+०५७-५२६८३०, ९८५५०-६८२२७
logo
सम्पादकीय

कृषि नीतिमा परिवर्तनको खाँचो



सम्पादकीय   197 पटक पढिएको   सम्पादकीय     
नेपाललाई कृषिप्रधान देश भनिए पनि वास्तविकता ठीक विपरित छ । विश्वमा कृषिको आधुनिकीकरण भईरहँदा नेपाल भने खाद्यान्नमा परनिर्भर हुँदै गएको छ । नेपालको कृषि प्राथमिकतामा नपर्नु र दातृ संस्थाको दबाबमा अनुदान हटाइनु कमजोरी पक्ष देखिन्छ । त्यसैले नेपालको कृषि यतिबेला निर्वाहमुखी मात्रै भएको छ ।



कृषि क्षेत्रको एकीकृत विकास गर्न कृषि उत्पादन, भण्डारणमा हुने क्षति न्यूनीकरण, किसानलाई कर्जा र सहयोग तथा खाद्य प्रशोधन जस्ता रणनीतिलाई राज्यले पूर्ण प्रतिबद्धता र इमान्दारी साथ लागू गर्न सक्नु पर्दछ । त्यसो भएमात्र युवा पुस्ता कृषि कर्ममा आकर्षित भई व्यावसायिकता अभिवृद्धि हुने थियो । खेती प्रणालीमा आधुनिकीकरण, मलखाद, बीउविजनको उपलव्धता र औजारका लागि अनुदान जस्ता कुराहरुमा राज्यबाट विशेष नीति बनाउन सकेमात्र उत्पादकत्वमा युवाहरु जुट्ने छन् । विदेशिएका युवा जनशक्तिलाई कृषिमा लगाउन सकेमा बेरोजगारी समस्या पनि समाधान हुने र नेपाल खाद्यान्नमा आत्मनिर्भर मात्र होईन कि फेरी निर्यात गर्ने सक्ने अवस्थामा पुग्ने छ ।

३ नम्बर प्रदेश सरकारले कृषिलाई व्यावसायिक, प्रतिपष्र्धी र दीगो बनाउने नीति तथा कार्यक्रम सञ्चालन गर्ने बताएको छ । कृषि उत्पादनको बहुआयामिक उत्पादनलाई एकीकृत रुपमा विकास गर्न कृषि–वन–पर्यटन, वातावरणमैत्री कृषि उत्पादन तथा प्रांगारिक कृषिलाई सम्भाव्यताका आधारमा विभिन्न कृषि उपजहरुका लागि विशिष्टीकृत क्षेत्र घोषणा गरी प्रोत्साहन गर्ने भएको छ । नयाँ संरचना अन्तर्गत गठनभएको प्रदेश सरकारले आफुलाई कृषिमैत्री बनाउने प्रयास गरेको देखिन्छ । आगामी कार्यक्रमहरुका लागि योजना बनाउँदै गरेको प्रदेश सरकारले कृषि नीतिमा मौलिकता ल्याउन सक्नुपर्दछ । जुन कार्यक्रमले यस प्रदेशका सबै नागरिकहरुको आकर्षण कृषिमा हुन सकोस् । यसरी बनाईने नीति तथा कार्यक्रमहरु मिठा सपना देख्ने मात्र हुनुहँुदैन । आमनागरिकको संलग्नतामा योजना र कार्यक्रम बनाउन सके पक्कै पनि उनीहरुको अपनत्व हुने छ । आफैंले दिएका सुझाव अनुसरको कार्यक्रम भए भने मात्र त्यसलाई सफल बनाउन सक्रिय हुने छन् । त्यसैले ३ नं. प्रदेशलाई खाद्यान्नमा आत्मनिर्भर बनाउने हो भने कृषकहरुको परामर्शमा नै नीति र योजना बनाउनु आवश्यक हुन्छ ।

प्रदेशको कृषिमा आधुनिक र व्यवसायिक बनाई खाद्य र पोषण सुरक्षा, कृषि उद्योग प्रवद्र्धन, एकीकृत कृषि, पशु सेवा, भूमि र सहकारी क्षेत्रमा सेवा प्रवाह सुनिश्चित गरी बृहत्तर उत्पादन क्षेत्र बनाउने उद्देश्य पुरा हुने हो भने साँच्चै यो प्रदेश कृषिमा देशकै नमूना बन्ने छ । भौतिक पूर्वाधार, प्रविधिको उपयोग, तीन वटा क्षेत्रहरुलाई कृषि औद्योगिक राजधानी घोषणा गर्ने सरकारको योजनाले पक्कै पनि युवाहरु समेत श्रम बजारका लागि विदेशिनु पर्ने छैन । योजना बनाउनु मात्र भन्दा पनि कार्यान्वयन पक्ष चुनौती पूर्ण हुने गरेका छन् । विगतमा केन्द्रीय सरकारले बनाएका कृषि सम्बन्धी योजना पनि निकै आकर्षक थिए । तर कार्यान्वयनमा कठिनाई हुँदा धेरै नेपालीहरु आफ्नो जग्गा जमिन बाँझो राखेर विदेशिने अवस्था बनेको हो । यो वास्तविकतालाई ध्यान दिँदै प्रदेश सरकारले व्यवहारिक र कार्यान्वयन गर्न सकिने नीति बनाउन आवश्यक छ । त्यो भए मात्र लक्ष्यमा पुग्न प्रदेश सरकार सफल हुने छ । हाल उपेक्षित पेशाका रुपमा रहेको कृषिलाई अब अपेक्षित बनाउन पनि प्रदेश सरकारले कृषिमा नयाँ नीति निर्माण गरी कृषि पेशालाई अनिवार्य बनाउन सक्नु पर्दछ ।








