+०५७-५२६८३०, ९८५५०-६८२२७
logo
विचार

राजनीतिः झुठको खेति, नाफाको व्यापार



विचार   35 पटक पढिएको        

सुदीप ढकाल राजनीतिक द्वन्द्वमा मारिने एउटा आत्मा स्वर्ग पुगेछ र भगवानलाई सोधेछ, ‘मान्छेले मान्छेलाई किन मार्छन् प्रभु ?’ भगवानः स्वार्थपूर्तिका लागि । आत्माः अनि मलाई मार्नेले के नै पायो र ? भगवानः सत्ता । तिमी जस्तालाई मार्ने सांसद, मन्त्री, प्रधानमन्त्री भैसके । कत्ति सम्पत्ति कमाई सके तिमीलाई थाहै छैन । आत्माः उनीहरुलाई कानुन लाग्दैन प्रभु ? उसले प्रश्न गर्न छाडेन । भगवानः कानुन त कमजोरलाई लाग्छ । बलियालाई के को कानुन ? कानुन पर्खाल जस्तै हो । पर्खाल भत्काउने साहस राख्नेको हाई हाई हुन्छ, कानुन लाग्दैन ।

ज्यान मुद्दाका कति आरोपी सांसद, मन्त्री भए । खुंखार अपराधी चुनाव लड्दै छन्, जितेका छन् । तिमी कानुनको कुरा गर्छौ भनेर भगवानले भन्नासाथ उ झल्याँस्स व्यूँझियो । यसरी विगतका राजनीतिक परिवर्तनका लागि ज्यान वलिदान दिने, घाईते तथा टुहुरा सबै झस्की रहन्छन् बेला–बेला ।

राजनीति सबै नीतिहरुको मियो हो । राजनीतिले सामाजिक, आर्थिक लगायत अन्य नीति बनाउने हो । मुलुकमा थिति बनाउने हो । तर राजनीति जनतामा भ्रम छर्ने उद्यम बनेको छ । आश्वासन बाँड्ने उद्योग बनेको छ । दलहरुका घोषणापत्र पढ्दा र नेताका भाषण सुन्दा लाग्छ योजनाहरु केवल भ्रम र झुटको पुलिन्दा हुन् । घोषणापत्रमा १० हजार मेगावाट विजुली निकाल्ने, मेट्रो रेल कुदाउने, शतप्रतिशत रोजगारी दिलाउने, सडक, यातायात, गाउँ–गाउँमा वाईफाईदेखि हावाबाट बिजुलीसम्मका प्रतिवद्धताहरु उल्लेखित छन् । तर विडम्वना उत्पादनको थालनी भएको शताब्दी नाघीसक्दा पनि एक हजार मेगावाट विद्युत उत्पादन गर्न सकिएको छैन । भूकम्प गएको अढाई वर्ष बितिसक्दा पनि पीडितहरु खुल्ला आकाशमुनी बस्न बाध्य छन् । सिमा क्षेत्रमा नेपालीहरु दिनदहाडै कुटिन्छन्, बलात्कृत हुन्छन् । नेताका ८८ किलो सुन नाकाबाट पास हुन्छन्, जनताका नाकका फुली समातिन्छन् । चुनाव नजिकिँदै जाँदा आश्वासनको वर्षात हुँदैछ । सुन्दा लाग्छ की भोली बिहान उठ्दा मुलुकै बदलिसकेको हुनेछ । जनतालाई सुरक्षाको ग्यारेन्टी गर्दै भाषण सकेर फर्कँदा उनकै गाडीलाई लक्षित गरी बम बारुद बर्सन्छ । नेता सुरक्षित हुन्छन्, सुरक्षाकर्मी सामान्य घाईते हुन्छन् । अनि भन्न मन लाग्छ, यो राजनीति हैन, लाजनीति हो ।

संघीयतामा कर्मचारी समायोजनका नाममा मात्रै मुलुकले आधा खर्ब खर्चनुपर्ने अवस्था छ । यस सम्बन्धमा चिन्ता कसैलाई छैन । सबै आफ्नो स्वार्थपूर्ति मै दगुरिरहेका छन् । अधिकांश मानिस यहाँ सूर्यमूखी फुल झैं भएको पाईन्छ । सूर्य शक्तिको स्रोत भएरै त होला, जो कोही सत्ता, शक्ति कै पछि दौडेको पाईन्छ । प्रत्येक पटक सत्ता परिवर्तन सूर्यमूखी फुल झैं फर्लक्क फर्केको देखिन्छ । त्यो पनि अर्काको इशारामा । मौका हेरी बाढीमा बगेको मुढा जस्तो यता–उता सत्ता र शक्ति कै वरपर घुमी रहने । सत्ताधारी स्वार्थको इशारामा नाच्ने र जनता भगवानभरोसामा बाँच्ने नियती नै छ । राजनीति नाफाको व्यापार बनेको छ । त्यो पनि बिना लगानीको । सत्ता प्राप्तीको म्युजिकल चेयरमा आफ्नो स्वाभिमान बिर्सिए । पुर्खाको रगत र पसिना बिर्सिए, वीरता बिर्सिए । सुस्ता बिर्सिए, नालापानी, कोशी, गण्डकी, महाकाली बिर्सिए । दार्जलिङ बिर्सिए । राजनीतिक व्यापार भयो । राजनीतिकर्मी नाफामा गए । घाटा व्यहोर्यो त केवल देशले, निमुखा जनताले ।

