+०५७-५२६८३०, ९८५५०-६८२२७
logo
सम्पादकीय

आर्थिक गणना विश्वसनीय बनोस्



सम्पादकीय   5 पटक पढिएको   सम्पादकीय     
नेपालमा पहिलोपटक आर्थिक गणना हुने भएको छ । मुलुकभरको समग्र आर्थिक इकाई र गतिविधिको अवस्था जानकारी लिने उद्देश्यबाट सरकारले आर्थिक गणना गर्न लागेको हो । हाल मुलुकको नयाँ प्रशासकीय संरचनाका लागि पनि यो गणना निकै फलदायी हुनेछ । जनगणनामा कुल जनसंख्याको हिसाब गरिएजस्तै आर्थिक गणनामा पनि आर्थिक इकाईको गणना हुनेछ । आर्थिक इकाइले आयआर्जन, सेवासञ्चालन लगायतका आर्थिक क्रियाकलाप समेट्छ ।



यसले मुलुकका कुन–कुन स्थानमा कस्ता–कस्ता किसिमको व्यापार व्यवसाय छन्, कहाँ कस्तो सम्भावना छ भन्ने कुरालाई उजागर गर्न सक्ने छ । यसकै आधारमा राज्यले भावी आर्थिक र विकास योजना बनाउन सक्छन् । आर्थिक गणनाले सरकारलाई योजना तर्जुमामा समेत उल्लेख्य सहयोग पुग्ने छ । केन्द्रीय तथ्याङ्क विभागले यो गणना गर्न लागेको हो । २०७५ साल वैशाख २ गतेबाट गणकहरुले आफ्नो काम थाल्ने गरी विभागले सबै तयारी पुरा गरेको छ । मुलुकभरका ७७ वटै जिल्लामा कार्यालय र कर्मचारी व्यवस्थापनको काम गरेको छ । सबै जिल्लामा एकै पटक गणना सुरु हुँदैछ ।

आर्थिक गणनामा आर्थिक उपार्जनको लागि सञ्चालनमा रहेका प्रतिष्ठानको मात्र गणना हुनेछ । यकिन तथ्यांकको अभावमा अर्थतन्त्रका सबै परिसूचकहरुको विश्वसनीयतामा प्रश्न उठ्ने गरेका छन् । यी प्रश्नको निरुपणका लागि राष्ट्रिय योजना आयोग मातहतको केन्द्रीय तथ्यांक विभागले आर्थिक गणना गर्ने भएको हो । गणनाका लागि आर्थिक क्रियाकलापसँग सम्बन्धित क्षेत्रहरूलाई समेटेर प्रश्नावली बनाईएको छ । तर कृषि, वन तथा मत्स्य, सार्वजनिक प्रशासन र सामाजिक सुरक्षा अन्तर्गतका प्रतिष्ठानहरु गणनाको क्षेत्रमा नपर्ने भएका छन् । गणनाबाट आर्थिक इकाईहरुको विवरण संकलन, प्रशोधन विश्लेषण, प्रकाशन र वितरण गर्ने समष्टिगत तथ्याङ्कीय अभिलेख तयार हुनेछ । यो गणना देशकै आर्थिक ऐना हुने भएकाले पनि गणकहरु होशियार हुनु पर्दछ । यति महत्वपूर्ण अभियानमा संलग्न हुनेहरुको योग्यता र दक्षता र चरित्रमा कहीँबाट पनि प्रश्न उठ्ने अवस्था आउनु हुँदैन । यस्तै चारित्रिक शुद्धता र नैतिक आचारण उच्च राख्न सक्नु गणकहरुको चुनौती हो । व्यवहारगत कमजोरीका कारण तथ्याङ्कहरुमा फरक परे अभियानको उद्देश्य पुरा हुन सक्ने छैन ।

मकवानपुरमा पनि जेठ १५ गतेसम्म ६३ जना गणकद्वारा आर्थिक गणना हुने भएको छ । जिल्ला आर्थिक गणना कार्यालय मकवानपुरले अस्थायी कार्यालय स्थापना गरेर काम अगाडि बढाईएको छ । जिल्लाका प्रत्येक घरघरमा पुग्ने र विभागले तयार पारेको प्रश्नावली भर्ने काम गरिने छ । यसरी संकलन गरिएको तथ्याङ्क सकेसम्म वास्तविक हुनु पर्दछ भन्ने कुरालाई गणकहरुले विशेष ध्यान दिनु आवश्यक छ । जनसंख्या गणना वा मतदाता शिक्षा जस्तो यो आर्थिक गणना सहज छैन । कुनै परिवारको आर्थिक पक्षका विषयमा जानकारी छरछिमेकले पक्कै पनि दिन सक्दैनन् । त्यसैले देशको आर्थिक अवस्थाको वास्तविक तस्विर लिनका लागि सम्बन्धित परिवारका सदस्यसँग नै प्रत्यक्ष साक्षात्कारा हुन सक्नु पर्दछ । यदि त्यसो गर्न सकिए मात्र राज्यले खोजेको तथ्यहरु उपलव्ध हुनेछन् । राष्ट्रिय लेखा प्रणाली सुदृढीकरण गर्न तथ्याङ्क उपलब्ध गराउने, तल्लो तहसम्मको तथ्याङ्क संकलन गर्ने उद्देश्यले गणना हुन लागेको हो । आर्थिक गणनाले सबै जिल्लाहरुको भूभाग भित्र गणनाको दिनमा अस्तित्वमा वा सञ्चालनमा रहेको सबै प्रकारका आर्थिक प्रतिष्ठानलाई समेट्न उद्देश्य राखेको पाईन्छ । सरकारको यो अभियानलाई सार्थक र सफल बनाउने जिम्मेवारी हामी सबैको हो ।








