+०५७-५२६८३०, ९८५५०-६८२२७
logo
सम्पादकीय

भर्ना अभियानको सार्थकता



सम्पादकीय   16 पटक पढिएको   सम्पादकीय     
यतिबेला बालबालिकाहरुलाई विद्यालयमा भर्ना अभियान सुरु भएको छ । यसपटक राज्यकै तर्फबाट बालबालिकालाई विद्यालय पु¥याउन विशेष पहल गरेको छ । स्थानीय तहका सबै जनप्रतिनिधिहरुले विपन्न परिवारको कम्तिमा एकजना बालबालिकाको अभिभावकत्व लिनुपर्ने भन्दै सरकारले निर्देशन नै दिएको छ ।



आर्थिक अभावका कारण विद्यालय जान नपाएका बालवालिकाहरुका लागि सरकारले गरेको यस्तो प्रयासमा स्थानीय जनप्रतिनिधिहरुले पक्कै पनि सहयोग गर्नु कर्तव्य र जिम्मेवारी हो । ३ लाख भन्दा बढी बालबालिकाहरु विद्यालय जानबाट वन्चित भएका छन् भने ८८ हजार भन्दा धेरै बालबालिकाले विद्यालय नै देख्न नपाएको शिक्षा विभागको तथ्याङ्कले देखाएको छ । यस्तो भयावह परिस्थितिको अन्त्य गर्ने जिम्मेवारी राज्यका निकायका अतिरिक्त सबै नागरिकको कर्तव्य पनि हो । त्यसैले प्रधानमन्त्री केपी शर्मा ओलीले पनि एक जनाको अभिभावकत्व लिनुभएको छ । प्रधानमन्त्रीको यो अभियानले देशका कुनै पनि बालबच्चाहरु शिक्षाबाट वन्चित नहुन भन्ने सन्देश प्रवाह गरेको छ ।

अभिभावकत्व लिनु भनेको उनीहरुलाई भर्ना गरेर झारा टार्नेमात्र होईन । आवश्यक पर्ने एक वर्षको विद्यालय पोशाक समेत उपलव्ध गराउनु पर्ने छ । शिक्षा मन्त्रीले पनि विपन्न, गरिब, सीमान्तकृत, लोपोन्मुख वा पिछडिएका वर्ग, क्षेत्र र समुदायका शिक्षाबाट बन्चित एकजना बच्चालाई विद्यालय पु¥याउने जिम्मा लिन सबैलाई आग्रह गरेका छन् । आफ्ना समुदायमा रहेर आर्थिक अवस्थाका कारणले विद्यालय जान नपाएकाहरुलाई जो सुकैले पनि सहयोग गर्न सक्ने छन् । विद्यार्थीको अविभावकत्व लिनेले एक वर्ष स्टेसनरी, पोसाक र दिवा खाजाको प्रबन्ध गरे अर्को वर्षदेखि विद्यार्थीको सम्पूर्ण खर्च मन्त्रालयले नै व्यहोर्ने नीति लिएको छ । यता ३ नम्बर प्रदेशका मुख्यमन्त्रीले पनि भर्ना अभियानमा संलग्न हुन सबैसँग अपिल गर्नुले प्रदेश सरकारको चासोलाई प्रष्ट्याएको छ । जुनसुकै अवस्थामा पनि भर्ना अभियानलाई प्रदेशभर नै प्रभावकारी बनाउन स्थानीय तहका प्रतिनिधि, सांसद, मन्त्री, प्रशासक तथा उद्योगी, व्यवसायी सबैको इमान्दारीपूर्वक सक्रिय सहभागिताको खाँचो छ । विगतमा पनि यस्तै गरी भर्ना अभियान सन्चालन हुने गरेका थिए । ती अभियान केवल औपचारिकतामा मात्र सीमित देखिए । यसपटक भने त्यस्तो नहोस् भन्ने कुरामा सबै सचेत र इमान्दार हुनै पर्दछ ।

