+०५७-५२६८३०, ९८५५०-६८२२७
logo
अर्थ / व्यापार

थोकबजार गुरुयोजनाको तयारी/ जग्गामै अझिल्यो थोकबजार



अर्थ / व्यापार   8 पटक पढिएको   प्रिया पौडेल     
हेटौैंडा, १९ चैत्रः हेटौंडामा कृषिउपज थोकबजार निर्माणको लागि गुरुयोजना निर्माण हुने भएको छ । मकवानपुरका कृषकले कृषि उत्पादनको बजार र उचित मूल्य नपाउने समस्यालाई समाधान गर्न पनि हेटौंडामा थोकबजार आवश्यक देखिएको हो । २०७० सालदेखि नै व्यवस्थित थोकबजार निर्माणको लागि समिति निर्माण गरेर जग्गाको समेत निर्णय भएपनि हालसम्म पनि बजार निर्माणको तयारी अगाडि बढ्न सकेको छैन ।



कृषिउपज थोकबजार व्यवस्थापन समितिका अध्यक्ष गोविन्द दाहालका अनुसार २०७० सालमा उपमहानगरपालिकाले हेटौंडा–११ मा रहेको जमिनमा थोकबजार निर्माण गर्ने निर्णय गरेको थियो । तत्कालिन समयमा थानाभ¥याङमा रहेको ४ बिगाहा १९ कठ्ठा १२ धुर जमिनमा थोकबजार निर्माण गर्ने निर्णय भएको उहाँले जानकारी दिनुभयो । उपमहानगरपालिकाले निर्णय गरेको जमिनमा हाल ट्रक पार्किङ भईरहेको छ । यस्तै, २०७३ सालमा सरोकारवाला सबैको सहभागितामा भएको गोष्ठीले पनि तत्काल बजार निर्माण गर्ने प्रस्ताव गरेको थियो । तर, हालसम्म पनि थोकबजार निर्माणको लागि जग्गाको निक्र्यौल हुन सकेको छैन । पहिले तोकिएको स्थानमा बजार विस्तार नगर्ने भए विकल्प दिन समेत उपमहानगरपालिकालाई आग्रह गर्नुभयो ।

कृषि व्यवसाय प्रबद्र्धन तथा बजार विकास निर्देशनालयका कार्यक्रम निर्देशक लक्ष्मण प्रसाद पौडेलले हेटौंडाको कृषि बजार निकै सकसपूर्ण रहेको बताउनुभयो । नेपालमा साना ठूला कृषि बजार तथा हाटबजार सहित १ हजार ७ सय वटा बजार रहेको जानकारी दिँदै उहाँले नेपालमा २७ वटा थोकबजार रहेको बताउनुभयो । थोकबजार निर्माणको लागि कृष्ण एण्ड कृष्ण कन्सल्टेन्सीलाई जिम्मा दिएको बताउनुभयो । उहाँका अनुसार जग्गा निक्र्यौल नभएसम्म कर्मचारी आउन सक्ने अवस्था छैन । थोकबजार निर्माणको लागि अध्ययन गरेर अनुमानित आय व्यय, कृषि उत्पादन सहितको गुरुयोजना निर्माण गरेर पेश गर्न अनुरोध गर्नुभयो ।

कृषि, भूमी व्यवस्था तथा सहकारी मन्त्रालयका भूमी निमित्त सचिव निर्मल गदालले थोकबजार निर्माणको लागि कम्पनि र बजेट तयार छ तर, जग्गाको स्पष्ट व्यवस्था हुन सकेको छैन । उहाँले भारततर्फ तरकारी निकासी हुने केन्द्रबिन्दुको रुपमा हेटौंडा रहेकोले कृषिउपज आधुनिक बजार निर्माण जरुरी रहेको बताउनुभयो । उहाँका अनुसार केही समय पहिले युएनसीडीएफ थोकबजार निर्माणको लागि तयार भएर आएको थियो तर, डीपीआर तयार नभएर प्रक्रिया अगाडि बढ्न सकेन । उहाँले हेटौंडा उपमहानगरपालिकामा थोकबजार निर्माणको लागि १० लाख रुपैयाँ स्वीकृत बजेट रहेको बताउनुभयो । मुख्यमन्त्रीका स्वकीय सचिव विके महर्जनले थोकबजार व्यवस्थित, पूर्ण सुरक्षा, बैंकिङ र कोल्डस्टोर सहितको हुनुपर्ने बताउनुभयो । कार्यक्रममा प्रमुख अतिथि हेटौंडा उपमहानगरपालिकाका मेयर हरिबहादुर महतले थोकबजार निर्माणको लागि हेटौंडा–११ मा रहेको ट्रक पार्किङको क्षेत्र उपयुक्त भए थप छलफल गरेर अगाडि बढ्ने धारणा व्यक्त गर्नुभयो । कृषिउपज थोकबजार व्यवस्थापन समितिका अध्यक्ष गोविन्द दाहालको सभाध्यक्षतामा आइतबार अन्तरक्रिया भएको हो । कार्यक्रममा मत्स्य विकास केन्द्र हेटौंडाका प्रमुख सानुकाजी पछाई, हेटौंडा उपमहानगरपालिका ११ नम्बर वडाका अध्यक्ष गोकर्ण पराजुली, राष्ट्रिय कृषक समूह महासंघ मकवानपुरका अध्यक्ष महानन्द सापकोटा, मकवानपुर उद्योग वाणिज्य संघका अध्यक्ष कृष्ण कटुवालको उपस्थिति रहेको थियो ।








