+०५७-५२६८३०, ९८५५०-६८२२७
logo
स्थानीय तह

मनहरीको आयव्यय ४० करोड ६० लाख



स्थानीय तह   229 पटक पढिएको   समाज संवाददाता     
मनहरीः मनहरी गाउँपालिकाले आर्थिक वर्ष २०७४/७५ का लागि आयव्यय विवरण प्रस्तुत गरेको छ । गाउँपालिकाले ४० करोड ६० लाख ८० हजार रुपैयाँ बराबरको बजेट प्रस्तुत गरेको छ । कुल बजेट मध्ये ३३ करोड ७० लाख ५९ लाख बजेट निकासा भएकोमा २१ करोड १७ लाख ९५ लाख हालसम्म खर्च विभिन्न विकास तथा अन्य खर्च भएको बताइएको छ ।

मनहरीको आयव्यय ४० करोड ६० लाख


विकास निर्माणमा १२ करोड ७२ लाख रुपैयाँ तथा प्रशासनिक तर्फ ८ करोड ५४ लाख २४ हजार रुपैयाँ प्रशासनिक कार्यमा खर्च भएको छ । गाउँपालिकाले १ सय ४३ वटा योजना निर्माणको क्रममा सबैभन्दा बढी सामाजिक विकासतर्फ २१ करोड ६१ लाख ५८ हजार बजेट विनियोजन गरिएको छ । चालु आर्थिक वर्षमा ५५ वटा योजना सम्पन्न गरिएको गाउँपालिकाले जनाएको छ । ५५ वटा योजना पूरा गर्न ६ करोड ३३ लाख ६५ हजार रुपैयाँ खर्च भएको आर्थिक प्रतिवेदनमा उल्लेख गरिएको छ । त्यसैगरी गाउँपालिकाले संस्थागत सेवा विकास र सुशासनतर्फ १३ वटा कार्यक्रमका लागि ४ करोड २१ लख ९३ हजार निकासी गरिएकोमा ९ वटा मात्र योजना तथा कार्यक्रम सम्पन्न गरिएको थियो ।

९ वटा कार्यक्रम सम्पन्न गर्ने क्रममा ३ करोड ५० लाख ५१ हजार खर्च भएको छ । मनहरी गाउँपालिकाले चालु आर्थिक वर्षको हालसम्ममा १ सय ३ वटा भौतिक योजना निर्माणमा सफलता हासिल गरेको जनाएको छ । हालसम्म ५१ वटा सडक स्तरीकरण तथा स्ल्याब ढलान सम्पन्न गरेको छ भने १६ वटा खानेपानीका योजना सम्पन्न गरिसकेको छ । भवन निर्माण ३ वटा, सिंचाई योजना १५ वटा र जल उत्पन्न योजना गरी १८ वटा निर्माण सम्पन्न भएको गाउँपालिकाले जनाएको छ । मनहरी गाउँपालिकाले विभिन्न ८ वटा योजनाहरुलाई ठुला योजनाको रुपमा राखेको छ । हाल गाउँपालिकाले केही ठुला योजनाहरुको विस्तृत परियोजना प्रतिवेदन (डीपीआर) तयार पारिसकेको छ भने केही ठुला योजनाहरुको खाका तयार भइसकेको प्रतिवेदनमा उल्लेख छ । गाउँपालिकाको आफ्ना प्रमुख योजनाहरुमा हाँडीखोलामा सडक निर्माणका लागि १ करोड रुपैयाँ, गाउँपालिकाको भवन निर्माणका लागि १ करोड २२ लाख रुपैयाँ, ४ स्थानमा खानेपानी तथा डिप बोरिङका लागि १ करोड २ लाख रुपैयाँ र कत्लेखोला पुल निर्माणका लागि गाउँपािलकाले ६२ लाख रुपैयाँ विनियोजन गरिएको गाउँपालिकाकी उपाध्यक्ष मनिला बिष्टले प्रस्तुत गर्नुभएको प्रतिवेदनमा उल्लेख गरिएको छ ।








