+०५७-५२६८३०, ९८५५०-६८२२७
logo
शिक्षा

आजबाट माध्यमिक शिक्षा परीक्षा (एसईई)



शिक्षा   24 पटक पढिएको   समाज संवाददाता     
हेटौंडा, ८ चैत्रः आज बिहिबारबाट माध्यामिक शिक्षा परीक्षा (एसईई) सञ्चालन हुने भएको छ । राष्ट्रिय परीक्षा बोर्डले लिने एसईईको लागि मकवानपुर जिल्लामा सबै तयारी पूरा भएको जिल्ला शिक्षा कार्यालय मकवानपुरले जानकारी दिएको छ । परीक्षाको तयारीको लागि विद्यालयहरुले सिम्बोल नम्बर, सिट प्लानिङ गरिसकेको छ । मकवानपुरबाट ६ हजार १ सय ७२ जना विद्यार्थीहरुले २४ वटा केन्द्रबाट परीक्षा दिने भएका छन् ।



मकवानपुर जिल्लामा नियमित, पूरक तथा प्राविधिक गरी जम्मा ६ हजार ३ सय ५२ जनाले परीक्षाको लागि फारम भरे तापनि १ सय ८० जना विद्यार्थीहरु अयोग्य भएको जिल्ला शिक्षा कार्यालय मकवानपुरले जानकारी दिएको छ । मकवानपुर जिल्लाबाट सय भन्दा बढि विद्यार्थी एसईईमा सहभागी गराउने ८ वटा विद्यालयहरु रहेका छन् । बकैया गाउँपालिकास्थित बुद्ध माविबाट १ सय १, बाग्मति गाउँपालिकास्थित जनता माविबाट १ सय ६८, हेटौंडा–१९, बस्तीपुरस्थित निर्मल माविबाट १ सय ६, हेटौंडा–५ स्थित जीएस निकेतन माविबाट १ सय २३, हेटौंडा–४ स्थित आधुनिक राष्ट्रिय माविबाट ३ सय ७८, हेटौंडा–१० स्थित सोलिड्यारिटी ईन्टरनेशनल स्कूलबाट १ सय २, हेटौंडा–१३, पदमपोखरीस्थित महेन्द्र माविबाट १ सय २२ र हेटौंडा–२ स्थित सिद्धार्थ माविबाट १ सय ३५ विद्यार्थी एसईईमा सहभागी हुँदैछन् ।

५० भन्दा बढि विद्यार्थी सहभागी गराउने ३५ वटा विद्यालयहरु रहेका छन् । नियमिततर्फ १ सय ३० वटा विद्यालयले आफ्ना विद्यार्थीलाई एसईईमा सहभागी गराउँदै छ भने एक्जाम्टेड तर्फ ४१ वटा विद्यालयले विद्यार्थीलाई सहभागी गराउने छ । मकवानपुर जिल्लामा प्राविधिकतर्फ १ सय ८० जना तथा एक्जामटेड (पुरक) तर्फ १ सय २४ जनाले परीक्षा दिने जिल्ला शिक्षा कार्यालय मकवानपुरका परीक्षा शाखा प्रमुख कुसुम मगरले जानकारी दिनुभएको छ । त्यस्तै मकवानपुरको सबै एक्जामटेड (पुरक) को परीक्षाको लागि अमर मावि स्रोत केन्द्र तोकिएको छ । जहाँ मकवानपुरका ४१ विद्यालयका १ सय २४ एक्जामटेड (पुरक) विद्यार्थीले परीक्षा दिनेछन् । यस वर्ष परीक्षा केन्द्रको केन्द्राध्यक्षको रुपमा सम्बन्धित विद्यालयका प्रधानाध्यापकलाई नै जिम्मेवारी दिइएको छ । एसईईमा सबैभन्दा बढी आधुनिक राष्ट्रिय माविबाट ३ सय ७८ विद्यार्थीले परीक्षा दिँदैछन् । भीमफेदी कारागारबाट ८ जनाले परीक्षा दिनेछन् ।

जिल्ला शिक्षा कार्यालयले २४ वटा परीक्षा केन्द्र निर्धारण गरेको छ । बाग्मति गाउँपालिकामा १, भीमफेदी गाउँपालिकामा १, ईन्द्रसरोवर गाउँपालिकामा १, बकैया गाउँपालिकामा २, मनहरी गाउँपालिकामा २, थाहा नगरपालिकामा ३ र हेटौंडा उपमहानगरपालिकामा १४ परीक्षा केन्द्र निर्धारण गरिएको छ । मकवानपुरका १० स्थानीय तह मध्ये राक्सिराङ, कैलाश र मकवानपुरगढी गाउँपालिकामा एसईईको केन्द्र राखिएको छैन । परीक्षाका लागि सबै सुरक्षा व्यवस्था मिलाइसकेको शिक्षा कार्यालयले जनाएको छ ।








