+०५७-५२६८३०, ९८५५०-६८२२७
logo
अन्तर्वार्ता

शिक्षालाई सेवाको रुपमा हेर्नुपर्दछ



अन्तर्वार्ता   1071 पटक पढिएको   अमृत चिमरिया     
ऋषिराम उपाध्याय पोखरेल, सेवानिवृत्त प्रधानाध्यापक(आधुनिक राष्ट्रिय मावि) जिल्लाको अग्रणी शैक्षिक संस्था आधुनिक राष्ट्रिय मावि विद्यार्थी, अभिभावकको रोजाईमा रहने गरेको छ । विद्यालय तहको शिक्षालाई सरकारी शैक्षिक संस्थामा पनि प्रभावकारी रुपमा कार्यान्वयन गर्न सकिन्छ भन्ने तथ्य स्थापित गर्न सफल आधुनिक राष्ट्रिय माविका प्रधानाध्यापक ऋषिराम उपाध्याय पोखरेलले उमेर हदका कारण अनिवार्य अवकास पाउनु भएको छ । ७ वर्ष प्रधानाध्यापकको जिम्मेवारी निर्वाह गर्नुभई अनिवार्य अवकास पाउनुभएका पोखरेललाई बुधबार विद्यालय परिवारले भव्य कार्यक्रमको आयोजना गरी विदाई गर्यो । एउटा सफल विद्यालयको प्रधानाध्यापक भएर अवकास प्राप्त गर्नुभएका पोखरेलसँग समृद्ध समाज दैनिकका संवाददाता अमृत चिमरियाले गरेको कुराकानीः



समाजः मकवानपुरको शिक्षामा उल्लेखनीय पहिचान बनाएर प्रधानाध्यापक रहँदै गर्दा अनिवार्य अवकास पाउनुभयो । कस्तो अनुभव गर्नुभएको छ ?

पोखरेलः विदा हुँदा दुख त लागि हाल्छ नी । आफ्नो जीवनकै लामो समय बिताएको क्षेत्रबाट विदा हुँदा दुख लाग्नु स्वभाविक पनि हो । विदा हुने रहर भन्दा पनि ऐन, नियम र परिवेश हो ।


समाजः तपाईको नेतृत्वमा आधुनिक माविले जिल्ला मात्रै नभई देशव्यापीरुपमा एउटा ख्याती पायो । नमुना विद्यालयको लागि छनौट समेत भएको छ अब तपाई गएपछि यो विद्यालय कसरी अगाडि बढ्ला ?

पोखरेलः हामीले सिस्टमको विकास गरेका छौं । त्यसकारण यो स्कुल अब पछाडी फर्कन पर्दैन होला । किनभने आधुनिकका शिक्षकमा लगनशीलता, विद्यार्थीमा अनुशासनको संस्कार विकास भएको छ । एउटा संस्कार विकास भइसकेपछि विद्यालयले पछाडी फर्कनु पर्दैन जस्तो लाग्छ ।


समाजः जिल्लामा नै एउटा ख्याती कमाएको विद्यालयको प्रधानाध्यापक भएर अवकाश पाउनुभएको छ । तपाईको अनुभवमा मकवानपुरका विद्यालयहरुले शैक्षिक विकासमा के–के कुरा सिक्न जरुरी छ ?

पोखरेलः सबैभन्दा पहिले प्रधानाध्यापकको जिम्मेवारी हुन्छ । प्रधानाध्यापकले शिक्षकहरुसँग सहकार्य, अभिभावकहरुसँग समन्वय गरेर अगाडि बढ्नु पर्दछ । विद्यार्थीहरुमा अभिभावकत्व बोध गराउनु सक्नुपर्छ । शिक्षकहरुलाई समान दृष्टिकोणले हेर्नुपर्दछ । शिक्षालाई सेवाको रुपमा हेर्नुपर्छ । मास्टरीलाई पहिले जागिर बनाउनु पर्ने बाध्यता थियो तर अहिले मास्टरी भन्दा जागिरे बढी भएको छ ।


समाजः पछिल्लो पुस्ताका विद्यार्थीहरुमा नैतिकता, अनुशासनको कुराहरु खस्कँदै गएको देखिन्छ । यसको समाधानको लागि शिक्षकको भूमिका कस्तो हुन्छ ?

पोखरेलः तुलनात्मक रुपमा पछिल्लो समय किशोर–किशोरी तथा विद्यार्थीहरु भड्किलोपना बढेको छ । शिक्षकले प्रत्येक विद्यार्थीलाई ध्यान दिनुपर्दछ । शिक्षकले विद्यार्थीको अभिभावकत्व निर्वाह गर्नुपर्दछ र सामाजिक विकृतिले छोएका वा त्यस्ता समस्या देखा परेका विद्यार्थीलाई अभिभावकहरुको सहकार्यमा तार्किक अनुशासनमा जोड दिनुपर्दछ । बलपुर्वक लादिएको अनुशासन भन्दा अनुभव बोध गरेर तर्कपूर्ण अनुशासनमा जोड लिए त्यसले सार्थकता पाउला ।


समाजः अध्यापनमा लामो समय बिताउनुभयो । विद्याथीहरुको शिक्षक प्रति मानसिकता कस्तो रह्यो ?