सम्बन्धित शिर्षक समाचारहरु
  • वैठक भत्ता मात्रै २ करोड ७५ लाख

    हेटौंडा, ३२ असारः ३ नम्बर प्रदेश सरकारले आगामी आर्थिक वर्षमा कर्मचारी र पदाधिकारीहरुको लागि वैठक भत्ता मात्रै २ करोड ७५ लाख ५० हजार रुपैयाँ छुट्टाएको छ । प्रदेश सरकार अन्तर्गत प्रदेशका मन्त्रालाय, प्रदेश सभा सचिवालय, मुख्य न्यायधिवक्ताको कार्यालय, प्रदेश लेखा नियन्त्रकको कार्यालयमा हुने कर्मचारी तथा पदाधिकारीहरुको वैठक भत्तामा उक्त रकम खर्च हुने भएको हो ।
    राजनीति
    56     अमृत चिमरिया
  • ताप्लेजुङ सेमिफाईनलमा

    हेटौंडा, ३२ असारः हेटौंडामा जारी उपराष्ट्रपति महिला राष्ट्रिय फुटबल प्रतियोगिताको क्वाटरफाईनल खेलबाट ताप्लेजुङ सेमिफाईनलमा प्रवेश गरेको छ । क्वाटरफाईनल खेलअन्तर्गत आइतबार भएको पहिलो खेलमा ताप्लेजुङले सुर्खेतलाई १–० गोलअन्तरले पराजित गर्दै सेमिफाईनलमा प्रवेश गरेको हो ।
    खेलकुद
    1     समाज संवाददाता
  • मकवानपुरका मुक्तानलाई स्वर्ण

    हेटौंडा, ३२ असारः भारतमा भएको ‘माल्दा वेस्ट बङ्गाल इन्भिटेशन इन्टरनेशनल तेक्वान्दो च्याम्पियनशिप २०१८’को गेरुगी प्रतियोगिता ७८ किलो तर्फको खेलमा मकवानपुरका ओम कुमार मुक्तानले स्वर्ण पदक हासिल गरेका छन् ।
    खेलकुद
    5     समाज संवाददाता
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    996    
  • बिलखबन्दमा भूकम्प पीडित

    २०७२ सालको भूकम्प जति पीडादायक रह्यो त्यो भन्दा बढी पीडादायक छ ती पीडितमाथि सरकारले गरिरहेको बेवास्ता । सरकार भूकम्प पीडितलाई राहत दिने घोषणा गर्छ । अझ सरकार परिवर्तन भए लगत्तै नयाँ प्रधानमन्त्रीको घोषणा अनुदान बढाउने, छिटो काम गर्ने, जनताको ओँठमा हाँसो ल्याउने । नयाँ सरकारले घोषणाअनुसार काम गर्दैन, जनता फेरि निराश । भूकम्पले घर गुमाएका लाखौं जनताले केही समयअघि सरकारको पहिलो किस्ता अनुदान रकम पाए । दसैंको मुखमा ५० हजार रुपैयाँ पाएका भूकम्प पीडित मध्ये कतिपयले दसैंमा नै त्यो पैसा खर्च गरेका छन् । केहीले साँचेर दसैं, तिहार, छठ पछि घर बनाउन सुरु गरे ।
    विचार
    99    
  • प्रशासनिक आग्रहको वेवास्ता

    आगामी मंसिरमा हुने प्रतिनिधि सभा तथा प्रदेश सभा निर्वाचनको तयारी तीव्ररुपमा भईरहेको छ । निर्वाचन आयोगले आफ्नो तर्फबाट गर्नु पर्ने सम्पूर्ण तयारी पुरा गरिसकेको छ । उसले निर्वाचनका दिन आवश्यक पर्ने मतपत्र तथा अन्य सामाग्रीहरु पनि जिल्ला जिल्ला पठाउन थालिसकेको जनाएको छ । पहिलो चरणमा निर्वाचन हुने जिल्लाहरुमा त समाग्रीहरु पु¥याइसकेको छ । यस्तै राजनीतिक दलका नेता, कार्यकर्ता, उम्मेदवार पनि मत माग्ने काममा व्यस्त छन् । उम्मेद्वारहरु यतिबेला मतमाग्दै जनताको घर, आँगन र खेतबारी मै पुग्न थालेका छन् । यसले निर्वाचन उल्लासमय तरिकाबाट अगाडि बढीरहेको देखिन्छ । हुन पनि निर्वाचन भनेको जनताले सार्वभौम सत्ताको अधिकार प्रयोग गर्ने एउटा महत्व पूर्ण अवसर हो । मतदाताले एकपटक प्रयोग गरेको अधिकारले आफुमाथि पाँच वर्षसम्म शासन गर्ने जिम्मेवारी प्रदान गरिएको हुन्छ । त्यसैले पनि निर्वाचनलाई उत्सव मात्र होईन कि महाउत्सव बनाउन सक्नु पर्दछ ।
    सम्पादकीय
    98     सम्पादकीय
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top