+०५७-५२६८३०, ९८५५०-६८२२७
logo
अन्तर्वार्ता

‘सामूहिक कार्यलाई सशक्त बनाउने छु’



अन्तर्वार्ता   281 पटक पढिएको   सुरेश श्रेष्ठ/यमप्रसाद तिमल्सिना     

वीरवंश बैठा, प्रधानाध्यापक, आधुनिक राष्ट्रिय मावि १३ पटक एसएलसी/एईई परीक्षामा जिल्ला प्रथम हुन सफल हेटौंडा–४ स्थित आधुनिक राष्ट्रिय माविलाई शिक्षा विभागले देशका २२० नमूना विद्यालयलाई नमूना विद्यालय बनाउने कार्यक्रममा समावेश गरेको छ । नमूना विद्यालयको सूचिमा समावेश भएको आधुनिक राष्ट्रिय माविको प्रधानाध्यापक (प्रअ) को जिम्मेवारी केही दिनअघि मात्रै वीरवंश बैठाले प्राप्त गर्नुभएको छ । २३ वर्षदेखि आधुनिकमा शिक्षण गर्नुभएका बैठा यसअघि लगातार ५ वर्ष सहायक प्रधानाध्यापक हुनुहुन्थ्यो । प्रधानाध्यापकको जिम्मेवारी सम्हाल्नु भएका वीरवंश बैठासँग समृद्ध समाज दैनिकका सम्पादक सुरेश श्रेष्ठ र संवाददाता यमप्रसाद तिमल्सिनाले गरेको कुराकानीः

बैठाः पहिलो त शिक्षण क्रियाकलाप नै हो । शिक्षण विधिमा सुधार गर्छौं । अध्यापनमा आधुनिक सूचना प्रविधिको प्रयोग गरेर शिक्षण अभ्यास गरिनेछ । सूचना प्रविधिको प्रयोग गरेर प्रभावकारी शिक्षणका लागि शिक्षकहरुलाई तालिम समेत प्रदान गर्नेछौं । शिक्षकलाई अझ जिम्मेवार बनाउन विद्युतीय हाजिरी गराउनेछौं । शिक्षा विभागले देशभर नमूना विद्यालय विकास गर्ने अवधारणामा आधुनिकलाई पनि छनौट गरेको छ । सोही अनुसार नमूना विद्यालय बनाउनु मेरो प्रमुख प्राथमिकता हुनेछ । मैले प्रअको जिम्मेवारी पाएसँगै सबै शिक्षक, कर्मचारीसँग बसेर सरसल्लाह गरेको छु ।


समाजः सहायक प्रअ हुँदै प्रधानाध्यापक हुनुभएको छ । नेतृत्व गरिरहँदा शिक्षक, कर्मचारीको समूहलाई कसरी परिचालन गर्नुहुनेछ ?

बैठाः सहायक प्रअ हुँदा पनि मेरो जिम्मेवारी गुणस्तरीय शिक्षा व्यवस्थापनकै जिम्मेवारी पाएको थिएँ । अब त गुणस्तरीय शिक्षा मात्रै नभएर सबै कुरा हेर्नुपर्नेछ । विद्यालय भनेको सामूहिक कार्य (टिम वर्क) हो । विद्यालयको सामूहिक कार्यलाई सशक्त बनाउने पक्षमा छु । शिक्षक, कर्मचारी सबैलाई कार्यविभाजन गर्ने, उत्तरदायी बनाउने योजना छ । अहिले हाम्रो विभिन्न ५ वटा समिति छ । अब आगामी शैक्षिकसत्र देखि कक्षागत रुपमा शिक्षकहरुलाई जिम्मेवारी दिनेछु । शिक्षकलाई आफ्नो कक्षा कोठाकोे जिम्मेवारी दिने र अभिभावकले पनि आफ्नो बच्चा बच्चीको बारेमा बुझ्न आउँदा सिधै वर्ग शिक्षकलाई भेट्ने व्यवस्था मिलाउने र वर्ग शिक्षकलाई नै त्यो सबै जिम्मेवारी दिने व्यवस्था मिलाउनेछु । २ हजार विद्यार्थीका बारेमा एकजना प्रअले त थाहा पाउने स्थिति हुँदैन । त्यसैले थोरै भए पनि शिक्षकलाई सुविधा दिएर व्यवस्थापन गर्नेछु । विद्यार्थीको होमवर्कका लागि डायरीको व्यवस्था गराउने, कक्षा शिक्षकलाई विद्यार्थीको व्यक्तिगत विवरण नै राख्न लगाउने र हरेक महिनाको हाजिरी बुझेर अभिभावक कहाँ पठाउने व्यवस्था मिलाउने र शिक्षक कक्षाकोठामा पुगेनपुगेको र विद्यार्थीले बुझे, नबुझेको यसका लागि ‘लगबुक’ को व्यवस्था गर्ने जसमा विद्याथीले आफ्नो प्रतिक्रिया जनाउन सक्नेछन् । शिक्षकले विद्यार्थीको उपस्थितिलाई हेर्ने मात्रै नभई विद्यार्थीले पनि आफ्ना शिक्षकको उपस्थितिको हाजिरी राख्नेछन् । 


समाजः आधुनिकमा विद्यार्थीको चाप उच्च छ । विद्यार्थीको चापअनुसार शिक्षक भएन भन्ने गुनासो पनि छ । यसलाई कसरी व्यवस्थापन गर्ने सोच्नु भएको छ ?

