+०५७-५२६८३०, ९८५५०-६८२२७
logo
स्थानीय तह

१ नम्बर वडामा १ करोडका २९ योजना



स्थानीय तह   42 पटक पढिएको   विवश अधिकारी     
हेटौंडा, १८ फागुनः हेटौंडा उपमहानगरपालिका १ नम्बर वडा कार्यालयले चालु आर्थिक वर्षको बजेट विशेषगरी भौतिक पुर्वाधार निर्माण र खानेपानीका योजनामा खर्च गरेको छ । चालु आर्थिक वर्षका लागि छनौट भएका २९ वटा योजना मध्ये १७ वटा योजना सञ्चालमा रहेको वडा कार्यालयले जानकारी दिएको छ ।



वडा अध्यक्ष सविन न्यौपानेले चालु आर्थिक वर्षको वडाको बजेट १ करोड रुपैयाँ बिनियोजन भएकोमा विशेषगरी भौतिक पुर्वाधार निर्माण र खानेपानीका योजनामा बजेट खर्च गरिएको जानकारी दिनुभयो । स्थानीय तहमा जनप्रतिनीधि आउनु भन्दा पहिले नै योजनाहरु छनोट भईसकेकोले हाललाई सोहि योजनालाई प्राथमिकताका साथ अगाडि बढाईएको उहाँले जानकारी दिनुभयो । उपमहानगरपालिकाबाट बिनियोजित १ करोड मध्ये ५० लाख बराबरको योजना सम्पन्न भईसकेको जानकारी दिँदै वडाअध्यक्ष न्यौपानेले आगामी वर्ष भने स्वास्थ्य र शिक्षा क्षेत्रमा लगानी गर्ने योजना रहेको बताउनुभयो । साविकको बसामाडी गाविसको वडा नम्बर ८ र ९ सहित कुल १४ दशमलव ८२ वर्ग किलोमिटर क्षेत्रफल रहेको वडामा १ हजार ७ सय ४५ घरधुरी रहेका छन् ।

९ वटा टोल विकास संस्था रहेको १ नम्बर वडामा ४ हजार ४४ पुरुष र ४ हजार ८६ महिला गरी कुल ८ हजार १ सय ३० जनसङ्ख्या छ । वडा नम्बर १ मा भैरबडाँडा सडक स्तरोन्नतिमा १० लाखसहित ३१ लाख रुपैयाँ सडक निर्माणका विभिन्न योजनामा विनियोजन गरिएको छ । त्यस्तै वडामा २३ लाख बराबरको खानेपानी योजनामा बजेट विनियोजन भएको छ । जेष्ठ नागरिक बिश्रामस्थलका लागि ३ लाख, बस्ति संरक्षणमा २ लाख ५० हजार, अमर माविमा शौचालय निर्माणका लागि ५ लाख, बालबालिका लक्षित कार्यक्रमतर्पm १ लाख, सचेतना भवन निर्माणका लागि १ लाख, टनेल खेती सम्बन्धी तालिमका लागी १ लाख, नकौली स्कुलमा भवन निर्माणका लागि १ लाख ५० हजार, सिलाईबुनाई तालिमका लागि १ लाख बजेट रहेको छ । यस्तै दलित वर्ग उत्थान कार्यक्रमतर्फ ५० हजार, लालझाडी सामुदायिक भवनमा शौचालय निर्माणका लागि ५० हजार, मुहान संरक्षणका लागि १ लाख, घ्याङ्सिङ्टार सरस्वती आधारभूत विद्यालयको पर्खाल निर्माणका लागि १ लाख ५० हजार, नकौली स्कुल भवन निर्माणका लागि १ लाख ५० हजार बजेट बिनियोजन भएको वडा अध्यक्ष न्यौपानेले जानकारी दिनुभएको छ । त्यस्तै नाला तथा ढल निर्माणका लागि ६ लाख र कलभर्ड निर्माणका लागि ५ लाख बजेट बिनियोजन भएको छ । वडा नम्बर १ मा ३० लाख रुपैयाँ बराबरको थप बैकल्पिक योजनाका लागि पनि बजेट बिनियोजन भएको उहाँले जानकार िदिनुभयो ।








