+०५७-५२६८३०, ९८५५०-६८२२७
logo
सम्पादकीय

हिंसाविरुद्ध महिलाको सक्रियता



सम्पादकीय   95 पटक पढिएको   सम्पादकीय     
लैंगिक दृष्टिकोणले महिलामाथि विभिन्न प्रकारका हिंसात्मक कार्यहरु भईरहेका छन् । शारीरिक र मानसिक दुबै खालका हिंसाबाट महिलाहरु पीडित बन्ने गरेका छन् । यो क्रम हिजो पनि थियो र आज पनि कायम नै छ । बलात्कार, यौन शोषण, बालबिवाह, बहुबिवाह र दाईजो जस्ता कुराबाट हुने हिंसा शारीरिक हिंसा हुन भने, कार्यालय र अन्य ठाउँमा हुने खालका बोली, सङ्केत अन्य आदिबाट गरिने दुव्र्यवहार, अपमान, भेदभाव मानसिक हिंसाका रुपमा रहेका छन् । यस्ता हिंसाहरु उचित मात्रामा चेतनाको अभाव, अधिकारको अभाव तथा अन्य वातावरणले समेत बढेको देखिन्छ ।



आजभोलि महिला हिंसा विरुद्ध चर्को आवाज उठेपनि हिंसात्मक कार्यहरु दिन प्रतिदिन बढ्दै गएका छन् । संख्याको हिसाबले यस्ता घटनामा न्यूनीकरण भएको पनि हुन सक्छ तर सार्वजनिक भएका हिसावले हेर्ने हो भने घटना बढेको देखिन्छ । तर पछिल्लो समय महिलाहरु स्वयम् सचेत भएको अवस्था छ । हिजो सामाजिक हेलत्वको डरका कारण पनि पीडितहरु पीडालाई लुकाउन बाध्य हुन्थे । तर पछिल्लो समय महिलाहरु स्वयम् जागरुक भएका छन् । अनि समाज पनि पीडितको पक्षमा उभिन थालेपछि घटनाहरु सार्वजनिक भएका छन् ।

पछिल्लो समय देशका विभिन्न स्थानमा भइरहेको बलात्कारका घटना विरुद्ध हेटौंडाका यूवा पनि त्यसको प्रतिरोधमा निस्किएका छन् । महिलाहरु बलात्कारको शिकार बन्दै आएकोमा पीडकलाई फाँसी दिनुपर्ने माग गर्दै सोही अनुसारको कानूनी व्यवस्थाको माग पनि गरेका छन् । यति असभ्य घटनामा संलग्न हुनेहरुलाई अन्य मुलुकले फाँसीको सजाय दिने गरेको छ । त्यसैले युवाहरुको माग स्वभाविक र जायज नै छ । हुन त नेपालको संविधानले मृत्युदण्डलाई स्विकार गरेको छैन । तर समाजमा अपराधलाई निरुत्साहित गर्ने हो भने त्यस प्रकारका कानून निर्माण गर्न अब सोच्नु पर्ने अवस्था देखिन्छ । महिलाले दाईजो नल्याएका कारण यातना सहनु पर्ने, बोक्सीको आरोप लगाएर घर निकाला गरिने, बालबिवाह, बहुबिवाह, देहव्यापार, गरीबी, बेरोजगारी, मानसिक यातना, गालीगलौज, जबर्जस्ती करणी, बैवाहिक बलात्कार, चेलीबेटी बेचविखन र ओसारपसार, हाडनातामा करणी, वैदेशिक रोजगारीको नाममा ठगी, यौन शोषण, यौन दुरूत्साहन, लगायतका हिंसाले नेपाली महिलाहरु पीडित छन् ।

बलात्कार तथा हिंसामा परेका महिलाहरुको अधिकारका लागि राज्यले विशेष कार्यक्रम ल्याउनु जरुरी छ । यसका लागि प्रहरीको महिला सेल, महिला आयोग वा स्थानीय तहमा उजुरी गर्न सकिने व्यवस्थालाई अझै प्रभावकारी बनाउनु पर्छ । पीडित महिलालाई सुरक्षा दिनको लागि महिला सुरक्षा घरहरुको विस्तार गर्ने र त्यहाँ पीडितलाई राख्ने अवधि पनि बढाएउनु पर्ने, छिटो छरितो अनुसन्धान र अभियोजनमा सरकारले अझै ध्यान केन्द्रित गर्नुपर्ने आवश्यकता छ । यस्तै महिला स्वयम् पनि सचेत बन्नु पर्छ । आफु माथि भएका घटनालाई समाज र परिवारको इज्जतका नाममा लुकाई राख्ने हो भने हिंसाका घटना दिन प्रतिदिन थपिने छन् । तर घटनालाई सार्वजनिक गरेर आईपर्ने समस्याको मुकाविला गर्ने आँट महिला स्वयम्ले गरेमा पक्कै पनि बलात्कार तथा हिंसाका घटना न्यूनिकरण हुन जाने छन् । पछिल्लो समय महिलाहरु पनि सक्रिय नभएका होईनन् तर पनि अभियानकै रुपमा हिंसा विरुद्ध लाग्नु पर्ने देखिन्छ । घटना भई सकेपछि नारा, जुलुस गर्ने र न्यायको माग गर्नु भन्दा हिंसा हुन नदिने गरी सचेत बनाउने अभियान आजको खाँचो हो ।