कमजोर आर्थिक अवस्था भएकाहरुलाई जस्तोसुकै शैक्षिक वातावरण भए पनि कुनै फरक पर्दैन । त्यसैले उनीहरु विद्यालय नै जाँदैनन् र सुरुमा भर्ना भईहालेमा पनि आयमा जोडिनु पर्नेभएकाले छोड्नु पर्ने बाध्यतामा छन् । त्यसैले विपन्न परिवारका बालबालिकाहरु विद्यालय जानबाट वन्चित हुँदै आएका हुन् । यसपटक भने उनीहरुलाई आर्थिक भार नपर्ने गरी विपन्न परिवारका छोराछोरीको पढाईको जिम्मेवारी लिइदिनका लागि सक्षम नागरिकसँग राज्यले अपील गरेको हो । दैनिक रुपमा दशौं हजार फजुल खर्च गर्नेहरुको जमात देशका मुख्य सहरहरुमा ठूलो छ । उनीहरुले एक दिनको फजुल खर्चलाई यस्ता परिवारका नानीहरुको शिक्षामा खर्च गरिदिए मात्र पनि शिक्षाको उज्यालोबाट कुनै पनि बालबालिकाहरुले वन्चित हुनु पर्ने छैन । भर्ना दर सत्प्रतिशत पु¥याउने राज्यको लक्ष्यमा सबै नागरिकको हातेमालो आवश्यक छ । भर्ना मात्र पनि पर्याप्त छैन । निरन्तर विद्यालयमा उपस्थित हुने वातवरण बनाउन सक्नु पनि चुनौतीको विषय हो । भर्नापछि विद्यालय छोड्ने प्रवृत्तिको अन्त्य गर्न सकिए मात्र भर्ना अभियानको सार्थकता हुने छ ।








सम्बन्धित शिर्षक समाचारहरु
  • कांग्रेसद्वारा सभा अवरुद्ध/ प्रतिपक्षीद्वारा सरकारको आलोचना

    हेटौंडा, ४ साउनः नेपाली कांग्रेसले बिहिबार ३ नम्बर प्रदेश सभा अवरुद्ध गरेको छ । प्रमुख प्रतिपक्षी दल नेपाली कांग्रेसका नेता ईन्द्रबहादुर बानियाँले विशेष समयमा बोल्दै आफ्नो पार्टीले राखेका माग पूरा गर्न दबाव दिँदै संसद अवरुद्धको घोषणा गर्नुभएको थियो । बिहीबारको प्रदेशसभा बैठकमा प्रदेश राजधानी सम्भाव्यता अध्ययन विशेष समितिको प्रतिवेदन पेस हुने कार्यसूची थियो ।
    राजनीति
    107     प्रकाश दाहाल
  • पङ्खा र नगद सहयोग

    हेटौंडा, ४ साउनः मकवानपुरगढी गाउँपालिका ३ को ज्वालादेवी आधारभुत विद्यालयलाई नारी संरक्षण केन्द्र (डब्लुपीसी) ले पङ्खा र नगद सहयोग गरेको छ ।
    शिक्षा
    6     समाज संवाददाता
  • डा. गोविन्द केसी प्रकरण/ हेटौंडामा विरोधसँगै सेवा पनि

    हेटौंडा, ४ साउनः अनशनरत डा. गोविन्द केसीको माग सम्बोधन गर्न सरकार तत्पर नदेखिएको भन्दै हेटौंडा अस्पतालमा चिकित्सकहरुले विरोध जनाएका छन् ।
    स्वास्थ्य
    5     समाज संवाददाता
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    996    
  • क्लासिक टेकको अफर

    हेटौंडा, २७ कात्तिकः इन्टरनेट सेवा प्रदायक क्लासिक टेकले घरायसी उपभोक्ताका लागि सुपथ मूल्य अफर ल्याएको छ । क्लासिक टेकले “काईदा छ, फाईदा छ” अफर बजारमा ल्याएको जनाएको छ ।
    अर्थ / व्यापार
    99     समाज संवाददाता
  • ५० भन्दा बढि हिरासतमा

    हेटौंडा, २० मंसिरः विभिन्न अभियोगमा प्रहरीले पक्राउ गरेका मंगलबारसम्म ५० जना भन्दा बढि हिरासतमा रहेका छन् । आज बुधबार केहि हिरासतमुक्त भए तापनि मतदानको दिनमा ५० भन्दा बढि हिरासतमै रहने प्रहरी उपरीक्षक विकास राज खनालले जानकारी दिनुभयो । हिरासतमा रहनेहरु मतदानको अवसरबाट बञ्चित हुनेछन् ।
    अपराध
    99     समाज संवाददाता
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top