सम्बन्धित शिर्षक समाचारहरु
  • वैठक भत्ता मात्रै २ करोड ७५ लाख

    हेटौंडा, ३२ असारः ३ नम्बर प्रदेश सरकारले आगामी आर्थिक वर्षमा कर्मचारी र पदाधिकारीहरुको लागि वैठक भत्ता मात्रै २ करोड ७५ लाख ५० हजार रुपैयाँ छुट्टाएको छ । प्रदेश सरकार अन्तर्गत प्रदेशका मन्त्रालाय, प्रदेश सभा सचिवालय, मुख्य न्यायधिवक्ताको कार्यालय, प्रदेश लेखा नियन्त्रकको कार्यालयमा हुने कर्मचारी तथा पदाधिकारीहरुको वैठक भत्तामा उक्त रकम खर्च हुने भएको हो ।
    राजनीति
    56     अमृत चिमरिया
  • ताप्लेजुङ सेमिफाईनलमा

    हेटौंडा, ३२ असारः हेटौंडामा जारी उपराष्ट्रपति महिला राष्ट्रिय फुटबल प्रतियोगिताको क्वाटरफाईनल खेलबाट ताप्लेजुङ सेमिफाईनलमा प्रवेश गरेको छ । क्वाटरफाईनल खेलअन्तर्गत आइतबार भएको पहिलो खेलमा ताप्लेजुङले सुर्खेतलाई १–० गोलअन्तरले पराजित गर्दै सेमिफाईनलमा प्रवेश गरेको हो ।
    खेलकुद
    1     समाज संवाददाता
  • मकवानपुरका मुक्तानलाई स्वर्ण

    हेटौंडा, ३२ असारः भारतमा भएको ‘माल्दा वेस्ट बङ्गाल इन्भिटेशन इन्टरनेशनल तेक्वान्दो च्याम्पियनशिप २०१८’को गेरुगी प्रतियोगिता ७८ किलो तर्फको खेलमा मकवानपुरका ओम कुमार मुक्तानले स्वर्ण पदक हासिल गरेका छन् ।
    खेलकुद
    5     समाज संवाददाता
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    996    
  • बिलखबन्दमा भूकम्प पीडित

    २०७२ सालको भूकम्प जति पीडादायक रह्यो त्यो भन्दा बढी पीडादायक छ ती पीडितमाथि सरकारले गरिरहेको बेवास्ता । सरकार भूकम्प पीडितलाई राहत दिने घोषणा गर्छ । अझ सरकार परिवर्तन भए लगत्तै नयाँ प्रधानमन्त्रीको घोषणा अनुदान बढाउने, छिटो काम गर्ने, जनताको ओँठमा हाँसो ल्याउने । नयाँ सरकारले घोषणाअनुसार काम गर्दैन, जनता फेरि निराश । भूकम्पले घर गुमाएका लाखौं जनताले केही समयअघि सरकारको पहिलो किस्ता अनुदान रकम पाए । दसैंको मुखमा ५० हजार रुपैयाँ पाएका भूकम्प पीडित मध्ये कतिपयले दसैंमा नै त्यो पैसा खर्च गरेका छन् । केहीले साँचेर दसैं, तिहार, छठ पछि घर बनाउन सुरु गरे ।
    विचार
    99    
  • प्रशासनिक आग्रहको वेवास्ता

    आगामी मंसिरमा हुने प्रतिनिधि सभा तथा प्रदेश सभा निर्वाचनको तयारी तीव्ररुपमा भईरहेको छ । निर्वाचन आयोगले आफ्नो तर्फबाट गर्नु पर्ने सम्पूर्ण तयारी पुरा गरिसकेको छ । उसले निर्वाचनका दिन आवश्यक पर्ने मतपत्र तथा अन्य सामाग्रीहरु पनि जिल्ला जिल्ला पठाउन थालिसकेको जनाएको छ । पहिलो चरणमा निर्वाचन हुने जिल्लाहरुमा त समाग्रीहरु पु¥याइसकेको छ । यस्तै राजनीतिक दलका नेता, कार्यकर्ता, उम्मेदवार पनि मत माग्ने काममा व्यस्त छन् । उम्मेद्वारहरु यतिबेला मतमाग्दै जनताको घर, आँगन र खेतबारी मै पुग्न थालेका छन् । यसले निर्वाचन उल्लासमय तरिकाबाट अगाडि बढीरहेको देखिन्छ । हुन पनि निर्वाचन भनेको जनताले सार्वभौम सत्ताको अधिकार प्रयोग गर्ने एउटा महत्व पूर्ण अवसर हो । मतदाताले एकपटक प्रयोग गरेको अधिकारले आफुमाथि पाँच वर्षसम्म शासन गर्ने जिम्मेवारी प्रदान गरिएको हुन्छ । त्यसैले पनि निर्वाचनलाई उत्सव मात्र होईन कि महाउत्सव बनाउन सक्नु पर्दछ ।
    सम्पादकीय
    98     सम्पादकीय
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top