+०५७-५२६८३०, ९८५५०-६८२२७
logo
राजनीति

प्रदेश सभा नियमावली सर्वसम्मत पारित



राजनीति   6 पटक पढिएको        
हेटौंडा, १५ फागुनः ३ नम्बर प्रदेश सभाको प्रदेश सभा नियामावली सर्वसम्मत पारित भएको छ । सोमबार भएको प्रदेश सभाको वैठकले नियमावली सर्वसम्मत पारित गरेको हो । आइतबार संसदीय समितिका सभापति राजेन्द्र पाण्डेले सभामा पेस गर्नुभएको नियमावली सोमबार प्रदेश सदस्यहरुले सर्वसम्मत रुपमा पारित गरेका हुन् ।



राजेन्द्र पाण्डेको संयोजकत्वमा ११ सदस्यीय समितिले निर्माण गरेको प्रदेश सभाको नियमावली माथि आईतबार बसेको प्रदेश सभा वैठकले संशोधनका लागि १६ घण्टा समय दिएको थियो । तर, सोमबारसम्म कुनै पनि संशोधन प्रस्ताव नआएपछि समितिका सभापति राजेन्द्र पाण्डेको प्रस्तावमा प्रदेश सभा सदस्यहरुले सर्वसम्मत पारित गरेका हुन । प्रस्ताव माथि प्रमुख प्रतिपक्षी दलको तर्फबाट नेपाली काँग्रेसकी तारा घलेले समर्थन गर्नुभएको थियो । प्रस्तावको छलफल विषयमा बोल्दै घलेले केन्द्रमा प्रधानमन्त्री बन्न एमाले अध्यक्ष केपि ओलीले गरेको हतारलाई असंवैधानिक भन्दै प्रदेशमा पनि पदको लागि विधान उलङ्घन गर्न नहुने बताउनुभएको थियो ।

माओवादी केन्द्रका युवराज दुलालले प्रदेश सभा सदस्यहरुको समय वर्वाद मात्रै भइरहेको बताउनुभएको थियो । संसद भवनमा बोल्दै दुलालले केन्द्रको छायाँबाट अझै मुक्त हुन नसकेको भन्दै संघीय संरचना अनुसार अधिकार प्रयोग गर्दै अगाडि बढ्नु पर्ने बताउनुभएको थियो । त्यस्तै प्रदेश सभामा विवेकशिल साझा पार्टीकी शोभा शाक्यले नियमावलीको समर्थन गर्दै जनताको गुनासो सुन्ने गरी नियमावली बनेकोमा खुसी समेत व्यक्त गर्नुभएको थियो । प्रदेश सभामा राप्रपा प्रजातान्त्रिककी रिना गुरुङले अब प्रदेशको समृद्धिको लागि एक भएर लाग्नुपर्ने बताउनुभएको थियो । राष्ट्रिय प्रजातन्त्र पार्टीकी रिता माझीले प्रस्तावमा छलफल गर्दै समर्थन जनाउनुभएको थियो ।

सांसद राजेन्द्र पाण्डे सभापति रहेको नियमावली मस्यौदा समितिले तयार पारेको मस्यौदा आइतबार प्रदेशसभामा निर्णयार्थ पेश भएको थियो । दुई दिन खर्चेर मस्यौदा समितिले तयार पारेको नियमावलीमा ४५ पृष्ठको मस्यौदामा ६ नियमावलीमा २१७ नियम रहेका छन् । माघ २८ गते गठन भएको समितिले फागुन १० र ११ गते साढे १० घण्टा बैठक बसेर मस्यौदालाई अन्तिम रुप दिएको थियो । समितिमा दिपक निरौला, सरस्वती बस्नेत, बुद्धिमान माझी, कञ्चन खनाल, छिरिङ दोर्जे लामा, राधा घले, रमेश पौड्याल, सुरेन्द्र राज गोसाई, रिना गुरुङ र रिता माझी सदस्य थिए । प्रदेश नियमावली पारित भएसँगै प्रदेश सभाको अर्को वैठक सुचना जारी नभए सम्मको लागि स्थगित गरिएको छ । 