पोखरेलः मेरो आफ्नो विषयमा मलाई भन्दा अरुलाई बढि थाहा हुन्छ । तर म कक्षा कोठा भित्र छिर्दा सबैभन्दा बढि माया गर्ने व्यक्ति भनेको म नै हो भन्ने दावी गर्थे । त्यो विद्यार्थीहरुलाई थाहा होला ।


समाजः तपाईको अबका दिनका योजना के छन् ?

पोखरेलः शिक्षा क्षेत्रमा मेरो जिन्दगी समर्पण भएको छ । अब पनि म शैक्षिक क्षेत्रमा नै समर्पित गर्न चाहन्छु । शिक्षा भनेको विद्यालयमा मात्रै हुँदैन अन्य स्थानमा हुन्छ । शिक्षा बहुआयामिक हुन्छ । हरेक क्षेत्रमा शिक्षा हुन्छ । म शिक्षा क्षेत्रमा संधैभरी लाग्ने छु ।








सम्बन्धित शिर्षक समाचारहरु
  • मुख्यमन्त्री कार्यालयको वेबसाईट सञ्चालनमा

    हेटौंडाः ३ नम्बर प्रदेशको मुख्यमन्त्री तथा मन्त्री परिषदको कार्यलयले बिहिबारबाट आधिकारिक वेबसाईट सञ्चालनमा ल्याएको छ । बिहिबार एक कार्यक्रमको आयोजना गरी प्रदेशका मुख्यमन्त्री डोरमणि पौडेलले वेबसाईटको शुभारम्भ गर्नुभएको छ । मुख्यमन्त्री तथा मन्त्रीपरिषद कार्यालयको वेबसाइट ocmcm.p3.gov.np रहेको छ ।
    राजनीति
    5     समाज संवाददाता
  • अन्तरजातीय ११ जोडी सम्मानित

    हेटौंडाः अन्तरजातीय विवाह गर्ने हेटौंडाका ११ जोडीलाई बिहिबार सम्मान गरिएको छ । समाजमा रहेकोे कुरीति विरुद्ध सशक्त कदम चालेको भन्दै अन्तरजातीय जोडीलाई सम्मान गरिएको हो । उपेक्षित सामुदायिक विकास मञ्चको आयोजना तथा हेटांैडा उपमहानगरपालिकाको सहयोगमा सम्मानपत्रसहित ढाका टोपी र दोसल्ला ओढाएर सम्मान गरिएको थियो ।
    समाज
    5     समाज संवाददाता
  • बजेटको सिलिङप्रति वडा अध्यक्षहरु असन्तुष्ट

    हेटौंडाः हेटौंडा उपमहानगरपालिकाले आगामी आर्थिक वर्ष २०७५/०७६ को लागि वडाहरुमा १६ करोड ७५ लाख बराबरको सिलिङ तोकेर पठाएको छ । उपमहानगरपालिकाले १९ वटा वडामा आगामी आर्थिक वर्षको लागि ७० लाखदेखि १ करोड रुपैयाँसम्मको सिलिङ तोकेर पठाएको छ । वडाले सोहि बजेटको सिलिङ भित्र रहेर योजना तथा कार्यक्रमहरु सम्पन्न गर्नुपर्ने हुन्छ ।
    स्थानीय तह
    30     समाज संवाददाता
  • सम्पादकीय, समुदायकै सक्रियतामा पुस्तकालय

    १७, भदौ समय जत्ति नै आधुनिक बन्दै गए पनि ज्ञानको अभावमा समाज आधुनिक बन्नै सक्दैन । ज्ञान आर्जन गर्नु भनेको व्यक्तिले आफ्नो व्यक्तित्व विकासको आधार तयार पार्नु हो । हरेक व्यक्ति सफल र सक्षम बन्न चाहन्छ तर, तयारी के गर्छ त भनेर हेर्ने हो भने तयारी गर्ने विषय केही पनि छैन । सक्षम र सफल व्यक्ति बन्नका लागि शिक्षा अनिवार्य छ ।
    विचार
    99    
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    984    
  • गाँजासहित २ जना पक्राउ

    हेटौंडा, ११ मंसिरः मकवानपुरका प्रहरी टोलिले ४० किलोग्राम लागुऔषध गाँजासहित कैलाश गाउँपालिकामा २ जनालाई शनिबार पक्राउ गरेको छ । प्रहरी चौकी डाँडाखर्कबाट खटिएको प्रहरी टोलीले गस्ती गर्दै जाने क्रममा कैलाश गाउँपालिका–६, ठुलोबेसीमा स्थानीयबासी ५१ वर्षीय बच्चुराम रिजाल र १८ वर्षीय रुपक बराललाई गाँजासहित पक्राउ गरेको जिल्ला प्रहरी कार्यालय मकवानपुरले जनाएको छ ।
    अपराध
    98     समाज संवाददाता
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top