: +०५७-५२६८३०, ९८५५०-६८२२७

अर्थ / व्यापार


उद्योगलाई लगानी गर्नुस्ः मुख्यमन्त्री पौडेल

अर्थ / व्यापार 24 पटक पढिएको समाज संवाददाता




हेटौंडा, २१ चैत्रः प्रदेश नम्बर ३ का मुख्यमन्त्री डोरमणि पौडेलले सहकारीले सधैं सानातिना तथा विलासी वस्तुहरुमा लगानी गर्नको लागि ऋण सुविधा दिन नहुने बताउनुभएको छ । ६१औं राष्ट्रिय सहकारी दिवसको अवसरमा हेटौंडामा भएको कार्यक्रममा बोल्दै मुख्यमन्त्री पौडेलले ठुला उद्योगमा लगानी गर्नुपर्ने भन्दै अर्बौं रुपैयाँको कारोबार गर्ने सहकारीले हजारांैलाई स्वरोजगार बनाउनुपर्ने बताउनुभयो । सहकारी अब उत्पादनमा प्रत्यक्ष रुपमा जोडिनुपर्ने भन्दै सहकारीले आधा लगानी गरेर ठुला खालका उद्योग सञ्चालन गर्न खोजे आधा लगानी प्रदेश सरकारले सहयोग गर्ने समेत बताउनुभएको थियो ।

‘सदस्यबाट ऋणको व्याज मात्रै आम्दानी नठानी ठुला उद्योगको लगानीबाट नाफा लिनुपर्छ’, मुख्यमन्त्री पौडेलले बताउनुभयो । उहाँले कार्यक्रममा आफुलाई आयातित फुलको माला लगाएर अतिथि बन्न समेत अप्ठ्यारो परेको बताउनुभएको थियो । पौडेलले सहकारीहरुले फुल उत्पादन, मौरीपलान तथा साना देखिने महत्वपूर्ण उत्पादनमुलक व्यवसाय गरे बजारको जिम्मा प्रदेश सरकारले लिने समेत बताउनुभयो । त्यस्तै आर्थिक मामिला तथा योजना मन्त्री कैलाश ढुंगेलले सहकारी मार्फत प्रदेश विकासको लागि आफुहरुको प्रयत्न रहने भन्दै उहाँले सहकारी मिलेर ठुला उद्योगमा लगानी गर्न सके युवाहरुले स्वदेशमै रोजगारी पाउने बताउनुभएको हो । सहकारीले शिक्षा, स्वास्थ्य तथा कृषिको क्षेत्रमा योगदान दिनुपर्ने भन्दै उहाँले प्रदेश सरकार सहकारीसँग हातेमालो गरेर काम गर्न तत्पर रहेको बताउनुभयो । कार्यक्रममा प्रदेश सांसद माधव पौडेल, जिल्ला समन्वय समिति मकवानपुरका प्रमुख रघुनाथ खुलाल, हेटौंडा उपमहानगरपालिकाकी उपमेयर मिना लामा, भीमफेदी गाउँपालिकाकी उपाध्यक्ष पार्वती राना लगायतले मन्तव्य व्यक्त गर्नुभएको थियो ।

दिवसको अवसरमा जिल्ला बचत तथा सहकारी संघले उत्कृष्ट सहकारीको रुपमा मनकामना दुग्ध उत्पादक सहकारी संस्था लिमिटेड, सहकारी अभियानकर्ताहरु विमल ढकाल र कल्पना श्रेष्ठ, व्यवस्थापकहरु बसन्त घलान तथा कोपिला थापालाई सम्मान गरेको छ । त्यस्तै सहकारी बैंकको तर्फबाट नियमित कारोबारतर्फ हेटौंडाको दिव्यतारा बहुउद्देश्यीय सहकारी संस्था तथा उत्कृष्ट कारोबारतर्फ हेटौंडा बचत तथा ऋण सहकारी संस्थालाई सम्मान गरेको छ । सहकारी संघले मकवानपुर जिल्लाको सहकारी क्षेत्रको विकासमा महत्वपूर्ण योगदान दिइएको भन्दै डिभिजन सहकारी कार्यालय हेटौंडाका कार्यालय प्रमुख तिलकराम पोखरेललाई सम्मान गरेको छ । कार्यक्रममा ६१औं सहकारी दिवस मूल आयोजना समारोह समितिका संयोजक नारायणप्रसाद देवकोटाको अध्यक्षतामा भएको थियो । कार्यक्रमअघि हेटौंडा उपमहानगरपालिकाबाट प्रभातफेरी आयोजना गरिएको थियो । हेटौंडा बजार क्षेत्रको परिक्रमा गरी प्रभातफेरी कार्यक्रमस्थल पल्पसा सभागृह पुगेको थियो ।





कमेन्टसहरु



अन्तर्वार्ता

‘सामूहिक कार्यलाई सशक्त बनाउने छु’
सुरेश श्रेष्ठ/यमप्रसाद तिमल्सिना     221
शिक्षालाई सेवाको रुपमा हेर्नुपर्दछ
अमृत चिमरिया     1053
बेचबिखन रोक्न जनचेतना आवश्यक
प्रिया पौडेल     66
‘फुटबल पतनको बाटोतर्फ’
सुरेश श्रेष्ठ/अमृत चिमरिया     49

सम्पादकीय

प्रतिवद्धता कार्यान्वयन होस्
सम्पादकीय     4
क–कसले पाउने पारिश्रमिक ?
सम्पादकीय     4
पिछडिएका समुदाय नछुटुन
सम्पादकीय     3
प्रेरणादायी पुरस्कार
सम्पादकीय      4
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com



1277899 Times Visited.

  • सुरेश श्रेष्ठ, सम्पादक, ९८५५०-६८२२७
  • अमृत चिमरिया, संवाददाता, ९८४५६१४३५४
  • प्रिया पौडेल, संवाददाता , ९८४५४०२८५८
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Design and Develop :
Top