+०५७-५२६८३०, ९८५५०-६८२२७
logo
स्थानीय तह

सरकारी साधन, निजी नम्बर प्लेट



स्थानीय तह   48 पटक पढिएको   समाज संवाददाता     
हेटौंडा, ४ बैशाखः हेटौंडा उपमहानगरपालिकाको स्वामित्वमा रहेको चालु अवस्थाका सानाठूला गरी ४३ वटा सवारी साधनमध्ये अधिकांश सवारी साधन निजी सम्पत्तिको रुपमा प्राइभेट नम्बर प्लेट राखेर चलाइरहेको छ । सरकारी स्वामित्वको सवारी साधनको नम्बर प्लेट सेतो पृष्ठभूमिमा रातो अक्षरले सवारी नम्बर लेख्नुपर्ने हुन्छ । तर, हेटौंडा उपमहानगरपालिकाको अधिकांश सवारी साधनमा निजी सवारी साधनको रुपमा सञ्चालित छ ।



उपमहानगरका कर्मचारीका अनुसार माओवादी द्वन्द्वकालमा सुरक्षाको दृष्टिकोणले सरकारी सवारी साधनमा निजी नम्बर प्लेट राख्न सुरु गरिएको थियो । सरकारी साधनमाथि आगजनी, आक्रमण गर्ने, कर्मचारी नै असुरक्षित हुने चुनौतिका कारण सरकारी सवारी साधनमा निजी नम्बर प्लेट राखिने गरेको हो । तर, तत्कालिन विद्रोही माओवादी शान्तिपूर्ण राजनीतिमा आएर पटक–पटक सरकारको नेतृत्व गरिसक्दा द्वन्द्वकालिन समयमा सुरक्षाका दृष्टिले गरिएको वैकल्पिक व्यवस्था अझै कायमै छ । हेटौंडा उपमहानगरपालिकामा मात्रै नभई देशभर सरकारी स्वामित्वका हजारौं सवारी साधन निजी नम्बर प्लेट राखेर चलिरहेको कर्मचारी नै स्वीकार्छन् । ‘तत्कालिन द्वन्द्वको समयमा सुरक्षाका दृष्टिले गरिएका काम सुधार्नु पर्ने भए पनि त्यसो हुन सकेको छैन’, हेटौंडा उपमहानगरका एक कर्मचारीले भने, ‘तर, यसप्रति कसैले चासो देखाउन सकेको छैन ।’

हेटौंडा उपमाहानगरपालिकाको स्वामित्वमा रहेका सवारी साधन मध्ये हाल ६ वटा मोटरसाईकल र एउटा जिप बाहेक सबै सवारी साधन रातो नम्बर प्लेटमा संचालित रहेको छन् । उपमहानगरपालिकामा हाल चालु अवस्थाका २९ वटा वटा मोटरसाईकल मध्ये २३ वटा रातो नम्बर प्लेटमै संचालन भईरहेका छन् । त्यस्तै उपमहानगरपालिकामा ट्रिपर दुईथान, ट्याक्टर, ट्रक सक्सन पम्प, ट्रक जटिङ मेसिन, टाटा सुमो (भिक्टा), टाटा टेल्को लाईन, व्याकहो लोडर, जीप, टाटा सुमो, व्याक हो लोडर एक/एक वटा रहेकोमा सबै रातो नम्बर प्लेटमै संचालनमा रहेका छन् । यातायात व्यवस्था कार्यालय नै नम्बर उपलब्ध नगराउने भएकोले उपमहानगरका ग्रेडर, रोलर, बारुण यन्त्र दमकल, भने नम्बर प्लेट बिनानै संचालनमा रहेका छन् । 

उपमहानगरपालिकाका मेयर हरि बहादुर महतले सवारी साधनहरु पहिलेदेखि नै रातो नम्बर प्लेटमै संचालन हुँदै आएकोमा त्यसलाई व्यवस्थापन गर्ने तयारीमा रहेको बताउनुभयो । मेयर महतले भन्नुभयो, ‘उपमहानगरपालिकामा सरकारी सवारी साधनको दुरुपयोग भएको त छैन तर पनि यसलाई के गर्ने भन्ने बारेमा हामीले विचार गरिरहेका छौं ।’ उपमहानगरपालिकाका कार्यकारी अधिकृत कृष्णप्रसाद पाण्डेले द्वन्द्वकालमा हेटौंडा उपमहानगरपालिकाको सवारी साधनको नम्बर प्लेट परिर्वतन नगरिएको बताउनुहुन्छ । उपमहानगरपालिकाको मातहतमा रहेका सवारी साधनहरु रातो नम्बर प्लेटमा संचालन भईरहेको स्वीकार गर्दै सो सवारी साधनहरु नगरपालिकाको नाममा रहेको र नम्बर परिवर्तन नभएको बताउनुहुन्छ । हाल रातो नम्बर प्लेटमा रहेका सवारी साधनको हकमा चाँडै नै व्यवस्थापन गर्ने बताउनुभयो ।