सम्बन्धित शिर्षक समाचारहरु
  • योजना, बजेट र नागरिक सहभागिता

    केन्द्रिय र प्रदेश सरकारले नीति तथा कार्यक्रम र त्यसका लागि बजेट सार्वजनिक गरेका छन् । कतिपय प्रदेशमा त बजेट नै पारित भइसकेको छ । ३ नम्बर प्रदेशले पनि संसदमा पेश गरेको नीति तथा कार्यक्रम पारित भई अहिले बजेट माथिको छलफल भईरहेको छ । तर सरकारले पेश गर्ने योजना र बजेट विवादरहित हुन सेकेका छैनन् ।
    सम्पादकीय
    10     सम्पादकीय
  • उपमहानगरको शैक्षिक क्यालेण्डर तयार

    हेटौंडा, ८ असारः हेटौंडा उपमहानगरपालिकाको सामाजिक विकास महाशाखाअन्तर्गत शिक्षा शाखाले वार्षिक शैक्षिक क्यालेन्डर तयार पारेको छ । वार्षिक क्यालेन्डरमा परीक्षा मिति, परीक्षाको समीक्षा, अतिरिक्त क्रियाकलाप, प्रधानाध्यापकहरुको बैठक, अभिभावकबीच अन्तरक्रियाका कार्यक्रम तय गरेको छ ।
    शिक्षा
    6     सुनिता लोप्चन
  • फाइनलमा भुटनदेवी र आग्रा

    हेटौंडा, ८ असारः भुटनदेवी युवा क्लबको आयोजनामा जारी जुनियर भुटनदेवी सेभेन ए साईड फुटबल प्रतियोगिताको फाइनलमा आयोजक भुटनदेवी युवा क्लब ‘ए’ र आग्रा स्पोर्ट्स क्लब पुगेको छ ।
    खेलकुद
    11     समाज संवाददाता
  • जिल्लास्तरीय भलिबल आजबाट

    समाज संवाददाता हेटौंडा\६ असोज: केशवलाल श्रेष्ठ स्मृति जिल्ला स्तरीय भलिबलको दोश्रो संस्करण आजबाट हटियामा सुरु हुँदैछ । हटिया स्पोर्टस एकेडेमीको आयोजनामा हुने प्रतियोगिता ८ गतेसम्म सञ्चालन हुनेछ ।
    खेलकुद
    99    
  • मतदाताका लागि सुवर्ण अवसर

    सुरेन्द्र विष्ट सम्पूर्ण नगरबासीहरुमा नयाँ वर्ष २०७४ को शुभकामना । यो नयाँ वर्षले नेपालीहरुको काँधमा ठूलो जिम्मेवारीका साथ नयाँ वर्ष सुरु भएको छ । अब हामीले हाम्रो वडा, नगर र गाउँ कस्तो बनाउने भन्ने नयाँ वर्षले हाम्रो थकित काँधमा ठूलो भारी बोकाएको छ । अब हामीले हाम्रो पार्टी, हाम्रो मान्छे नभनिकन राम्रो पार्टी, राम्रो मान्छे खोज्नु पर्ने बेला भएको छ । किनभने हामीले प्रजातन्त्र प्राप्त पछि झण्डै तीस वर्ष हाम्रो मतदानबाट धेरै ठूला पार्टी भए, धेरै माननीय मन्त्री भए तर देशको अवस्था झन् बिग्रँदो र भ्रष्टाचारले व्याप्त भएको छ । हाम्रो जनशक्ति विदेश पलायन हुन बाध्य भएको छ । हाम्रो देशको युवायुवती खाडी मुलुकमा नोकर भएर बस्नु परेको छ । अझै दुख लाग्दो त दिनै पिच्छे २/३ जनाको लास आउने गरेको छ । हाम्रा कति चेली बलात्कारको शिकार भएका छन् ।
    विचार
    99    
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    989    
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top