+०५७-५२६८३०, ९८५५०-६८२२७
logo
स्थानीय तह

जिम्मेवारी लिन स्थानीय तहलाई आग्रह



स्थानीय तह   49 पटक पढिएको   समाज संवाददाता     
हेटौंडा, २५ पुसः मकवानपुर जिल्लाको १० वटै स्थानीय तहलाई सरकारी कार्यालयहरुले जिम्मेवारी लिन अनुरोध गरिएको छ । सोमबार जिल्ला समन्वय समितिमा भएको बैठकमा स्थानीय निकायका प्रमुख तथा कार्यकारी अधिकृतहरुलाई कार्यालयहरु स्थानीय तहमा समायोजन भएपछि जिम्मेवारी लिन अनुरोध गरिएको हो ।



कार्यक्रममा १० वटै स्थानीय तहका प्रमुखहरुलाई स्वास्थ्य, शिक्षा, कृषि, पशु र महिला तथा बालबालिका कार्यालयका प्रमुखहरुले अबको जिम्मेवारी स्थानीय तहलाई लिन अनुरोध गरेका थिए । कार्यक्रममा जिल्ला पशुसेवा कार्यालय मकवानपुरका प्रमुख डा. राम प्रकाश प्रधानले कार्यालयले गर्दै आएका कामहरुको बारेमा जानकारी गराउनुभएको थियो । यस्तै, उहाँले पशुपन्छीको विकासको लागि पशु स्वास्थ्य, पशु आहार, पशुको बजार, प्रजनन्, तालिम गरी ५ वटा कार्यक्रम अनिवार्य रुपमा सञ्चालन गर्न स्थानीय तहको भूमिका हुनुपर्ने बताउनुभयो । प्राविधिक रुपमा सहयोग गर्न प्रतिबद्ध रहेको भन्दै उहाँले स्थानीय तहलाई बजेट छुट्याउन अनुरोध गर्नुभएको थियो । यस्तै, कार्यक्रममा जिल्लामा भएका स्वास्थ्य संस्थाहरु स्थानीय तहललाई हस्तान्तरण गरिसकिएको भन्दै जिल्ला जनस्वास्थ्य कार्यालय मकवानपुरका प्रमुख रामचन्द्र पाठकले अबको जिम्मेवारी स्थानीय तहको रहेको बताउनुभयो । उहाँका अनुसार सबै स्वास्थ्य संस्था हस्तान्तरण गरिएको छ, अब काम गर्ने पालो स्थानीय तहको रहेको छ । मानिस स्वस्थ भएमा मात्र विकास गर्न सकिने भन्दै उहाँले विकासको लागि स्वास्थ्य क्षेत्र महत्वपूर्ण भएको औंल्याउनुभयो ।

शिक्षा कार्यालय पनि स्थानीय तहमा गएको भन्दै आगामी कार्यक्रम तथा नीतिहरु स्थानीय तहबाट निर्माण हुनु पर्ने जिल्ला शिक्षा अधिकारी बद्री नारायण भट्टराईले स्पष्ट पार्नुभयो । उहाँले नीति निर्माण गर्दा समानता अपनाउन समेत आग्रह गर्नुभयो । यस्तै, कार्यक्रममा महिला तथा बालबालिका कार्यालय मकवानपुरकी प्रमुख विष्णु कुमारी लामिछानेले महिला, बालबालिका र वृद्धवृद्धाको क्षेत्रमा स्थानीय तहको भूमिका बढ्नु पर्ने धारणा व्यक्त गर्नुभयो । कार्यालयले जिल्लामा ४४ वटा महिला सहकारी संस्था मार्फत् महिला सशक्तीकरण, स्वरोजगार र महिला हिंसा न्यूनीकरणको क्षेत्रमा पनि काम गर्दै आएको जानकारी दिनुभयो । उहाँले गाउँपालिकाहरुमा महिला हिंसा निगरानी समूह पनि रहेको बताउनुभयो । कार्यालयले हालसम्म गर्दै आएको कामलाई स्थानीय तहले निरन्तरता दिनुपर्नेमा उहाँले जोड दिनुभयो ।