यातायात व्यवस्था कार्यालयले एक पटक सेतो नम्बर प्लेट बनाउनुपर्ने भनेर केहि सवारी साधनको नम्बर प्लेट सेतो बनाईएको बाहेक सबै सवारीसाधनहरु रातो प्लेटमै संचालनमा रहेको उपमहानगरपालिकाका अधिकारीको भनाइ छ । उपमहानगरपालिकामा स्थलगत रुपमा नगरका विभिन्न स्थानमा पुग्नुपर्ने भएकोले रातो नम्बर प्लेट राखिए पनि दुरुपयोग नभएको कर्मचारीहरुको जीकिर छ ।









सम्बन्धित शिर्षक समाचारहरु
  • वैठक भत्ता मात्रै २ करोड ७५ लाख

    हेटौंडा, ३२ असारः ३ नम्बर प्रदेश सरकारले आगामी आर्थिक वर्षमा कर्मचारी र पदाधिकारीहरुको लागि वैठक भत्ता मात्रै २ करोड ७५ लाख ५० हजार रुपैयाँ छुट्टाएको छ । प्रदेश सरकार अन्तर्गत प्रदेशका मन्त्रालाय, प्रदेश सभा सचिवालय, मुख्य न्यायधिवक्ताको कार्यालय, प्रदेश लेखा नियन्त्रकको कार्यालयमा हुने कर्मचारी तथा पदाधिकारीहरुको वैठक भत्तामा उक्त रकम खर्च हुने भएको हो ।
    राजनीति
    56     अमृत चिमरिया
  • ताप्लेजुङ सेमिफाईनलमा

    हेटौंडा, ३२ असारः हेटौंडामा जारी उपराष्ट्रपति महिला राष्ट्रिय फुटबल प्रतियोगिताको क्वाटरफाईनल खेलबाट ताप्लेजुङ सेमिफाईनलमा प्रवेश गरेको छ । क्वाटरफाईनल खेलअन्तर्गत आइतबार भएको पहिलो खेलमा ताप्लेजुङले सुर्खेतलाई १–० गोलअन्तरले पराजित गर्दै सेमिफाईनलमा प्रवेश गरेको हो ।
    खेलकुद
    1     समाज संवाददाता
  • मकवानपुरका मुक्तानलाई स्वर्ण

    हेटौंडा, ३२ असारः भारतमा भएको ‘माल्दा वेस्ट बङ्गाल इन्भिटेशन इन्टरनेशनल तेक्वान्दो च्याम्पियनशिप २०१८’को गेरुगी प्रतियोगिता ७८ किलो तर्फको खेलमा मकवानपुरका ओम कुमार मुक्तानले स्वर्ण पदक हासिल गरेका छन् ।
    खेलकुद
    5     समाज संवाददाता
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    996    
  • बिलखबन्दमा भूकम्प पीडित

    २०७२ सालको भूकम्प जति पीडादायक रह्यो त्यो भन्दा बढी पीडादायक छ ती पीडितमाथि सरकारले गरिरहेको बेवास्ता । सरकार भूकम्प पीडितलाई राहत दिने घोषणा गर्छ । अझ सरकार परिवर्तन भए लगत्तै नयाँ प्रधानमन्त्रीको घोषणा अनुदान बढाउने, छिटो काम गर्ने, जनताको ओँठमा हाँसो ल्याउने । नयाँ सरकारले घोषणाअनुसार काम गर्दैन, जनता फेरि निराश । भूकम्पले घर गुमाएका लाखौं जनताले केही समयअघि सरकारको पहिलो किस्ता अनुदान रकम पाए । दसैंको मुखमा ५० हजार रुपैयाँ पाएका भूकम्प पीडित मध्ये कतिपयले दसैंमा नै त्यो पैसा खर्च गरेका छन् । केहीले साँचेर दसैं, तिहार, छठ पछि घर बनाउन सुरु गरे ।
    विचार
    99    
  • प्रशासनिक आग्रहको वेवास्ता

    आगामी मंसिरमा हुने प्रतिनिधि सभा तथा प्रदेश सभा निर्वाचनको तयारी तीव्ररुपमा भईरहेको छ । निर्वाचन आयोगले आफ्नो तर्फबाट गर्नु पर्ने सम्पूर्ण तयारी पुरा गरिसकेको छ । उसले निर्वाचनका दिन आवश्यक पर्ने मतपत्र तथा अन्य सामाग्रीहरु पनि जिल्ला जिल्ला पठाउन थालिसकेको जनाएको छ । पहिलो चरणमा निर्वाचन हुने जिल्लाहरुमा त समाग्रीहरु पु¥याइसकेको छ । यस्तै राजनीतिक दलका नेता, कार्यकर्ता, उम्मेदवार पनि मत माग्ने काममा व्यस्त छन् । उम्मेद्वारहरु यतिबेला मतमाग्दै जनताको घर, आँगन र खेतबारी मै पुग्न थालेका छन् । यसले निर्वाचन उल्लासमय तरिकाबाट अगाडि बढीरहेको देखिन्छ । हुन पनि निर्वाचन भनेको जनताले सार्वभौम सत्ताको अधिकार प्रयोग गर्ने एउटा महत्व पूर्ण अवसर हो । मतदाताले एकपटक प्रयोग गरेको अधिकारले आफुमाथि पाँच वर्षसम्म शासन गर्ने जिम्मेवारी प्रदान गरिएको हुन्छ । त्यसैले पनि निर्वाचनलाई उत्सव मात्र होईन कि महाउत्सव बनाउन सक्नु पर्दछ ।
    सम्पादकीय
    98     सम्पादकीय
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top