+०५७-५२६८३०, ९८५५०-६८२२७
logo
राजनीति

नीति, कार्यक्रम र वजेट तर्जुमाको तयारी/ विज्ञसँग प्रदेश सरकारको छलफल सुरु



राजनीति   146 पटक पढिएको   समाज संवाददाता     
हेटौंडाः ३ नम्बर प्रदेश सरकारको आर्थिक मामिला तथा योजना मन्त्रालयले चालु एवम् आगामी आवको नीति, कार्यक्रम र वजेट तर्जुमा गर्न प्रदेश राजधानी हेटौंडामा विज्ञहरुसँग छलफल सुरु गरेको छ । अल्पकालिन, दिर्घकालिन योजनाहरु निर्माण गर्न र सरकारको नीति तथा कार्यक्रम तयार पार्न विभिन्न विषयका विज्ञहरुसँग आइतबारदेखि गृहकार्य सुरु गरेको हो ।



उक्त छलफल कार्यक्रमको उद्घाटन गर्दै मुख्यमन्त्री डोरमणि पौडेलले पुरा गर्न नसक्ने सपनाहरु देखेको आधार योजनाहरु तयार पार्न नहुने बताउनुभएको छ । नागरिकको आधारभुत आवश्यकता र साधन स्रोेतले भ्याउने योजनाहरुको छनोट गर्नुपर्ने बताउँदै प्रदेश ३ का मुख्यमन्त्री पौडेलले भन्नुभयो, ‘व्यवहारिक भएर योजनाहरु छनोट ग¥यौं भने प्रदेशलाई सफलता मिल्नेछ ।’

‘चैत महिना भित्र चालु आवको निम्ति ३ महिने नीति, कार्यक्रम र वजेट ल्याउनु पर्छ’, उहाँले भन्नुभयो, ‘सरकारले चालु आवको बाँकी अवधिका लागि चैत २० गते भित्र प्रदेश सभामा बजेट पेश गर्ने गरी तयारी गरिरहेको छ ।’ विज्ञहरुले आ—आफनो अवधारणा पत्र प्रस्तुत गर्नु भन्दा अघि आर्थिक मामिला तथा योजना मन्त्रालयका मन्त्री कैलाश ढुंगेलले ३ नम्बर प्रदेशको भुगोल, सामाजिक, आर्थिक र साँस्कृतिक अवस्थालाई केन्द्रविन्दुमा राखेर अल्पकालिन एवम् दिर्घकालिन नीति, कार्यक्रमहरु तर्जुमा गर्नुपर्ने बताउनुभयो । निर्वँचनको बेलामा घोषणापत्रमा सार्वजनिक गरेका प्रतिवद्धताहरुलाई आधार मानेर योजनाहरु छनोट गर्नुपर्ने उल्लेख गर्दै छलफलमा सहभागी आर्थिक मामिला मन्त्री ढुंगेलले भन्नुभयो, ‘हाम्रा योजना र कार्यक्रमहरुले नेपाली मोडेलको समाजवादको गोरेटो खन्नु परेको छ ।’ स्रोत र साधनको उचित प्रयोग र व्यवहारिक अभ्यासका आधार अल्पकालिन र दिर्घकालिन योजनाहरु तयार पार्नुपर्ने उहाँको धारणा थियो ।

सहकारी र नीजि क्षेत्रलाई प्रदेश सरकारले सँगसँगै लिएर अगाडि बढ्ने उहाँले बताउनुभयो । छलफलमा विज्ञ डा. तिलचन्द्र भट्टराईले प्रदेश ३ को विविध खाले भुबनोट रहेकाले भु—भागको आधारमा अल्पकालिन र दिर्घकालिन योजनाहरु तर्जुमा गर्नुपर्ने बताउनुभएको हो । हावापानी, प्राकृतिक स्रोत साधन र भुभागलाई मध्यनजर गरेर योजनाहरु छनोट गर्नुपर्ने कुरामा उहाँले जोड दिनुभएको थियो । प्रशासन तथा व्यवस्थापन विज्ञ प्रकाश श्रेष्ठले चालु आवको ३ महिनाको नीति र कार्यक्रम बनाउँदा भूकम्पपछिको विपद्मा परेका प्रदेशवासीहरुलाई पुनर्निर्माण कार्यमा सहयोग पु¥याउने योजना ल्याउनुपर्ने र युवा उद्यमशिलता पहिचान गरेर क्षमताको विकास सँगसँगै सहयोग गर्ने योजना ल्याउनु पर्ने सुझाव दिनुभएको थियो । प्रत्येक जिल्ला र नगरलाई पहिचान दिनका निम्ति सम्भाव्यता अध्ययन गरेर योजनाहरु बनाउनु पर्ने सुझाव विज्ञहरुले दिएका छन् । १३ वटै जिल्लाको पहिचान झल्कने योजना तर्जुमा गर्नुपर्ने विज्ञहरुको धारणा छ । आज सोमबारसम्म संचालन हुने छलफलमा विज्ञहरु ज्ञानेन्द्र श्रेष्ठ, प्रकाश श्रेष्ठ, डा.तिलचन्द्र भट्टराई, गोविन्द घिमिरे, रमेश कडेरिया, जेएन थपलियाले आ—आफ्नो धारणासहित सुझाव दिनेछन् ।