विद्यालयबाट विमुख बालबालिका, बालविवाह, यौनजन्य क्रियाकलाप, बालश्रम र अपाङ्गता भएकाहरुको क्षेत्रमा पनि सचेत भएर कार्यक्रम सञ्चालन गर्न अनुरोध गर्नुभयो । लागुऔषध र घर छाडेर हिँड्ने बालबालिकाको संख्या बढ्दो रहेको भन्दै उहाँले बालबालिकाको तथ्याङ्क संकलनको लागि पनि बजेट छुट्याउन अनुरोध गर्नुभयो । यस्तै, कार्यक्रममा प्रमुख जिल्ला अधिकारी चक्र बहादुर बुढाले एउटा गाउँपालिकामा कम्तीमा एउटा प्रहरी चौकी आवश्यक रहेको बताउनुभयो । उहाँले गाउँमा भएका साना तिना झगडाहरु गाउँपालिकामा नै छलफल गरेर टुङ्गाउन पनि अनुरोध गर्नुभयो । गाउँपालिकाले आफ्नो क्षेत्रको सुरक्षाको जिम्मा पनि लिन आग्रह गर्नुभएको थियो । जिल्ला समन्वय समितिका प्रमुख रघुनाथ खलालको सभाध्यक्षतामा भएको कार्यक्रममा उपप्रमुख भगवति पुडासैनी र गाउँपालिकाका प्रमुख तथा कार्यकारी अधिकृतहरुको उपस्थिति रहेको थियो ।








सम्बन्धित शिर्षक समाचारहरु
  • योजना, बजेट र नागरिक सहभागिता

    केन्द्रिय र प्रदेश सरकारले नीति तथा कार्यक्रम र त्यसका लागि बजेट सार्वजनिक गरेका छन् । कतिपय प्रदेशमा त बजेट नै पारित भइसकेको छ । ३ नम्बर प्रदेशले पनि संसदमा पेश गरेको नीति तथा कार्यक्रम पारित भई अहिले बजेट माथिको छलफल भईरहेको छ । तर सरकारले पेश गर्ने योजना र बजेट विवादरहित हुन सेकेका छैनन् ।
    सम्पादकीय
    10     सम्पादकीय
  • उपमहानगरको शैक्षिक क्यालेण्डर तयार

    हेटौंडा, ८ असारः हेटौंडा उपमहानगरपालिकाको सामाजिक विकास महाशाखाअन्तर्गत शिक्षा शाखाले वार्षिक शैक्षिक क्यालेन्डर तयार पारेको छ । वार्षिक क्यालेन्डरमा परीक्षा मिति, परीक्षाको समीक्षा, अतिरिक्त क्रियाकलाप, प्रधानाध्यापकहरुको बैठक, अभिभावकबीच अन्तरक्रियाका कार्यक्रम तय गरेको छ ।
    शिक्षा
    6     सुनिता लोप्चन
  • फाइनलमा भुटनदेवी र आग्रा

    हेटौंडा, ८ असारः भुटनदेवी युवा क्लबको आयोजनामा जारी जुनियर भुटनदेवी सेभेन ए साईड फुटबल प्रतियोगिताको फाइनलमा आयोजक भुटनदेवी युवा क्लब ‘ए’ र आग्रा स्पोर्ट्स क्लब पुगेको छ ।
    खेलकुद
    11     समाज संवाददाता
  • जिल्लास्तरीय भलिबल आजबाट

    समाज संवाददाता हेटौंडा\६ असोज: केशवलाल श्रेष्ठ स्मृति जिल्ला स्तरीय भलिबलको दोश्रो संस्करण आजबाट हटियामा सुरु हुँदैछ । हटिया स्पोर्टस एकेडेमीको आयोजनामा हुने प्रतियोगिता ८ गतेसम्म सञ्चालन हुनेछ ।
    खेलकुद
    99    
  • मतदाताका लागि सुवर्ण अवसर

    सुरेन्द्र विष्ट सम्पूर्ण नगरबासीहरुमा नयाँ वर्ष २०७४ को शुभकामना । यो नयाँ वर्षले नेपालीहरुको काँधमा ठूलो जिम्मेवारीका साथ नयाँ वर्ष सुरु भएको छ । अब हामीले हाम्रो वडा, नगर र गाउँ कस्तो बनाउने भन्ने नयाँ वर्षले हाम्रो थकित काँधमा ठूलो भारी बोकाएको छ । अब हामीले हाम्रो पार्टी, हाम्रो मान्छे नभनिकन राम्रो पार्टी, राम्रो मान्छे खोज्नु पर्ने बेला भएको छ । किनभने हामीले प्रजातन्त्र प्राप्त पछि झण्डै तीस वर्ष हाम्रो मतदानबाट धेरै ठूला पार्टी भए, धेरै माननीय मन्त्री भए तर देशको अवस्था झन् बिग्रँदो र भ्रष्टाचारले व्याप्त भएको छ । हाम्रो जनशक्ति विदेश पलायन हुन बाध्य भएको छ । हाम्रो देशको युवायुवती खाडी मुलुकमा नोकर भएर बस्नु परेको छ । अझै दुख लाग्दो त दिनै पिच्छे २/३ जनाको लास आउने गरेको छ । हाम्रा कति चेली बलात्कारको शिकार भएका छन् ।
    विचार
    99    
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    989    
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top