सम्बन्धित शिर्षक समाचारहरु
  • वैठक भत्ता मात्रै २ करोड ७५ लाख

    हेटौंडा, ३२ असारः ३ नम्बर प्रदेश सरकारले आगामी आर्थिक वर्षमा कर्मचारी र पदाधिकारीहरुको लागि वैठक भत्ता मात्रै २ करोड ७५ लाख ५० हजार रुपैयाँ छुट्टाएको छ । प्रदेश सरकार अन्तर्गत प्रदेशका मन्त्रालाय, प्रदेश सभा सचिवालय, मुख्य न्यायधिवक्ताको कार्यालय, प्रदेश लेखा नियन्त्रकको कार्यालयमा हुने कर्मचारी तथा पदाधिकारीहरुको वैठक भत्तामा उक्त रकम खर्च हुने भएको हो ।
    राजनीति
    56     अमृत चिमरिया
  • ताप्लेजुङ सेमिफाईनलमा

    हेटौंडा, ३२ असारः हेटौंडामा जारी उपराष्ट्रपति महिला राष्ट्रिय फुटबल प्रतियोगिताको क्वाटरफाईनल खेलबाट ताप्लेजुङ सेमिफाईनलमा प्रवेश गरेको छ । क्वाटरफाईनल खेलअन्तर्गत आइतबार भएको पहिलो खेलमा ताप्लेजुङले सुर्खेतलाई १–० गोलअन्तरले पराजित गर्दै सेमिफाईनलमा प्रवेश गरेको हो ।
    खेलकुद
    1     समाज संवाददाता
  • मकवानपुरका मुक्तानलाई स्वर्ण

    हेटौंडा, ३२ असारः भारतमा भएको ‘माल्दा वेस्ट बङ्गाल इन्भिटेशन इन्टरनेशनल तेक्वान्दो च्याम्पियनशिप २०१८’को गेरुगी प्रतियोगिता ७८ किलो तर्फको खेलमा मकवानपुरका ओम कुमार मुक्तानले स्वर्ण पदक हासिल गरेका छन् ।
    खेलकुद
    5     समाज संवाददाता
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    996    
  • बिलखबन्दमा भूकम्प पीडित

    २०७२ सालको भूकम्प जति पीडादायक रह्यो त्यो भन्दा बढी पीडादायक छ ती पीडितमाथि सरकारले गरिरहेको बेवास्ता । सरकार भूकम्प पीडितलाई राहत दिने घोषणा गर्छ । अझ सरकार परिवर्तन भए लगत्तै नयाँ प्रधानमन्त्रीको घोषणा अनुदान बढाउने, छिटो काम गर्ने, जनताको ओँठमा हाँसो ल्याउने । नयाँ सरकारले घोषणाअनुसार काम गर्दैन, जनता फेरि निराश । भूकम्पले घर गुमाएका लाखौं जनताले केही समयअघि सरकारको पहिलो किस्ता अनुदान रकम पाए । दसैंको मुखमा ५० हजार रुपैयाँ पाएका भूकम्प पीडित मध्ये कतिपयले दसैंमा नै त्यो पैसा खर्च गरेका छन् । केहीले साँचेर दसैं, तिहार, छठ पछि घर बनाउन सुरु गरे ।
    विचार
    99    
  • प्रशासनिक आग्रहको वेवास्ता

    आगामी मंसिरमा हुने प्रतिनिधि सभा तथा प्रदेश सभा निर्वाचनको तयारी तीव्ररुपमा भईरहेको छ । निर्वाचन आयोगले आफ्नो तर्फबाट गर्नु पर्ने सम्पूर्ण तयारी पुरा गरिसकेको छ । उसले निर्वाचनका दिन आवश्यक पर्ने मतपत्र तथा अन्य सामाग्रीहरु पनि जिल्ला जिल्ला पठाउन थालिसकेको जनाएको छ । पहिलो चरणमा निर्वाचन हुने जिल्लाहरुमा त समाग्रीहरु पु¥याइसकेको छ । यस्तै राजनीतिक दलका नेता, कार्यकर्ता, उम्मेदवार पनि मत माग्ने काममा व्यस्त छन् । उम्मेद्वारहरु यतिबेला मतमाग्दै जनताको घर, आँगन र खेतबारी मै पुग्न थालेका छन् । यसले निर्वाचन उल्लासमय तरिकाबाट अगाडि बढीरहेको देखिन्छ । हुन पनि निर्वाचन भनेको जनताले सार्वभौम सत्ताको अधिकार प्रयोग गर्ने एउटा महत्व पूर्ण अवसर हो । मतदाताले एकपटक प्रयोग गरेको अधिकारले आफुमाथि पाँच वर्षसम्म शासन गर्ने जिम्मेवारी प्रदान गरिएको हुन्छ । त्यसैले पनि निर्वाचनलाई उत्सव मात्र होईन कि महाउत्सव बनाउन सक्नु पर्दछ ।
    सम्पादकीय
    98     सम्पादकीय
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top