सम्बन्धित शिर्षक समाचारहरु
  • वहुप्राविधिक महाविद्यालयको निर्माणमा मुख्यमन्त्रीको अग्रसरता/ कात्तिक १ बाट रुख कटान

    हेटौंडा, ३१ असारः नेपाल भारत मैत्री बहुप्राविधिक महाविद्यालयको निर्माण कार्यको लागि ३ नम्बर प्रदेशका मुख्यमन्त्री डोरमणि पौडेलले अग्रसरता देखाउनुभएको छ । महाविद्यालयको विषयमा ३ नम्बर प्रदेशका मुख्यमन्त्री डोरमणी पौडेलको उपस्थितीमा नेपाल स्थित भारतिय राजदुतावासका पदाधिकारी, सिटिईभिटीका पदाधिकारी, प्रदेशका सचिवहरु सहितको टोलीबीच शनिबार छलफल भएको थियो ।
    शिक्षा
    14     समाज संवाददाता
  • मानन्धरको आँखाको नानी संकलन

    हेटौंडा, ३० असारः नेपाल भाषा खलः मकवानपुरका अध्यक्ष मंगलकृष्ण मान्नधरको आँखाको नानी शनिबार संकलन गरिएको छ ।
    स्वास्थ्य
    56     समाज संवाददाता
  • कुखरेनीमा नयाँ सम्मवेल

    हेटौंडा, ३१ असारः हेटौंडा उपमहानगरपालिका–९ कुखरेनीमा खानेपानीको लागि नयाँ सम्मवेल संचालनमा आएको छ । हेटौंडा खानेपानी व्यवस्थापन बोर्डले आफ्नो सेवा क्षेत्रभित्र खानेपानीको थप स्रोत वृद्धि गर्ने उद्धेश्यले नयाँ सम्मवेल निर्माण गरी शनिबारबाट संचालनमा ल्याएको हो । हेटौंडा उपमहानगरपालिकाका प्रमुख हरी बहादुर महतले सम्मवेलको उद्घाटन गर्नु भएको थियो ।
    समाज
    104     समाज संवाददाता
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    996    
  • महासन्धीमा हस्ताक्षर गर्न आग्रह

    समाज संवाददाता हेटौंडाः मानव अधिकारवादी संस्था अनौपचारिक क्षेत्र सेवा केन्द्र (इन्सेक) ले नेपाल सरकारलाई ‘बलपूर्वक वेपत्ता पारिएका सबै व्यक्तिहरुको संरक्षण सम्बन्धी संयुक्त राष्ट्रसंघीय महासन्धी २००६’ मा हस्ताक्षर गरी नेपाललाई उक्त महासन्धीको पक्ष राष्ट्र बन्न आग्रह गरेको छ । अन्तर्राष्ट्रिय वेपत्ता दिवसको दिन मंगलबार इन्सेकले ७५ वटै जिल्ला प्रशासन कार्यालय मार्फत प्रधानमन्त्रीलाई ज्ञापनपत्र पेश गरेको छ । मकवानपुरमा पनि इन्सेक प्रतिनिधी प्रताप विष्टले मकवानपुरका प्रमुख जिल्ला अधिकारी डा. मानबहादुर बिकमार्फत प्रधानमन्त्रीलाई ज्ञापनपत्र पेश गर्नुभएको छ ।
    राजनीति
    99    
  • बिलखबन्दमा भूकम्प पीडित

    २०७२ सालको भूकम्प जति पीडादायक रह्यो त्यो भन्दा बढी पीडादायक छ ती पीडितमाथि सरकारले गरिरहेको बेवास्ता । सरकार भूकम्प पीडितलाई राहत दिने घोषणा गर्छ । अझ सरकार परिवर्तन भए लगत्तै नयाँ प्रधानमन्त्रीको घोषणा अनुदान बढाउने, छिटो काम गर्ने, जनताको ओँठमा हाँसो ल्याउने । नयाँ सरकारले घोषणाअनुसार काम गर्दैन, जनता फेरि निराश । भूकम्पले घर गुमाएका लाखौं जनताले केही समयअघि सरकारको पहिलो किस्ता अनुदान रकम पाए । दसैंको मुखमा ५० हजार रुपैयाँ पाएका भूकम्प पीडित मध्ये कतिपयले दसैंमा नै त्यो पैसा खर्च गरेका छन् । केहीले साँचेर दसैं, तिहार, छठ पछि घर बनाउन सुरु गरे ।
    विचार
    99    
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top