: +०५७-५२६८३०, ९८५५०-६८२२७

राजनीति


एमालेको नारा वृद्धभत्ता मात्रै

राजनीति 114 पटक पढिएको समाज संवाददाता


एमालेको नारा वृद्धभत्ता मात्रै


हेटौंडा, ११ बैशाखः नेपाली कांग्रेसका केन्द्रीय सदस्य गुरुराज घिमिरेले नेकपा एमालेसँग वृद्धभत्ता बाहेक अन्य कुनै नारा नभएको बताउनुभएको छ । सोमबार नेपाली कांग्रेस हेटौंडा उपमहानगरपालिकाको नगर भेला उद्घाटन गर्दै नेता घिमिरेले एमालेले बारम्बार एउटै नारा दोहो¥याएर जनता झुक्याउने गरेको समेत बताउनुभएको थियो ।

एमाले अध्यक्ष केपी ओलीको तीव्र आलोचना गर्दै नेपाल विद्यार्थी संघका पूर्व सभापति समेत रहनुभएका नेता घिमिरेले भन्नुभयो, ‘राष्ट्रियताको खोक्रो नारा दिने केपी ओली निर्वाचन सकिने बित्तिकै भारतीय विदेशमन्त्री सुस्मा स्वराजलाई सोल्टी होटलमा एक घण्टा किन गोप्य भेट गरे ? गम्भीर प्रश्न छ ।’ मन्तव्यको अधिकांश समय आलोचनामा बिताउनुभएका घिमिरेले कांग्रेसको कमजोरी नजिकैको खोलामा लगेर बगाउनु पर्ने भन्दै वाम गठवन्धनको कमजोरीलाई जनता सामु छर्लङ्ग बनाउनुपर्ने समेत बताउनुभएको थियो । नेपाली कांग्रेस हेटौंडा उपमहानगर समितिका सभापति आनन्दराम पराजुलीको अध्यक्षतमा भएको कार्यक्रममा ३ नम्बर प्रदेश नेपाली कांग्रेसका संसदीय दलका इन्द्र बानियाँले नेपाली काँग्रेसले देशलाई आमुल परिर्वतन गर्ने राजनीतिक र सामाजिक आन्दोलन गरेको भन्दै कार्यकर्ताहरुलाई हतास नहुन समेत आग्रह गर्नुभएको थियो । उहाँले कांग्रेसले परिणाममा हारे तापनि नैतिकता र जिम्मेवारीले जीतेको समेत बताउनुभएको थियो ।

नेपाली कांग्रेस ३ नम्बर प्रदेशकी प्रमुख सचेतक राधा घलेले विपक्षको मत बढ्नुको कारण आन्तरिक द्वन्द्व भएको बताउनुभएको थियो । आन्तरिक प्रतिस्पर्धा भए तापनि गुट उपगुटको सबै कुरा मिडियामा ल्याउँदा पार्टीलाई घाटा भएको घलेले बताउनुभयो । त्यस्तै प्रजातान्त्रिक विचार समाजका केन्द्रीय अध्यक्ष डा. केदार नरसिंह केसीले कांग्रेसले क्रियाशिल सदस्यता दिँदा पार्टीलाई समय दिन सक्ने कार्यकर्तालाई मात्रै दिनुपर्ने बताउँदै प्रजातन्त्रको जगमा उभेर वाम गठवन्धनले जनताबाट जस पाइरहेको समेत बताउनुभएको थियो । कार्यक्रममा नेपाली कांग्रेस मकवानपुरका प्रमुख सल्लाहकार रामचन्द्र अर्याल ‘माइकल’, निवर्तमान सभापति रघुरमण न्यौपाने तथा जिल्लास्तरीय नेताहरुले मन्तव्य व्यक्त गरेका थिए ।





कमेन्टसहरु



अन्तर्वार्ता

‘सामूहिक कार्यलाई सशक्त बनाउने छु’
सुरेश श्रेष्ठ/यमप्रसाद तिमल्सिना     241
शिक्षालाई सेवाको रुपमा हेर्नुपर्दछ
अमृत चिमरिया     1062
बेचबिखन रोक्न जनचेतना आवश्यक
प्रिया पौडेल     107
‘फुटबल पतनको बाटोतर्फ’
सुरेश श्रेष्ठ/अमृत चिमरिया     63
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com



1350229 Times Visited.

  • सुरेश श्रेष्ठ, सम्पादक, ९८५५०-६८२२७
  • अमृत चिमरिया, संवाददाता, ९८४५६१४३५४
  • प्रिया पौडेल, संवाददाता , ९८४५४०२८५८
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Design and Develop :
Top