सम्बन्धित शिर्षक समाचारहरु
  • वैठक भत्ता मात्रै २ करोड ७५ लाख

    हेटौंडा, ३२ असारः ३ नम्बर प्रदेश सरकारले आगामी आर्थिक वर्षमा कर्मचारी र पदाधिकारीहरुको लागि वैठक भत्ता मात्रै २ करोड ७५ लाख ५० हजार रुपैयाँ छुट्टाएको छ । प्रदेश सरकार अन्तर्गत प्रदेशका मन्त्रालाय, प्रदेश सभा सचिवालय, मुख्य न्यायधिवक्ताको कार्यालय, प्रदेश लेखा नियन्त्रकको कार्यालयमा हुने कर्मचारी तथा पदाधिकारीहरुको वैठक भत्तामा उक्त रकम खर्च हुने भएको हो ।
    राजनीति
    56     अमृत चिमरिया
  • ताप्लेजुङ सेमिफाईनलमा

    हेटौंडा, ३२ असारः हेटौंडामा जारी उपराष्ट्रपति महिला राष्ट्रिय फुटबल प्रतियोगिताको क्वाटरफाईनल खेलबाट ताप्लेजुङ सेमिफाईनलमा प्रवेश गरेको छ । क्वाटरफाईनल खेलअन्तर्गत आइतबार भएको पहिलो खेलमा ताप्लेजुङले सुर्खेतलाई १–० गोलअन्तरले पराजित गर्दै सेमिफाईनलमा प्रवेश गरेको हो ।
    खेलकुद
    1     समाज संवाददाता
  • मकवानपुरका मुक्तानलाई स्वर्ण

    हेटौंडा, ३२ असारः भारतमा भएको ‘माल्दा वेस्ट बङ्गाल इन्भिटेशन इन्टरनेशनल तेक्वान्दो च्याम्पियनशिप २०१८’को गेरुगी प्रतियोगिता ७८ किलो तर्फको खेलमा मकवानपुरका ओम कुमार मुक्तानले स्वर्ण पदक हासिल गरेका छन् ।
    खेलकुद
    5     समाज संवाददाता
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    996    
  • बिलखबन्दमा भूकम्प पीडित

    २०७२ सालको भूकम्प जति पीडादायक रह्यो त्यो भन्दा बढी पीडादायक छ ती पीडितमाथि सरकारले गरिरहेको बेवास्ता । सरकार भूकम्प पीडितलाई राहत दिने घोषणा गर्छ । अझ सरकार परिवर्तन भए लगत्तै नयाँ प्रधानमन्त्रीको घोषणा अनुदान बढाउने, छिटो काम गर्ने, जनताको ओँठमा हाँसो ल्याउने । नयाँ सरकारले घोषणाअनुसार काम गर्दैन, जनता फेरि निराश । भूकम्पले घर गुमाएका लाखौं जनताले केही समयअघि सरकारको पहिलो किस्ता अनुदान रकम पाए । दसैंको मुखमा ५० हजार रुपैयाँ पाएका भूकम्प पीडित मध्ये कतिपयले दसैंमा नै त्यो पैसा खर्च गरेका छन् । केहीले साँचेर दसैं, तिहार, छठ पछि घर बनाउन सुरु गरे ।
    विचार
    99    
  • प्रशासनिक आग्रहको वेवास्ता

    आगामी मंसिरमा हुने प्रतिनिधि सभा तथा प्रदेश सभा निर्वाचनको तयारी तीव्ररुपमा भईरहेको छ । निर्वाचन आयोगले आफ्नो तर्फबाट गर्नु पर्ने सम्पूर्ण तयारी पुरा गरिसकेको छ । उसले निर्वाचनका दिन आवश्यक पर्ने मतपत्र तथा अन्य सामाग्रीहरु पनि जिल्ला जिल्ला पठाउन थालिसकेको जनाएको छ । पहिलो चरणमा निर्वाचन हुने जिल्लाहरुमा त समाग्रीहरु पु¥याइसकेको छ । यस्तै राजनीतिक दलका नेता, कार्यकर्ता, उम्मेदवार पनि मत माग्ने काममा व्यस्त छन् । उम्मेद्वारहरु यतिबेला मतमाग्दै जनताको घर, आँगन र खेतबारी मै पुग्न थालेका छन् । यसले निर्वाचन उल्लासमय तरिकाबाट अगाडि बढीरहेको देखिन्छ । हुन पनि निर्वाचन भनेको जनताले सार्वभौम सत्ताको अधिकार प्रयोग गर्ने एउटा महत्व पूर्ण अवसर हो । मतदाताले एकपटक प्रयोग गरेको अधिकारले आफुमाथि पाँच वर्षसम्म शासन गर्ने जिम्मेवारी प्रदान गरिएको हुन्छ । त्यसैले पनि निर्वाचनलाई उत्सव मात्र होईन कि महाउत्सव बनाउन सक्नु पर्दछ ।
    सम्पादकीय
    98     सम्पादकीय
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top