सम्बन्धित शिर्षक समाचारहरु
  • योजना, बजेट र नागरिक सहभागिता

    केन्द्रिय र प्रदेश सरकारले नीति तथा कार्यक्रम र त्यसका लागि बजेट सार्वजनिक गरेका छन् । कतिपय प्रदेशमा त बजेट नै पारित भइसकेको छ । ३ नम्बर प्रदेशले पनि संसदमा पेश गरेको नीति तथा कार्यक्रम पारित भई अहिले बजेट माथिको छलफल भईरहेको छ । तर सरकारले पेश गर्ने योजना र बजेट विवादरहित हुन सेकेका छैनन् ।
    सम्पादकीय
    10     सम्पादकीय
  • उपमहानगरको शैक्षिक क्यालेण्डर तयार

    हेटौंडा, ८ असारः हेटौंडा उपमहानगरपालिकाको सामाजिक विकास महाशाखाअन्तर्गत शिक्षा शाखाले वार्षिक शैक्षिक क्यालेन्डर तयार पारेको छ । वार्षिक क्यालेन्डरमा परीक्षा मिति, परीक्षाको समीक्षा, अतिरिक्त क्रियाकलाप, प्रधानाध्यापकहरुको बैठक, अभिभावकबीच अन्तरक्रियाका कार्यक्रम तय गरेको छ ।
    शिक्षा
    6     सुनिता लोप्चन
  • फाइनलमा भुटनदेवी र आग्रा

    हेटौंडा, ८ असारः भुटनदेवी युवा क्लबको आयोजनामा जारी जुनियर भुटनदेवी सेभेन ए साईड फुटबल प्रतियोगिताको फाइनलमा आयोजक भुटनदेवी युवा क्लब ‘ए’ र आग्रा स्पोर्ट्स क्लब पुगेको छ ।
    खेलकुद
    11     समाज संवाददाता
  • जिल्लास्तरीय भलिबल आजबाट

    समाज संवाददाता हेटौंडा\६ असोज: केशवलाल श्रेष्ठ स्मृति जिल्ला स्तरीय भलिबलको दोश्रो संस्करण आजबाट हटियामा सुरु हुँदैछ । हटिया स्पोर्टस एकेडेमीको आयोजनामा हुने प्रतियोगिता ८ गतेसम्म सञ्चालन हुनेछ ।
    खेलकुद
    99    
  • मतदाताका लागि सुवर्ण अवसर

    सुरेन्द्र विष्ट सम्पूर्ण नगरबासीहरुमा नयाँ वर्ष २०७४ को शुभकामना । यो नयाँ वर्षले नेपालीहरुको काँधमा ठूलो जिम्मेवारीका साथ नयाँ वर्ष सुरु भएको छ । अब हामीले हाम्रो वडा, नगर र गाउँ कस्तो बनाउने भन्ने नयाँ वर्षले हाम्रो थकित काँधमा ठूलो भारी बोकाएको छ । अब हामीले हाम्रो पार्टी, हाम्रो मान्छे नभनिकन राम्रो पार्टी, राम्रो मान्छे खोज्नु पर्ने बेला भएको छ । किनभने हामीले प्रजातन्त्र प्राप्त पछि झण्डै तीस वर्ष हाम्रो मतदानबाट धेरै ठूला पार्टी भए, धेरै माननीय मन्त्री भए तर देशको अवस्था झन् बिग्रँदो र भ्रष्टाचारले व्याप्त भएको छ । हाम्रो जनशक्ति विदेश पलायन हुन बाध्य भएको छ । हाम्रो देशको युवायुवती खाडी मुलुकमा नोकर भएर बस्नु परेको छ । अझै दुख लाग्दो त दिनै पिच्छे २/३ जनाको लास आउने गरेको छ । हाम्रा कति चेली बलात्कारको शिकार भएका छन् ।
    विचार
    99    
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    989    
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top