+०५७-५२६८३०, ९८५५०-६८२२७
logo
सम्पादकीय

उदाहरणीय विद्यालय भर्ना अभियान



सम्पादकीय   4 पटक पढिएको   सम्पादकीय     
नेपालको संविधान २०७२ ले शिक्षालाई मौलिक हकका रुपमा व्यवस्था गरेको छ । यसका आधारमा सबै नागरिकलाई गुणस्तरीय शिक्षा दिलाउने जिम्मेवारी राज्यको हो । तर राज्यद्वारा सन्चालित विद्यालय र नीजि विद्यालयबाट प्रदान गरिने शिक्षाको गुणस्तरमा आकाश जमिनको फरक छ ।



 सरकारी विद्यालयहरुमा प्रविधिसँग अभ्यस्त नभएका, जागिर खानको लागि विद्यालय जाने र आफ्नो अनुकूल दरबन्दी मिलान गर्ने प्रचलन बढी हुने हुँदा विद्यार्थीको पठनपाठन प्रभावित बन्दै आएको छ । यस्तै सरकारी विद्यालयहरुमा राजनीतिक दलहरुको प्रत्यक्ष प्रभाव पर्ने भएको हुनाले गुणस्तरीय शिक्षाको विकास हुन सकिरहेको पाइँदैन । अतः निजी विद्यालयको व्यवस्थापनबाट पाठ सिकेर सर्वाङ्गिण सुधार गरेर जान सकिएन भने धेरै सार्वजनिक विद्यालयहरु बन्द हुनेछन् । त्यतिमात्र होइन कि सरकारी विद्यालयमा पढाउने शिक्षकदेखि राज्यको जिम्मेवार निकायमा बसेका सबैले नै आफ्ना सन्तान निजी विद्यालयमा नै पढाउने गरेका छन् । जसले शैक्षिक सुधार गर्नुपर्ने हो उनीहरु नै निजी विद्यालयप्रति आकर्षित भएपछि सार्वजनिक विद्यालयहरु गुणस्तर हिन हुनु स्वभाविक नै हो ।

तर हेटौंडा उपमहानगरपालिकाका प्रमुख हरिबहादुर महतले आफ्नी नातिनीलाई सरकारी विद्यालयमा भर्ना गराउनुभएको छ । सामुदायिक विद्यालयतर्फ अभिभावकलाई आकर्षित गर्न मेयर महतले आफ्नी नातिनीलाई सामुदायिक विद्यालयमा भर्ना गर्नुभएको हो । सामुदायिक विद्यालयको गुणस्तरमा सर्वसाधारणले हेर्ने दृष्टिकोणमा परिवर्तन ल्याउन र विद्यार्थीको आकर्षण बढाउन मेयरको यो कदम उदाहरणीय छ । सामुदायिक विद्यालयको गुणस्तर सुधारको लागि स्थानीय तहबाट पनि सहयोग हुनु आवश्यक छ । सामुदायिक विद्यालयले अभिभावकको मन जित्न नसकेको अवस्थामा मेयरकी नातिनी भर्ना हुनु सामुदायिक विद्यालयको लागि अवसर पनि हो । आफु आधापेट खाने, ज्याला मजदुरी गर्ने तर सन्तानलाई निजी विद्यालयमा पढाउनै पर्ने सामाजिक बाध्यतालाई चिर्न पनि मेयरको कदमले सकारात्मक सन्देश प्रवाह गरेको छ । ठूलावडाका छोराछोरी निजी विद्यालयमा पढ्ने र गरिबका सन्तानले मात्र सरकारी विद्यालयमा पढ्नु पर्ने भन्ने भ्रमपूर्ण चिन्तनलाई गतिलो जवाफ हो मेयर महतको कदम । तर मेयरको कदमले स्थायित्व पाउनु पर्दछ । देखावटी रुपमा मात्र भर्ना गर्ने काम हुनु हुँदैन ।

मेयरको निर्णयले सरकारी विद्यालयहरुलाई पनि गुणस्तर सुधारमा दबाव पुग्ने छ । अध्ययन अध्यापनमा सुधार गर्न सकेमा सरकारी विद्यालयहरुले विद्यार्थीको अभाव झेल्नु पर्दैन भन्ने सन्देश पनि गएको छ । सामुदायिक विद्यालयहरुमा सचेत अभिभावकको उपस्थिति नहुने भएकोले निगरानी पनि छैन । यस्तै सरकारी शिक्षकहरु जागीरका लागि मात्र पढाउने गर्दछन् । सरकारी विद्यालयको शैक्षिक गुणस्तर दिन प्रतिदिन खस्कँदै गएको छ । यसको प्रभाव निजी विद्यालयमा चाप बढेको छ । सरकारले लगानी गर्ने विद्यालयमा पढाउन नचाहने  अभिभावकहरुको मनस्थिति राज्यको शैक्षिक गुणस्तरका लागि चुनौती हो । राज्य कोषबाट तलब खाने शिक्षकले भन्दा आधा पनि पारिश्रमिक नपाउने शिक्षकहरुले पढाएका विद्यार्थीहरु अव्वल बन्ने गरेका छन् । त्यसैले पनि निजी विद्यालयहरुप्रति अभिभावकहरु आकर्षित भएका हुन् । यदि राज्य, अभिभावक र स्वयम् शिक्षकहरुबाट चाहेमा निजी विद्यालयबाट प्रदान गरिने शैक्षिक गुणस्तर सरकारी विद्यालयबाट पनि दिन सकिन्छ । शैक्षिक वातावरण, प्रविधिमैत्री शिक्षा, अभिभावक र विद्यार्थीको रुचिका पाठ्यक्रमको व्यवस्थापन गर्न सकेमा पक्कै पनि सबै अभिभावकहरुले महंगो शुल्क तिर्नुको सट्टा निशुल्क शिक्षा लिने छन् ।