राष्ट्रिय आवश्यकतालाई भन्दा व्यक्तिगत स्वार्थलाई महत्वमा राखिन्छ । स्थानीय निकायको निर्वाचन सम्पन्न भई जनप्रतिनिधी चुनिसकेको अवस्थामा अझै राज्यले कोरेको खाका अनुरुप काम गर्न÷गराउन सरकार आफैं अलमलमा छ । कर्मचारी व्यवस्थापन दिनानुदिन चुनौतीपूर्ण बन्दैछ । चोरी, डकैती बढ्दो छ । मिसावट, कालोबजारी गर्न, मनपरी फि असुलेर निजी विद्यालय सञ्चालन गर्न, निजी अस्पताल खोल्न, नक्कली डाक्टर बन्न, कार्टेलिङ÷सेण्डिकेट चलाउन पाउनुपर्छ भनेर बुलन्द आवाज निस्किन्छ र हाम्रो राजनीति त्यस्तालाई संरक्षण गर्न तिर अभिप्रेरित हुन्छ । भै राखेकै छ । ईमान, जमान हुनेले परिश्रमले कमाउँछ । उसलाई बाँच्नै मुस्किल छ । जसले बदमासी गर्छ, ठगी गर्छ, उसले राजनीतिक दल र नेतालाई चन्दा दिन्छ तसर्थ यहाँ नगद छाडेर उधारो तिर लाग्ने कोही भेटिँदैन । समानुपातिक सांसदले बुझाएको भनी सुनिने मोेटो रकमले पद सिर्जनाको अर्थ र राजनीति बिना लगानीको नाफाको व्यापार कसरी भयो भन्ने प्रष्ट हुन्छ ।

सत्ताको दौडमा सफल हुन अनेकन चाल रचिन्छ । कानुन निर्माण उनैले गर्छन् । न उनलाई सम्पत्ति शुद्धीकरण लाग्छ, न कानुन नै । लोकतन्त्रमा जनता सर्वोपरी हुन्छन् । देश जनताको हो र राजनीति जनताकै लागि गरिने हो । तर यहाँ नेता मालिक हुन्छन्, जनता नोकर । राज्यको ढुकुटी पैतृक सम्पति ठानिन्छ, मिलिजुली बण्डा गर्ने । भागबण्डा नमिल्दा मात्र खिचातानी सतहमा सुनिने हुन, मिल्दा सबै एकजुट । सुन्दा तितो लाग्छ तर यथार्थ यही हो ।

राजनीतिक दल, नेता तथा कार्यकर्ताहरुले आफ्नो विवेक व्यक्तिगत स्वार्थ भन्दा मुलुकको समृद्धितर्फ प्रयोग गरेका भए आज नेपाल साँच्चैको समृद्ध बनिसक्ने थियो । अथाह सम्भावना बोक्दा बोक्दै पनि यो मुलुक निर्माण हुन नसक्नुको कारण नै स्वार्थ निहित राजनीति हो । मुलुक लाई सधैं संक्रमणकालमा राखी पद तथा कुर्सीको मोल–मोलाई गर्ने परिपाटीको अन्त्य हुनैपर्छ । विदेशिएका युवा फर्किएर यहिँ रमाउन सक्ने वातावरण सिर्जना गरिनुपर्दछ । रोजगारी खोज्न भन्दा सतही राजनीतितर्फ उत्पे्ररित देखिन्छन् अहिलेका पुस्ता । कारण, बिना लगानीको नाफाको व्यापार नै हो । न लगानी डुब्ने डर, न भविष्यको चिन्ता नै । तर व्यक्तिगत स्वार्थ छाडी मुलुकको समृद्धि चाहने हो भने पनि राजनीति नाफा कै व्यापार हो । व्यक्तिगत नभई राष्ट्रिय नाफा । लगानी सहितको नाफा । लगानी सद्विचार र सद्विवेकको हुन्छ । लाभान्वित मुलुक हुन्छ, लाभान्वित हुन्छन् दुरदराजसम्मका जनता ।