सम्बन्धित शिर्षक समाचारहरु
  • वैठक भत्ता मात्रै २ करोड ७५ लाख

    हेटौंडा, ३२ असारः ३ नम्बर प्रदेश सरकारले आगामी आर्थिक वर्षमा कर्मचारी र पदाधिकारीहरुको लागि वैठक भत्ता मात्रै २ करोड ७५ लाख ५० हजार रुपैयाँ छुट्टाएको छ । प्रदेश सरकार अन्तर्गत प्रदेशका मन्त्रालाय, प्रदेश सभा सचिवालय, मुख्य न्यायधिवक्ताको कार्यालय, प्रदेश लेखा नियन्त्रकको कार्यालयमा हुने कर्मचारी तथा पदाधिकारीहरुको वैठक भत्तामा उक्त रकम खर्च हुने भएको हो ।
    राजनीति
    56     अमृत चिमरिया
  • ताप्लेजुङ सेमिफाईनलमा

    हेटौंडा, ३२ असारः हेटौंडामा जारी उपराष्ट्रपति महिला राष्ट्रिय फुटबल प्रतियोगिताको क्वाटरफाईनल खेलबाट ताप्लेजुङ सेमिफाईनलमा प्रवेश गरेको छ । क्वाटरफाईनल खेलअन्तर्गत आइतबार भएको पहिलो खेलमा ताप्लेजुङले सुर्खेतलाई १–० गोलअन्तरले पराजित गर्दै सेमिफाईनलमा प्रवेश गरेको हो ।
    खेलकुद
    1     समाज संवाददाता
  • मकवानपुरका मुक्तानलाई स्वर्ण

    हेटौंडा, ३२ असारः भारतमा भएको ‘माल्दा वेस्ट बङ्गाल इन्भिटेशन इन्टरनेशनल तेक्वान्दो च्याम्पियनशिप २०१८’को गेरुगी प्रतियोगिता ७८ किलो तर्फको खेलमा मकवानपुरका ओम कुमार मुक्तानले स्वर्ण पदक हासिल गरेका छन् ।
    खेलकुद
    5     समाज संवाददाता
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    996    
  • बिलखबन्दमा भूकम्प पीडित

    २०७२ सालको भूकम्प जति पीडादायक रह्यो त्यो भन्दा बढी पीडादायक छ ती पीडितमाथि सरकारले गरिरहेको बेवास्ता । सरकार भूकम्प पीडितलाई राहत दिने घोषणा गर्छ । अझ सरकार परिवर्तन भए लगत्तै नयाँ प्रधानमन्त्रीको घोषणा अनुदान बढाउने, छिटो काम गर्ने, जनताको ओँठमा हाँसो ल्याउने । नयाँ सरकारले घोषणाअनुसार काम गर्दैन, जनता फेरि निराश । भूकम्पले घर गुमाएका लाखौं जनताले केही समयअघि सरकारको पहिलो किस्ता अनुदान रकम पाए । दसैंको मुखमा ५० हजार रुपैयाँ पाएका भूकम्प पीडित मध्ये कतिपयले दसैंमा नै त्यो पैसा खर्च गरेका छन् । केहीले साँचेर दसैं, तिहार, छठ पछि घर बनाउन सुरु गरे ।
    विचार
    99    
  • प्रशासनिक आग्रहको वेवास्ता

    आगामी मंसिरमा हुने प्रतिनिधि सभा तथा प्रदेश सभा निर्वाचनको तयारी तीव्ररुपमा भईरहेको छ । निर्वाचन आयोगले आफ्नो तर्फबाट गर्नु पर्ने सम्पूर्ण तयारी पुरा गरिसकेको छ । उसले निर्वाचनका दिन आवश्यक पर्ने मतपत्र तथा अन्य सामाग्रीहरु पनि जिल्ला जिल्ला पठाउन थालिसकेको जनाएको छ । पहिलो चरणमा निर्वाचन हुने जिल्लाहरुमा त समाग्रीहरु पु¥याइसकेको छ । यस्तै राजनीतिक दलका नेता, कार्यकर्ता, उम्मेदवार पनि मत माग्ने काममा व्यस्त छन् । उम्मेद्वारहरु यतिबेला मतमाग्दै जनताको घर, आँगन र खेतबारी मै पुग्न थालेका छन् । यसले निर्वाचन उल्लासमय तरिकाबाट अगाडि बढीरहेको देखिन्छ । हुन पनि निर्वाचन भनेको जनताले सार्वभौम सत्ताको अधिकार प्रयोग गर्ने एउटा महत्व पूर्ण अवसर हो । मतदाताले एकपटक प्रयोग गरेको अधिकारले आफुमाथि पाँच वर्षसम्म शासन गर्ने जिम्मेवारी प्रदान गरिएको हुन्छ । त्यसैले पनि निर्वाचनलाई उत्सव मात्र होईन कि महाउत्सव बनाउन सक्नु पर्दछ ।
    सम्पादकीय
    98     सम्पादकीय
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top