+०५७-५२६८३०, ९८५५०-६८२२७
logo
स्थानीय तह

वातावरण दिवस मनाउन अन्तरक्रिया



स्थानीय तह   57 पटक पढिएको        
हेटौंडा, ७ जेष्ठः हेटौंडा उपमहानगरपालिका टोल विकास संस्था नगर समन्वय समितिले ४६औं विश्व वातावरण दिवस मनाउने सन्दर्भमा आइतबार सरोकारवालासँग अन्तरक्रिया गरेको छ ।



अन्तरक्रियामा हेटौंडा उपमहानगरपालिकाका मेयर हरिबहादुर महतले वातावरण संरक्षण सुन्दर तथा हरियाली नगर निर्माणमा टोल विकास संस्थाहरूको महत्वपूर्ण भूमिका रहेको बताउनुभयो । विश्व वातावरण दिवस नजिकै रहेको भन्दै भव्यताका साथ सम्पन्न गर्न सम्पूर्ण नगरवासीहरूलाई मेयर महतले आग्रह गर्नुभयो ।

समितिका कार्यबाहक अध्यक्ष धु्रबप्रसाद अधिकारीको अध्यक्षतामा भएको कार्यक्रममा हेटौंडा उपमहानगरपालिकाका उपमेयर मिना लामा, प्रमुख प्रशासकीय अधिकृत कृष्णप्रसाद पाण्डे, सामाजिक विकास महाशाखा प्रमुख भिम प्रसाद तिमल्सिना, वातावरण शाखा प्रमुख गंगा चौलागाई, उद्योग संघ मकवानपुरका अध्यक्ष नवराज अर्याल, समाजसेवी श्याम श्रेष्ठ लगायतले मन्तव्य राख्नु भएको थियो । कार्यक्रममा जेसीज, लायन्स, रोटरी, वन समुह, सहकारी संस्था लगायत विभिन्न संघ, संस्थाका प्रतिनिधिहरुको सहभागिता रहेको थियो ।

अन्तरक्रियापछि टोल विकास संस्था नगर समन्वय समितिका कार्यवाहक अध्यक्ष धु्रव प्रसाद अधिकारीको अध्यक्षतामा १५१ सदस्यीय विश्व वातावरण दिवस आयोजक मुल समारोह समिति गठन गरिएको छ । समितिको आयोजनामा विश्व वातावरण दिवसका अवसरमा १६ गतेदेखि २२ गतेसम्म विभिन्न कार्यक्रमहरु हुने भएका छन् । कार्यक्रमअनुसार रक्तदान, वृक्षरोपण, विशेष सरसफाइ कार्यक्रम, लोकगीत प्रतियोगिता, जलवायु परिवर्तन सम्बन्धी अनुशिक्षण कार्यक्रम, साईकल ¥याली, जनचेतनामूलक बोर्ड राख्ने कार्यक्रम रहेको समितिले जनाएको छ । त्यसैगरी २२ गते चेतनामुलक बृहत् ¥यालीसहित समापन कार्यक्रम गरिने मूलआयोजक समारोह समितिका संयोजक अधिकारीले जानकारी दिनुभयो ।








सम्बन्धित शिर्षक समाचारहरु
  • टिसिएनमा डिप ट्युववेल निर्माण सुरु

    हेटौंडा, ४ भाद्रः हेटौंडा खानेपानी व्यवस्थापन बोर्डले हेटौंडा १० टिसिएन क्षेत्रमा नयाँ १ थान डिप ट्यूववेल निर्माण कार्य गरेको छ । आज विहान हेटौंडा उपमहानगरपालिकाका नगर प्रमुख हरिबहादुर महतले गर्नु भएको हो ।
    समाज
    6     समाज संवाददाता
  • मिस हेटौंडा सम्मानित

    हेटौंडा, ४ भाद्रः सफल र नमूना टोल विकास संस्था हेटौंडा–१० ले आइतबार विभिन्न क्षेत्रका दुई युवालाई सम्मान गरेको छ ।
    मनोरञ्जन
    8     समाज संवाददाता
  • सचेतना बोर्ड हस्तान्तरण

    हेटौंडा, ४ भाद्रः एक्सपर्ट एजुकेशन एण्ड भिसा सर्भिसेसले जिल्ला ट्राफिक प्रहरी कार्यालय हेटौंडालाई ट्राफिक सचेतनामुलक बोर्ड सहयोग गरेको छ ।
    समाज
    6     समाज संवाददाता
  • उपयोगीको २ करोड ६७ लाख लगानी

    समाज संवाददाता हेटौंडा, १८ भाद्रः हेटौंडा–११, थानाभ¥याङस्थित उपयोगी बचत तथा ऋण सहकारी संस्था लिमिटेडले आर्थिक वर्ष २०७३/७४ मा २ करोड ६७ लाख रुपैयाँ ऋण लगानी गरेको छ । सहकारीको पाँचौं वार्षिक साधारणसभामा प्रस्तुत प्रतिवेदन अनुसार सहकारीले २ करोड ६७ लाख ९३ हजार रुपैयाँ ऋण लगानी गरेको छ ।
    अर्थ / व्यापार
    99    
  • कार्यक्रमको समीक्षा

    हेटौंडा, १४ पुसः नेपाल ग्रामीण पुनर्निर्माण संस्था (आरआरएन) ले सञ्चालन गरिरहेको कार्यक्रमको वार्षिक समीक्षा गरेको छ । जिल्ला समन्वय समिति मकवानपुरको सभाकक्षमा बिहीबार जिल्ला समन्वय समितिकी उपप्रमुख भगवती पुडासैनीको अध्यक्षतामा समीक्षा कार्यक्रम भएको हो । आरआरएनका कार्यक्रम अधिकृत भीम राईले वर्षभर सञ्चालित कार्यक्रमका बारेमा जानकारी गराउनुभएको थियो । किशोर/किशोरीलाई सशक्तीकरण गर्ने गरी आरआरएनले संवाद कार्यक्रम सञ्चालन गरेको छ ।
    समाज
    99     समाज संवाददाता
  • लक्ष्य भन्दा बढी राजस्व संकलन

    हेटौंडा, २५ असारः हेटौंडा उपमहानगरपालिकाले चालु आर्थिक वर्ष २०७४/७५ मा लक्ष्य भन्दा बढी आय संकलन गर्न सफल भएको छ । चालु आर्थिक वर्षको एक महिना अघि नै जेष्ठ मसान्तसम्ममा उपमहानगरपालिकाले लक्ष्य भन्दा २ दशमलव १९ प्रतिशत बढी राजस्व संकलन गरेको छ ।
    स्थानीय तह
    99     बिवश अधिकारी
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top