+०५७-५२६८३०, ९८५५०-६८२२७
logo
राजनीति

कांग्रेसलाई बहुमत नदिलाई बिश्राम लिन्नः देउवा



राजनीति   67 पटक पढिएको   समाज संवाददाता     
हेटौंडा, ४ बैशाखः नेपाली कांग्रेसका सभापति शेरबहादुर देउवाले नेपाली कांग्रेसलाई बहुमत नदिलाएसम्म विश्राम नलिने घोषणा गर्नुभएको छ । ३ नम्बर प्रदेश स्तरीय तरुण दलको प्रशिक्षण कार्यक्रमको उद्घाटन गर्दै सोमबार हेटौंडामा सभापति देउवाले प्रतिनिधि तथा प्रदेश सभाको चुनावमा पार्टी भित्रैको अन्तरघातले पराजित हुनुपरेको बताउनुभयो । उहाँले पार्टीभित्रकै अन्तरघातका कारण २० सिट घटेको भन्दै अन्तरघातीलाई कारबाही गर्नुपर्ने बताउनुभएको हो ।

कांग्रेसलाई बहुमत नदिलाई बिश्राम लिन्नः देउवा


ओली सरकारको कडा आलोचना गर्दै पूर्वप्रधानमन्त्री देउवाले प्रधानमन्त्री ओली लम्पसारवादी भएको र नेपालको एकमात्र राष्ट्रवादी पार्टी नेपाली कांग्रेस भएको जीकिर गर्नुभयो । उहाँले नेपाली कांग्रेसलाई संकट परेको बेला तरुण दलले यस्तो प्रशिक्षण कार्य राख्नु अत्यन्तै सान्दर्भिक भएको बताउनुभएको थियो । सभापति देउवाले विगतमा धेरै लँडाई लडेर आएको कांग्रेसलाई वाम गठवन्धनले केही गर्न नसक्ने दावी समेत गर्नुभयो । पूर्व अर्थमन्त्री तथा नेपाली कांग्रेसका नेता डा. रामशरण महतले साम्यवादीहरु संसारबाट नै सकिने अवस्थामा नेपालमा वृद्धि भएकोले तरुण दललाई डटेर सामना गर्न निर्देशन समेत दिनुभएको छ । उहाँले संसारबाट मृत भइसकेको कम्युनिष्टको नाममा लुट्नेहरुको एकताले कांग्रेस नडराउने बताउनुभयो ।

तरुणहरु अब वौद्धिक रुपमा पनि शक्तिशाली बन्नुपर्ने सुझाव पनि डा. महतको थियो । त्यस्तै तरुण दलका पूर्व अध्यक्ष तथा पूर्व रक्षामन्त्री बालकृष्ण खाँडले हेटौंडालाई नै ३ नम्बर प्रदेशको स्थायी राजधानी बनाउनुपर्ने बताउनुभएको छ । देउवा सरकारले नै हेटौंडालाई प्रदेशको राजधानी ल्याएको हुनाले यसलाई स्थायी बनाउनु पर्नेमा प्रदेश सदस्यहरुले ध्यान दिनुपर्ने बताउनुभएको हो । खाँडले प्रधानमन्त्री ओलीले सबै शक्ति आफु केन्द्र्रित गर्नु अधिनायकवादको संकेत भएको समेत बताउनुभएको थियो । 

प्रशिक्षणको उद्घाटन कार्यक्रममा नेपाली कांग्रेसका केन्द्रीय सदस्य प्रकाश शरण महतले अबको ५ वर्षमा राज्यको सबै तहमा नेपाली कांग्रेसको नेतृत्व हुने बताउनुभएको थियो । उहाँले कम्युनिष्टहरुको जस्तै कांग्रेसको पनि मिडियामा लगानी बढाएर प्रचार गर्न आवश्यक रहेको समेत बताउनुभएको हो । महतले कांग्रेसीहरुको आन्तरिक असहयोगले वाम गठवन्धनलाई सहयोग हुने हुँदा यस्तो कुरमा सजग हुन आवश्यक रहेको बताउनुभएको थियो । कार्यक्रममा कांग्रेसका केन्द्रीय सदस्य सुरेन्द्र पाण्डे, लक्ष्मी परियार, रामकृष्ण यादव, महेन्द्र यादव, तरुण दलका पुर्व अध्यक्ष तथा पुर्व अर्थ राज्यमन्त्री उदयशमशेर राणा, पुर्वअध्यक्ष विनोद कायस्थ, ३ नम्बर प्रदेशका संसदीय दलका नेता तथा पुर्व गृहराज्यमन्त्री इन्द्र बहादुर बानियाँ, नेपाल महिला संघकी केन्द्रीय अध्यक्ष उमा रेग्मी, राष्ट्रिय सभा सदस्य धन खतिवडा, नेपाली कांग्रेस मकवानपुरका निवर्तमान सभापति तथा तरुण दलका पूर्व केन्द्रीय उपाध्यक्ष रघुरमण न्यौपाने सहित डेढ दर्जन भन्दा बढि नेताहरुले मन्तव्य व्यक्त गरेका थिए । प्रशिक्षण उद्घाटन कार्यक्रमको सभाध्यक्षता नेपाल तरुण दलका केन्द्रीय अध्यक्ष जीतजंग बस्नेतले गर्नुभएको थियो । प्रशिक्षण आज मंगलबार सम्म चल्ने छ ।