सम्बन्धित शिर्षक समाचारहरु
  • वैठक भत्ता मात्रै २ करोड ७५ लाख

    हेटौंडा, ३२ असारः ३ नम्बर प्रदेश सरकारले आगामी आर्थिक वर्षमा कर्मचारी र पदाधिकारीहरुको लागि वैठक भत्ता मात्रै २ करोड ७५ लाख ५० हजार रुपैयाँ छुट्टाएको छ । प्रदेश सरकार अन्तर्गत प्रदेशका मन्त्रालाय, प्रदेश सभा सचिवालय, मुख्य न्यायधिवक्ताको कार्यालय, प्रदेश लेखा नियन्त्रकको कार्यालयमा हुने कर्मचारी तथा पदाधिकारीहरुको वैठक भत्तामा उक्त रकम खर्च हुने भएको हो ।
    राजनीति
    56     अमृत चिमरिया
  • ताप्लेजुङ सेमिफाईनलमा

    हेटौंडा, ३२ असारः हेटौंडामा जारी उपराष्ट्रपति महिला राष्ट्रिय फुटबल प्रतियोगिताको क्वाटरफाईनल खेलबाट ताप्लेजुङ सेमिफाईनलमा प्रवेश गरेको छ । क्वाटरफाईनल खेलअन्तर्गत आइतबार भएको पहिलो खेलमा ताप्लेजुङले सुर्खेतलाई १–० गोलअन्तरले पराजित गर्दै सेमिफाईनलमा प्रवेश गरेको हो ।
    खेलकुद
    1     समाज संवाददाता
  • मकवानपुरका मुक्तानलाई स्वर्ण

    हेटौंडा, ३२ असारः भारतमा भएको ‘माल्दा वेस्ट बङ्गाल इन्भिटेशन इन्टरनेशनल तेक्वान्दो च्याम्पियनशिप २०१८’को गेरुगी प्रतियोगिता ७८ किलो तर्फको खेलमा मकवानपुरका ओम कुमार मुक्तानले स्वर्ण पदक हासिल गरेका छन् ।
    खेलकुद
    5     समाज संवाददाता
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    996    
  • बिलखबन्दमा भूकम्प पीडित

    २०७२ सालको भूकम्प जति पीडादायक रह्यो त्यो भन्दा बढी पीडादायक छ ती पीडितमाथि सरकारले गरिरहेको बेवास्ता । सरकार भूकम्प पीडितलाई राहत दिने घोषणा गर्छ । अझ सरकार परिवर्तन भए लगत्तै नयाँ प्रधानमन्त्रीको घोषणा अनुदान बढाउने, छिटो काम गर्ने, जनताको ओँठमा हाँसो ल्याउने । नयाँ सरकारले घोषणाअनुसार काम गर्दैन, जनता फेरि निराश । भूकम्पले घर गुमाएका लाखौं जनताले केही समयअघि सरकारको पहिलो किस्ता अनुदान रकम पाए । दसैंको मुखमा ५० हजार रुपैयाँ पाएका भूकम्प पीडित मध्ये कतिपयले दसैंमा नै त्यो पैसा खर्च गरेका छन् । केहीले साँचेर दसैं, तिहार, छठ पछि घर बनाउन सुरु गरे ।
    विचार
    99    
  • प्रशासनिक आग्रहको वेवास्ता

    आगामी मंसिरमा हुने प्रतिनिधि सभा तथा प्रदेश सभा निर्वाचनको तयारी तीव्ररुपमा भईरहेको छ । निर्वाचन आयोगले आफ्नो तर्फबाट गर्नु पर्ने सम्पूर्ण तयारी पुरा गरिसकेको छ । उसले निर्वाचनका दिन आवश्यक पर्ने मतपत्र तथा अन्य सामाग्रीहरु पनि जिल्ला जिल्ला पठाउन थालिसकेको जनाएको छ । पहिलो चरणमा निर्वाचन हुने जिल्लाहरुमा त समाग्रीहरु पु¥याइसकेको छ । यस्तै राजनीतिक दलका नेता, कार्यकर्ता, उम्मेदवार पनि मत माग्ने काममा व्यस्त छन् । उम्मेद्वारहरु यतिबेला मतमाग्दै जनताको घर, आँगन र खेतबारी मै पुग्न थालेका छन् । यसले निर्वाचन उल्लासमय तरिकाबाट अगाडि बढीरहेको देखिन्छ । हुन पनि निर्वाचन भनेको जनताले सार्वभौम सत्ताको अधिकार प्रयोग गर्ने एउटा महत्व पूर्ण अवसर हो । मतदाताले एकपटक प्रयोग गरेको अधिकारले आफुमाथि पाँच वर्षसम्म शासन गर्ने जिम्मेवारी प्रदान गरिएको हुन्छ । त्यसैले पनि निर्वाचनलाई उत्सव मात्र होईन कि महाउत्सव बनाउन सक्नु पर्दछ ।
    सम्पादकीय
    98     सम्पादकीय
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top