+०५७-५२६८३०, ९८५५०-६८२२७
logo
सम्पादकीय

यो पनि भ्रष्ट्राचार हो



सम्पादकीय   88 पटक पढिएको   सम्पादकीय     
राज्यमा आमुल परिर्वतन गराई नेपालीलाई उत्पीडनबाट मुक्ती दिने उद्देश्यसहित भएको माओवादी सशस्त्र द्वन्द्वमा घाईते भएकाहरुलाई अपाङ्गताको स्तर हेरी आवश्यक्ताअनुसार जीवन वृत्तिका लागि राज्यले दिने सुविधामा अनियमितताको संकेत देखिएको छ । मकवानपुरमा अपाङ्गता प्रतिशत निर्धारण गर्ने समितिले अयोग्य व्यक्तिहरुलाई समेत सिफारिस गर्ने गरी प्रतिवेदन तयार पारेको पाईएको छ । सशस्त्र द्वन्द्वमा घाईते भएकाहरुको अपाङ्गता निर्धारण गरी सिफारिस गर्ने जिम्मेवारी पाएको प्राविधिक उपसमितिले तयार पारेको प्रतिवेदनमा कार्यविधि विपरित सिफारिस गरेको देखिएको छ ।



 द्वन्द्वक्रममा शारीरिक रुपमा ५१ प्रतिशत भन्दा बढी अपाङ्गता भएकालाई दिने जीवन निर्वाह भत्ता पाउने गरी अयोग्य व्यक्तिलाई सिफारिस गरेको हो । भत्ताका लागि हुनुपर्ने अपाङ्गताको प्रतिशत पुग्ने गरी प्राविधिक समितिबाट सिफारिस गर्दै प्रतिवेदन तयार भएको हो । पहुँचवालाहरुले नै पीडितका लागि उपलव्ध हुने सेवा सुविधा उपयोग गरिरहेको यो एउटा प्रतिनिधिमुलक घटनाका रुपमा लिन सकिन्छ । प्रमुख जिल्ला अधिकारीको नेतृत्वमा हुने समिति मार्फत यस्तो सिफारिस गराउने प्रयास हुन्छ भने दुरदराजका पीडितको अवस्था र त्यहाँका टाठा वाठाहरुले गर्ने क्रियाकलाप सहजै अनुमान गर्न सकिन्छ ।

प्रतिवेदन तयार गर्नका लागि कार्यविधिले तोके अनुसार जिम्मेवारी पाएका व्यक्तिहरु गैरजिम्मेवार देखिएका छन् । प्रत्येक पाँच वर्षमा अपाङ्गता प्रतिशत निर्धारण गर्नका लागि कार्यविधि २०७४ ले जिल्लास्तरीय समितिलाई जिम्मेवारी दिएको छ । यो समितिले अपाङ्गता पुनरावलोकनका लागि प्राविधिक उपसमिति मार्फत काम गर्दछ । हेटौंडा अस्पतालका मेडिकल अधिकृत, महिला तथा बालबालिका कार्यालयका प्रमुख र स्थानीय शान्ति समितिका प्रतिनिधि रहेको प्राविधिक उपसमितिले अयोग्य व्यक्तिलाई जबर्जस्ती योग्य बनाउने प्रयास गरेको छ । मासिक रुपमा प्राप्त हुने जीवन निर्वाह भत्ता ६ हजार दुई सय रुपैयाँका लागि यस्तो सिफारिस हुनु अनुसन्धानको विषय हो । जसलाई सिफारिस गर्नका लागि प्रतिवेदन बनाईएको छ । उनीहरु कार्यविधिको मापदण्ड भित्र पर्ने देखिँदैन । अघिल्लो पटक ५० प्रतिशत अपाङ्गता भएका व्यक्तिहरुलाई यसपटक भत्ताका लागि योग्य बनाउने काममा अस्पतालका मेडिकल अधिकृतको कमजोरी देखिन्छ । उनले यस्तो मुल्याङ्कन गर्दा अवलोकन र अनुसन्धान गरेको देखिँदैन । एक दिनमा २६ जनाको अपाङ्गता परीक्षण गरेको पाईएको छ । समान्य ओपीडीका विरामीलाई भन्दा पनि कम समयमा अपाङ्गता परीक्षण गरिएको छ । यस्तो परीक्षण स्वभाविक रुपमा तथ्यपरक हुन सक्दैन ।

भ्रष्ट्राचार कसैसँग घुस लिनु मात्र होईन, नियम विपरित गरिने सिफारिस वा लिखत गर्नु, झुठो विवरण पेश गर्नु वा बाध्य पार्नु पनि भ्रष्ट्राचार हो । यस्तो आचरणहरु पदीय जिम्मेवारी लिएकादेखि सामान्य नागरिक समेतले पनि गर्न सक्छन् । यस्तो आचरणका लागि मानिसले आफ्नो हैशियत समेत बिर्सन्छ । यस्तै भएको पाईएको छ जिल्लास्तरीय अपाङ्गता प्रतिशत निर्धारण तथा पुनरावलोकन सिफारिस समितिले गठन गरेको प्राविधिक उपसमितिको प्रतिवेदन । यो सिफारिस गराउनका लागि दवाव दिएको हुन सक्छ । कार्यविधिको क्षेत्रमा पर्नु र भत्ता लिनु स्वभाविक र जायज हुन्छ । तर कार्यविधिले दिएको क्षेत्र बाहिरका व्यक्तिहरुलाई सिफारिस गर्नु वा गराउनु भ्रष्ट्राचार हो । यस्तो क्रियाकलापलाई निरुत्साहन गर्नु आवश्यक छ । कसरी यस्तो प्रतिवेदन तयार पारियो भन्ने विषयमा अनुसन्धान हुनु पर्दछ । दोषि जो कोही भए पनि कारवाही नगर्ने हो भने पीडितका नाममा हुने यस्ता दुरुपयोगका घटनाहरुमा वृद्धि हुने छ । कतिपय मानिसहरुले आज पनि पीडितका नाममा आफ्नो जीविकोपार्जन पनि गरेका हुन सक्छन् । द्वन्द्व पीडितका नाममा राज्यले दिने राहतका अन्य विषयमाथि पनि निगरानी बढाउनु आवश्यक देखिन्छ ।