सम्बन्धित शिर्षक समाचारहरु
  • वैठक भत्ता मात्रै २ करोड ७५ लाख

    हेटौंडा, ३२ असारः ३ नम्बर प्रदेश सरकारले आगामी आर्थिक वर्षमा कर्मचारी र पदाधिकारीहरुको लागि वैठक भत्ता मात्रै २ करोड ७५ लाख ५० हजार रुपैयाँ छुट्टाएको छ । प्रदेश सरकार अन्तर्गत प्रदेशका मन्त्रालाय, प्रदेश सभा सचिवालय, मुख्य न्यायधिवक्ताको कार्यालय, प्रदेश लेखा नियन्त्रकको कार्यालयमा हुने कर्मचारी तथा पदाधिकारीहरुको वैठक भत्तामा उक्त रकम खर्च हुने भएको हो ।
    राजनीति
    56     अमृत चिमरिया
  • ताप्लेजुङ सेमिफाईनलमा

    हेटौंडा, ३२ असारः हेटौंडामा जारी उपराष्ट्रपति महिला राष्ट्रिय फुटबल प्रतियोगिताको क्वाटरफाईनल खेलबाट ताप्लेजुङ सेमिफाईनलमा प्रवेश गरेको छ । क्वाटरफाईनल खेलअन्तर्गत आइतबार भएको पहिलो खेलमा ताप्लेजुङले सुर्खेतलाई १–० गोलअन्तरले पराजित गर्दै सेमिफाईनलमा प्रवेश गरेको हो ।
    खेलकुद
    1     समाज संवाददाता
  • मकवानपुरका मुक्तानलाई स्वर्ण

    हेटौंडा, ३२ असारः भारतमा भएको ‘माल्दा वेस्ट बङ्गाल इन्भिटेशन इन्टरनेशनल तेक्वान्दो च्याम्पियनशिप २०१८’को गेरुगी प्रतियोगिता ७८ किलो तर्फको खेलमा मकवानपुरका ओम कुमार मुक्तानले स्वर्ण पदक हासिल गरेका छन् ।
    खेलकुद
    5     समाज संवाददाता
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    996    
  • बिलखबन्दमा भूकम्प पीडित

    २०७२ सालको भूकम्प जति पीडादायक रह्यो त्यो भन्दा बढी पीडादायक छ ती पीडितमाथि सरकारले गरिरहेको बेवास्ता । सरकार भूकम्प पीडितलाई राहत दिने घोषणा गर्छ । अझ सरकार परिवर्तन भए लगत्तै नयाँ प्रधानमन्त्रीको घोषणा अनुदान बढाउने, छिटो काम गर्ने, जनताको ओँठमा हाँसो ल्याउने । नयाँ सरकारले घोषणाअनुसार काम गर्दैन, जनता फेरि निराश । भूकम्पले घर गुमाएका लाखौं जनताले केही समयअघि सरकारको पहिलो किस्ता अनुदान रकम पाए । दसैंको मुखमा ५० हजार रुपैयाँ पाएका भूकम्प पीडित मध्ये कतिपयले दसैंमा नै त्यो पैसा खर्च गरेका छन् । केहीले साँचेर दसैं, तिहार, छठ पछि घर बनाउन सुरु गरे ।
    विचार
    99    
  • प्रशासनिक आग्रहको वेवास्ता

    आगामी मंसिरमा हुने प्रतिनिधि सभा तथा प्रदेश सभा निर्वाचनको तयारी तीव्ररुपमा भईरहेको छ । निर्वाचन आयोगले आफ्नो तर्फबाट गर्नु पर्ने सम्पूर्ण तयारी पुरा गरिसकेको छ । उसले निर्वाचनका दिन आवश्यक पर्ने मतपत्र तथा अन्य सामाग्रीहरु पनि जिल्ला जिल्ला पठाउन थालिसकेको जनाएको छ । पहिलो चरणमा निर्वाचन हुने जिल्लाहरुमा त समाग्रीहरु पु¥याइसकेको छ । यस्तै राजनीतिक दलका नेता, कार्यकर्ता, उम्मेदवार पनि मत माग्ने काममा व्यस्त छन् । उम्मेद्वारहरु यतिबेला मतमाग्दै जनताको घर, आँगन र खेतबारी मै पुग्न थालेका छन् । यसले निर्वाचन उल्लासमय तरिकाबाट अगाडि बढीरहेको देखिन्छ । हुन पनि निर्वाचन भनेको जनताले सार्वभौम सत्ताको अधिकार प्रयोग गर्ने एउटा महत्व पूर्ण अवसर हो । मतदाताले एकपटक प्रयोग गरेको अधिकारले आफुमाथि पाँच वर्षसम्म शासन गर्ने जिम्मेवारी प्रदान गरिएको हुन्छ । त्यसैले पनि निर्वाचनलाई उत्सव मात्र होईन कि महाउत्सव बनाउन सक्नु पर्दछ ।
    सम्पादकीय
    98     सम्पादकीय
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top