सम्बन्धित शिर्षक समाचारहरु
  • योजना, बजेट र नागरिक सहभागिता

    केन्द्रिय र प्रदेश सरकारले नीति तथा कार्यक्रम र त्यसका लागि बजेट सार्वजनिक गरेका छन् । कतिपय प्रदेशमा त बजेट नै पारित भइसकेको छ । ३ नम्बर प्रदेशले पनि संसदमा पेश गरेको नीति तथा कार्यक्रम पारित भई अहिले बजेट माथिको छलफल भईरहेको छ । तर सरकारले पेश गर्ने योजना र बजेट विवादरहित हुन सेकेका छैनन् ।
    सम्पादकीय
    10     सम्पादकीय
  • उपमहानगरको शैक्षिक क्यालेण्डर तयार

    हेटौंडा, ८ असारः हेटौंडा उपमहानगरपालिकाको सामाजिक विकास महाशाखाअन्तर्गत शिक्षा शाखाले वार्षिक शैक्षिक क्यालेन्डर तयार पारेको छ । वार्षिक क्यालेन्डरमा परीक्षा मिति, परीक्षाको समीक्षा, अतिरिक्त क्रियाकलाप, प्रधानाध्यापकहरुको बैठक, अभिभावकबीच अन्तरक्रियाका कार्यक्रम तय गरेको छ ।
    शिक्षा
    6     सुनिता लोप्चन
  • फाइनलमा भुटनदेवी र आग्रा

    हेटौंडा, ८ असारः भुटनदेवी युवा क्लबको आयोजनामा जारी जुनियर भुटनदेवी सेभेन ए साईड फुटबल प्रतियोगिताको फाइनलमा आयोजक भुटनदेवी युवा क्लब ‘ए’ र आग्रा स्पोर्ट्स क्लब पुगेको छ ।
    खेलकुद
    11     समाज संवाददाता
  • जिल्लास्तरीय भलिबल आजबाट

    समाज संवाददाता हेटौंडा\६ असोज: केशवलाल श्रेष्ठ स्मृति जिल्ला स्तरीय भलिबलको दोश्रो संस्करण आजबाट हटियामा सुरु हुँदैछ । हटिया स्पोर्टस एकेडेमीको आयोजनामा हुने प्रतियोगिता ८ गतेसम्म सञ्चालन हुनेछ ।
    खेलकुद
    99    
  • मतदाताका लागि सुवर्ण अवसर

    सुरेन्द्र विष्ट सम्पूर्ण नगरबासीहरुमा नयाँ वर्ष २०७४ को शुभकामना । यो नयाँ वर्षले नेपालीहरुको काँधमा ठूलो जिम्मेवारीका साथ नयाँ वर्ष सुरु भएको छ । अब हामीले हाम्रो वडा, नगर र गाउँ कस्तो बनाउने भन्ने नयाँ वर्षले हाम्रो थकित काँधमा ठूलो भारी बोकाएको छ । अब हामीले हाम्रो पार्टी, हाम्रो मान्छे नभनिकन राम्रो पार्टी, राम्रो मान्छे खोज्नु पर्ने बेला भएको छ । किनभने हामीले प्रजातन्त्र प्राप्त पछि झण्डै तीस वर्ष हाम्रो मतदानबाट धेरै ठूला पार्टी भए, धेरै माननीय मन्त्री भए तर देशको अवस्था झन् बिग्रँदो र भ्रष्टाचारले व्याप्त भएको छ । हाम्रो जनशक्ति विदेश पलायन हुन बाध्य भएको छ । हाम्रो देशको युवायुवती खाडी मुलुकमा नोकर भएर बस्नु परेको छ । अझै दुख लाग्दो त दिनै पिच्छे २/३ जनाको लास आउने गरेको छ । हाम्रा कति चेली बलात्कारको शिकार भएका छन् ।
    विचार
    99    
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    989    
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top