सम्बन्धित शिर्षक समाचारहरु
  • वहुप्राविधिक महाविद्यालयको निर्माणमा मुख्यमन्त्रीको अग्रसरता/ कात्तिक १ बाट रुख कटान

    हेटौंडा, ३१ असारः नेपाल भारत मैत्री बहुप्राविधिक महाविद्यालयको निर्माण कार्यको लागि ३ नम्बर प्रदेशका मुख्यमन्त्री डोरमणि पौडेलले अग्रसरता देखाउनुभएको छ । महाविद्यालयको विषयमा ३ नम्बर प्रदेशका मुख्यमन्त्री डोरमणी पौडेलको उपस्थितीमा नेपाल स्थित भारतिय राजदुतावासका पदाधिकारी, सिटिईभिटीका पदाधिकारी, प्रदेशका सचिवहरु सहितको टोलीबीच शनिबार छलफल भएको थियो ।
    शिक्षा
    14     समाज संवाददाता
  • मानन्धरको आँखाको नानी संकलन

    हेटौंडा, ३० असारः नेपाल भाषा खलः मकवानपुरका अध्यक्ष मंगलकृष्ण मान्नधरको आँखाको नानी शनिबार संकलन गरिएको छ ।
    स्वास्थ्य
    56     समाज संवाददाता
  • कुखरेनीमा नयाँ सम्मवेल

    हेटौंडा, ३१ असारः हेटौंडा उपमहानगरपालिका–९ कुखरेनीमा खानेपानीको लागि नयाँ सम्मवेल संचालनमा आएको छ । हेटौंडा खानेपानी व्यवस्थापन बोर्डले आफ्नो सेवा क्षेत्रभित्र खानेपानीको थप स्रोत वृद्धि गर्ने उद्धेश्यले नयाँ सम्मवेल निर्माण गरी शनिबारबाट संचालनमा ल्याएको हो । हेटौंडा उपमहानगरपालिकाका प्रमुख हरी बहादुर महतले सम्मवेलको उद्घाटन गर्नु भएको थियो ।
    समाज
    104     समाज संवाददाता
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    996    
  • महासन्धीमा हस्ताक्षर गर्न आग्रह

    समाज संवाददाता हेटौंडाः मानव अधिकारवादी संस्था अनौपचारिक क्षेत्र सेवा केन्द्र (इन्सेक) ले नेपाल सरकारलाई ‘बलपूर्वक वेपत्ता पारिएका सबै व्यक्तिहरुको संरक्षण सम्बन्धी संयुक्त राष्ट्रसंघीय महासन्धी २००६’ मा हस्ताक्षर गरी नेपाललाई उक्त महासन्धीको पक्ष राष्ट्र बन्न आग्रह गरेको छ । अन्तर्राष्ट्रिय वेपत्ता दिवसको दिन मंगलबार इन्सेकले ७५ वटै जिल्ला प्रशासन कार्यालय मार्फत प्रधानमन्त्रीलाई ज्ञापनपत्र पेश गरेको छ । मकवानपुरमा पनि इन्सेक प्रतिनिधी प्रताप विष्टले मकवानपुरका प्रमुख जिल्ला अधिकारी डा. मानबहादुर बिकमार्फत प्रधानमन्त्रीलाई ज्ञापनपत्र पेश गर्नुभएको छ ।
    राजनीति
    99    
  • बिलखबन्दमा भूकम्प पीडित

    २०७२ सालको भूकम्प जति पीडादायक रह्यो त्यो भन्दा बढी पीडादायक छ ती पीडितमाथि सरकारले गरिरहेको बेवास्ता । सरकार भूकम्प पीडितलाई राहत दिने घोषणा गर्छ । अझ सरकार परिवर्तन भए लगत्तै नयाँ प्रधानमन्त्रीको घोषणा अनुदान बढाउने, छिटो काम गर्ने, जनताको ओँठमा हाँसो ल्याउने । नयाँ सरकारले घोषणाअनुसार काम गर्दैन, जनता फेरि निराश । भूकम्पले घर गुमाएका लाखौं जनताले केही समयअघि सरकारको पहिलो किस्ता अनुदान रकम पाए । दसैंको मुखमा ५० हजार रुपैयाँ पाएका भूकम्प पीडित मध्ये कतिपयले दसैंमा नै त्यो पैसा खर्च गरेका छन् । केहीले साँचेर दसैं, तिहार, छठ पछि घर बनाउन सुरु गरे ।
    विचार
    99    
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top