सम्बन्धित शिर्षक समाचारहरु
थाइराईड बारे सचेतना आवश्यक
सामुदायिक विद्यालयप्रति समुदायको बढ्दो चासो
सामुदायिक विद्यालय सुधारमा मेयरको कदम र चुनौती
चन्द्रपुर सार्वजनिक शौचालय विहिन
‘युरोपियन युनियनको नेपालमाथि गैरकानुनी हस्तक्षेप’
कमजोर नेपाल पत्रकार महासंघ
मकवानपुरका खोला–बगर तिम्रा बाउका बिर्ता हुन् ?
आधुनिक युगमा अभिभावकत्व अवसर कि चुनौति ?
दुव्र्यसन रोग सम्बन्धी जानकारी
राजनीतिः झुठको खेति, नाफाको व्यापार



  • मुख्यमन्त्री कार्यालयको वेबसाईट सञ्चालनमा

    हेटौंडाः ३ नम्बर प्रदेशको मुख्यमन्त्री तथा मन्त्री परिषदको कार्यलयले बिहिबारबाट आधिकारिक वेबसाईट सञ्चालनमा ल्याएको छ । बिहिबार एक कार्यक्रमको आयोजना गरी प्रदेशका मुख्यमन्त्री डोरमणि पौडेलले वेबसाईटको शुभारम्भ गर्नुभएको छ । मुख्यमन्त्री तथा मन्त्रीपरिषद कार्यालयको वेबसाइट ocmcm.p3.gov.np रहेको छ ।
    राजनीति
    5     समाज संवाददाता
  • अन्तरजातीय ११ जोडी सम्मानित

    हेटौंडाः अन्तरजातीय विवाह गर्ने हेटौंडाका ११ जोडीलाई बिहिबार सम्मान गरिएको छ । समाजमा रहेकोे कुरीति विरुद्ध सशक्त कदम चालेको भन्दै अन्तरजातीय जोडीलाई सम्मान गरिएको हो । उपेक्षित सामुदायिक विकास मञ्चको आयोजना तथा हेटांैडा उपमहानगरपालिकाको सहयोगमा सम्मानपत्रसहित ढाका टोपी र दोसल्ला ओढाएर सम्मान गरिएको थियो ।
    समाज
    5     समाज संवाददाता
  • बजेटको सिलिङप्रति वडा अध्यक्षहरु असन्तुष्ट

    हेटौंडाः हेटौंडा उपमहानगरपालिकाले आगामी आर्थिक वर्ष २०७५/०७६ को लागि वडाहरुमा १६ करोड ७५ लाख बराबरको सिलिङ तोकेर पठाएको छ । उपमहानगरपालिकाले १९ वटा वडामा आगामी आर्थिक वर्षको लागि ७० लाखदेखि १ करोड रुपैयाँसम्मको सिलिङ तोकेर पठाएको छ । वडाले सोहि बजेटको सिलिङ भित्र रहेर योजना तथा कार्यक्रमहरु सम्पन्न गर्नुपर्ने हुन्छ ।
    स्थानीय तह
    30     समाज संवाददाता
  • सम्पादकीय, समुदायकै सक्रियतामा पुस्तकालय

    १७, भदौ समय जत्ति नै आधुनिक बन्दै गए पनि ज्ञानको अभावमा समाज आधुनिक बन्नै सक्दैन । ज्ञान आर्जन गर्नु भनेको व्यक्तिले आफ्नो व्यक्तित्व विकासको आधार तयार पार्नु हो । हरेक व्यक्ति सफल र सक्षम बन्न चाहन्छ तर, तयारी के गर्छ त भनेर हेर्ने हो भने तयारी गर्ने विषय केही पनि छैन । सक्षम र सफल व्यक्ति बन्नका लागि शिक्षा अनिवार्य छ ।
    विचार
    99    
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    984    
  • गाँजासहित २ जना पक्राउ

    हेटौंडा, ११ मंसिरः मकवानपुरका प्रहरी टोलिले ४० किलोग्राम लागुऔषध गाँजासहित कैलाश गाउँपालिकामा २ जनालाई शनिबार पक्राउ गरेको छ । प्रहरी चौकी डाँडाखर्कबाट खटिएको प्रहरी टोलीले गस्ती गर्दै जाने क्रममा कैलाश गाउँपालिका–६, ठुलोबेसीमा स्थानीयबासी ५१ वर्षीय बच्चुराम रिजाल र १८ वर्षीय रुपक बराललाई गाँजासहित पक्राउ गरेको जिल्ला प्रहरी कार्यालय मकवानपुरले जनाएको छ ।
    अपराध
    98     समाज संवाददाता
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top