बैठाः विद्यार्थीको संख्याको हिसाबमा नमुना विद्यालयको निर्देशिकाअनुसार आधुनिक माविलाई ६६ जना शिक्षक अभाव हुने देखिन्छ । अहिले हामीसँग जम्मा ३४ जना शिक्षक हुनुहुन्छ । १२ जना हामीले निजी स्रोतमा राखेका छौं । यस वर्षदेखि हाम्रो विद्यालय नमुना विद्यालयमा परिसकेको छ । जुन २२० वटा विद्यलयमा हाम्रो विद्यालय पनि परेको छ । नमुना विद्यालयको गुरुयोजना बनाएर आज (मंगलबार) मात्र विभागमा पठाएका छौं । त्यो दर्ता भइसकेको छ । यदि त्यो स्वीकृत भएर आयो भने शिक्षकको अभाव सम्बन्धी समस्या हाम्रो सुल्झिन्छ । यदि नमूना विद्यालयको कार्यक्रम स्वीकृत भएन भने जिल्ला शिक्षा कार्यालयमा हामीले प्रस्ताव पेश गरिसकेका छौं । जसअनुसार हामी विद्यालयलाई २ सिफ्टमा चलाउने व्यवस्था मिलाउने छौं । टाइम टेबल बढाएर दुई सिफ्ट चलाउन सकिन्छ । स्थानीय तह, व्यवस्थापन समिति, अभिभावक, स्थानीय सरोकारवालासँग मिलेर दुई सिफ्टमा विद्यालय चलाउन सकिन्छ ।


समाजः तुलनात्मक हिसाबले अरु विद्यालय भन्दा यो विद्यालय राम्रो हुनुको कारण के–के हुन् ?

बैठाः मुल कुरा त शिक्षक टिम हो । टिमवर्क हो छ । अर्को एउटा विशेष कुरा हाम्रो विद्यालयमा सकारात्मक राजनीतिक अभ्यास छ । नकारात्मक हस्तक्षेप छैन । प्राज्ञिक कुरामा हामीलाई छाड्नुस् । भौतिक तथा अन्य क्षेत्रमा व्यवस्थापन समिति, पीटीएलाई सहयोग गर्नुहोस् भन्छौं । शिक्षकलाई भर्ना गर्ने, सरुवा गर्ने, हेडमास्टर बनाउनेतर्फ नलाग्नोस् भन्ने गरेका छौं । सोहीअनुसार काम भएको छ ।


समाजः विद्यालय व्यवस्थापन समिति र पीटीए एवम् समग्रमा अभिभावकको तर्फबाट कस्तो सहयोगको अपेक्षा गर्नुहुन्छ ?

बैठाः व्यवस्थापन समितिका पदाधिकारीहरु बेलाबेलामा आईरहनुहुन्छ । शिक्षक अभिभावक संघका अध्यक्ष पनि आईरहनुहुन्छ । तर विद्यालयमा अभिभावकको त्यति पहुँच छैन । सहयोग शुल्क तिर्न आउने, कि त यसो कहिलेकाहीं मेरो छोराछोरी आएका छन् की छैनन् भनी बुझ्न आउने बाहेक अरु छैन । तर अब म बैशाखदेखि प्रत्येक शनिबार अभिभावकलाई बोलाउने, उहाँहरुसँगै म कक्षाकोठाको अवलोकन गर्नेछु । अभिभावकलाई विद्यालयको कमजोरीको बारेमा मुल्याङ्कन गर्न लगाउने छु । यो वैशाखदेखि केहि न केही नयाँ कुरा देखिन्छ भन्ने मलाई आशा छ ।


समाजः आगामी शैक्षिकसत्रमा पठनपाठनलाई फरक ढङ्गले लैजान के अभ्यास हुन सक्छ ?

