ चिकित्सकमार्फत आवश्यक उपकरण प्रयोग गरी अपाङ्गताको अवस्था निर्धारण गर्न सकिने व्यवस्था गरेको छ ।

शान्ति तथा पुनर्निर्माण मन्त्रालयअन्तर्गत राहत तथा पुनस्र्थापना इकाईले देशभर द्वन्द्वकालमा अपाङ्गता भएका भनिएकाहरुको ५/५ वर्षमा स्वास्थ्य परीक्षण गरी अपाङ्गताको प्रतिशत निर्धारण गर्ने व्यवस्था छ । घाइते/अपाङ्गता प्रतिशत निर्धारण एवम् पुनरावलोकन सिफारिस जिल्लास्तरीय समितिका संयोजक समेत रहनुभएका मकवानपुरका प्रमुख जिल्ला अधिकारी चक्रबहादुर बुढाले प्राविधिक समितिले गरेको सिफारिसलाई सघन रुपले हेरिने बताउनुभयो । प्राविधिक समितिले गरेको सिफारिस र कार्यविधिमा भएको व्यवस्थालाई हेरेर जिल्लास्तरीय समितिले मन्त्रालयमा सिफारिस गर्ने प्रमुख जिल्ला अधिकारी बुढाले स्पष्ट पार्नुभयो ।

सशस्त्र द्वन्द्वकाल (२०५२ फागुन १ गतेदेखि २०६३ साल मंसिर ५ गतेसम्म) मा भएका हिंसात्मक द्वन्द्वका क्रममा घाइते तथा अपाङ्गता भएकाहरुलाई आवश्यक्ताअनुसार राहत दिलाउन सरकारले कार्यविधि नै बनाएर जीवन निर्वाह भत्ता तथा उपचारका लागि सहयोग गर्दै आएको छ । मकवानपुरमा पूर्ण अपाङ्गता भएका बकैया गाउँपालिका शिखरपुरका जयबहादुर न्यासूरले सहयोगीको समेत भत्ता पाइरहेका छन् भने अन्य छ जनाले ५१ प्रतिशतभन्दा बढी अपाङ्गता भएर जीवन निर्वाह भत्ता पाइरहेका छन् । बकैया गाउँपालिका शिखरपुरका शेरमान घलान र सन्तवीर लो, हेटौंडा–१२, पदमपोखरीका कृष्णप्रसाद सुवेदी र राजकुमार मोक्तान, हेटौंडा–११ की तीर्थकुमारी थामी (पाण्डे) र थाहा नगरपालिका–१०, चित्लाङका शिवकाजी गोपालीले ५१ प्रतिशतभन्दा बढी अपाङ्गता भएका कारण जीवन निर्वाह भत्तावापत मासिक ६ हजार २ सय रुपैयाँ प्राप्त गरिरहेका छन् । 

मकवानपुर जिल्लामा द्वन्द्वकालमा १ सय ७ जना घाइते भएको विवरण स्थानीय प्रशासनसँग छ । हरेक ५ वर्षमा अपाङ्गता पुनरावलोकनको कार्य गरिने गर्छ । यस वर्ष मकवानपुर जिल्लामा अपाङ्गता पुनरावलोकनका लागि आवेदन दिएका २६ जना मध्ये ५ जना द्वन्द्वकालका घटनामा नभई अन्य कारणले घाइते भएको पाइएकोले २१ जनाको अपाङ्गता अद्यावधिक गरी प्राविधिक समितिले पुनरावलोकन सिफारि समिलिाई प्रतिवेदन बुझाएको छ ।








सम्बन्धित शिर्षक समाचारहरु
  • कांग्रेसद्वारा सभा अवरुद्ध/ प्रतिपक्षीद्वारा सरकारको आलोचना

    हेटौंडा, ४ साउनः नेपाली कांग्रेसले बिहिबार ३ नम्बर प्रदेश सभा अवरुद्ध गरेको छ । प्रमुख प्रतिपक्षी दल नेपाली कांग्रेसका नेता ईन्द्रबहादुर बानियाँले विशेष समयमा बोल्दै आफ्नो पार्टीले राखेका माग पूरा गर्न दबाव दिँदै संसद अवरुद्धको घोषणा गर्नुभएको थियो । बिहीबारको प्रदेशसभा बैठकमा प्रदेश राजधानी सम्भाव्यता अध्ययन विशेष समितिको प्रतिवेदन पेस हुने कार्यसूची थियो ।
    राजनीति
    108     प्रकाश दाहाल
  • पङ्खा र नगद सहयोग

    हेटौंडा, ४ साउनः मकवानपुरगढी गाउँपालिका ३ को ज्वालादेवी आधारभुत विद्यालयलाई नारी संरक्षण केन्द्र (डब्लुपीसी) ले पङ्खा र नगद सहयोग गरेको छ ।
    शिक्षा
    6     समाज संवाददाता
  • डा. गोविन्द केसी प्रकरण/ हेटौंडामा विरोधसँगै सेवा पनि

    हेटौंडा, ४ साउनः अनशनरत डा. गोविन्द केसीको माग सम्बोधन गर्न सरकार तत्पर नदेखिएको भन्दै हेटौंडा अस्पतालमा चिकित्सकहरुले विरोध जनाएका छन् ।
    स्वास्थ्य
    5     समाज संवाददाता
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    996    
  • क्लासिक टेकको अफर

    हेटौंडा, २७ कात्तिकः इन्टरनेट सेवा प्रदायक क्लासिक टेकले घरायसी उपभोक्ताका लागि सुपथ मूल्य अफर ल्याएको छ । क्लासिक टेकले “काईदा छ, फाईदा छ” अफर बजारमा ल्याएको जनाएको छ ।
    अर्थ / व्यापार
    99     समाज संवाददाता
  • ५० भन्दा बढि हिरासतमा

    हेटौंडा, २० मंसिरः विभिन्न अभियोगमा प्रहरीले पक्राउ गरेका मंगलबारसम्म ५० जना भन्दा बढि हिरासतमा रहेका छन् । आज बुधबार केहि हिरासतमुक्त भए तापनि मतदानको दिनमा ५० भन्दा बढि हिरासतमै रहने प्रहरी उपरीक्षक विकास राज खनालले जानकारी दिनुभयो । हिरासतमा रहनेहरु मतदानको अवसरबाट बञ्चित हुनेछन् ।
    अपराध
    99     समाज संवाददाता
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top