बैठाः विद्यार्थी संख्या बढि भएकोले विज्ञान प्रयोगशाला, कम्प्यूटर ल्याव भएर पनि प्रयोग गर्न कठिनाई छ । अब यसलाई कम गर्ने भन्दा पनि विद्यार्थीको चाप झन् बढिरहेको छ । सबैले यहि भर्ना गर्ने भन्दै अहिले देखि नै सोधपुछ गर्न आईरहेका छन् । त्यसलै यसलाई झन व्यवस्थित गर्दै लैैजाने र समुह बनाएर भएपनि यसबाट बञ्चित हुन नदिने र हरेक विद्यार्थीलाई प्रयोगशाला लाने व्यवस्था मिलाउने काम हामी गर्छौं । हरेक विद्यार्थीलाई हप्तामा एकपल्ट भएपनि पुस्तकालय जाने, विज्ञान प्रयोगशाला, कम्प्युटर प्रयोगशाला जाने वातावरण बनाउने छु । शनिबार मिलाएर भएपनि यो व्यवस्था हामी मिलाउनेछौं । यो काममा यहाँका अभिभावक, सरोकारवाला एवम् सम्पूर्णले सहयोग गर्ने अपेक्षा राखेको छु ।


समाजः अंग्रेजी माध्यमको कक्षा सञ्चालन भइसकेको छ । विद्यार्थीसँग सहयोग शूल्क पनि लिइरहनुभएको छ । यसको पारदर्शिता कायम गर्नु भएन नि ?

बैठाः म प्रअ भएको त केही दिन मात्रै भएको छ । मेरो नाममा चेक समेत चलेको छैन । अब म चौमासिक रुपमा लेखा परीक्षण गर्नेछु । विद्यालयको वेभसाइट एकसाताभित्र सञ्चालनमा आउनेछ । वेभसाइटमै सबै विवरण प्रस्तुत गर्नेछौं । जहाँ हामी शुभचिन्तकका प्रतिक्रिया समेत पाउनेछौं ।






सम्बन्धित शिर्षक समाचारहरु
‘सामूहिक कार्यलाई सशक्त बनाउने छु’
शिक्षालाई सेवाको रुपमा हेर्नुपर्दछ
बेचबिखन रोक्न जनचेतना आवश्यक
‘फुटबल पतनको बाटोतर्फ’
जनमत पार्टी एकताको पक्षमा ःसिग्देल
‘हाम्रा एजेन्डा बकम्फुसे छैनन्’
खेलाडीलाई अवसर सिर्जना गर्छु
‘निरन्तरता नै सफलता हो’
‘एमबीएको पाठ्यक्रम तयार पार्दैछौं’
‘जागिर भन्दा पनि सेवाको भाव जरुरी’



  • कांग्रेसद्वारा सभा अवरुद्ध/ प्रतिपक्षीद्वारा सरकारको आलोचना

    हेटौंडा, ४ साउनः नेपाली कांग्रेसले बिहिबार ३ नम्बर प्रदेश सभा अवरुद्ध गरेको छ । प्रमुख प्रतिपक्षी दल नेपाली कांग्रेसका नेता ईन्द्रबहादुर बानियाँले विशेष समयमा बोल्दै आफ्नो पार्टीले राखेका माग पूरा गर्न दबाव दिँदै संसद अवरुद्धको घोषणा गर्नुभएको थियो । बिहीबारको प्रदेशसभा बैठकमा प्रदेश राजधानी सम्भाव्यता अध्ययन विशेष समितिको प्रतिवेदन पेस हुने कार्यसूची थियो ।
    राजनीति
    108     प्रकाश दाहाल
  • पङ्खा र नगद सहयोग

    हेटौंडा, ४ साउनः मकवानपुरगढी गाउँपालिका ३ को ज्वालादेवी आधारभुत विद्यालयलाई नारी संरक्षण केन्द्र (डब्लुपीसी) ले पङ्खा र नगद सहयोग गरेको छ ।
    शिक्षा
    6     समाज संवाददाता
  • डा. गोविन्द केसी प्रकरण/ हेटौंडामा विरोधसँगै सेवा पनि

    हेटौंडा, ४ साउनः अनशनरत डा. गोविन्द केसीको माग सम्बोधन गर्न सरकार तत्पर नदेखिएको भन्दै हेटौंडा अस्पतालमा चिकित्सकहरुले विरोध जनाएका छन् ।
    स्वास्थ्य
    5     समाज संवाददाता
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    996    
  • क्लासिक टेकको अफर

    हेटौंडा, २७ कात्तिकः इन्टरनेट सेवा प्रदायक क्लासिक टेकले घरायसी उपभोक्ताका लागि सुपथ मूल्य अफर ल्याएको छ । क्लासिक टेकले “काईदा छ, फाईदा छ” अफर बजारमा ल्याएको जनाएको छ ।
    अर्थ / व्यापार
    99     समाज संवाददाता
  • ५० भन्दा बढि हिरासतमा

    हेटौंडा, २० मंसिरः विभिन्न अभियोगमा प्रहरीले पक्राउ गरेका मंगलबारसम्म ५० जना भन्दा बढि हिरासतमा रहेका छन् । आज बुधबार केहि हिरासतमुक्त भए तापनि मतदानको दिनमा ५० भन्दा बढि हिरासतमै रहने प्रहरी उपरीक्षक विकास राज खनालले जानकारी दिनुभयो । हिरासतमा रहनेहरु मतदानको अवसरबाट बञ्चित हुनेछन् ।
    अपराध
    99     समाज संवाददाता
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top