+०५७-५२६८३०, ९८५५०-६८२२७
logo
विचार

‘युरोपियन युनियनको नेपालमाथि गैरकानुनी हस्तक्षेप’



विचार   7 पटक पढिएको   मोहन प्रसाद ढकाल     

अन्तराष्ट्रिय कानुन अनुसार प्रष्ट छ– नेपाललाई स्वतन्त्र राष्ट्रको हैसियतले आफ्नो संविधान बनाउने, त्यस संविधानमा कस्तो राजनीतिक व्यवस्था स्थापित गर्ने र राज्यको ढाँचा कस्तो बनाउने जस्ता कुरा आफैले निर्णय गर्ने स्वयं सिद्ध अधिकार छ । नेपालले यस्तो अधिकार प्रयोग गर्दा कुनै राष्ट्रिय तथा अन्तराष्ट्रिय तत्वले हस्तक्षेप गर्न सक्दैन तर गत हप्ता मात्रै युरोपियन युनियनको प्रतिवेदनले नेपालको संविधानमा खोट देखाइ जुन आफ्नो असली रुप प्रस्तुत ग¥यो त्यसबाट प्रष्ट हुन्छ की कति हद सम्म युरोपियन युनियनको नेपाल मिसनको उद्देश्य ।

एउटा सार्वभौमसत्ता सम्पन्न मुलुकमा यसरी दुई तिहाइ जनप्रतिनिधिद्वारा बनाइएको संविधान माथि प्रश्न गर्नु अन्तराष्ट्रिय कानुन विपरीत हो । युरोपियन युनियन केवल विकासको नाममा धमै प्रचार गर्ने, जातीय मुद्दा उठाई दंगा फैलाउने र अशान्ति कायम गरी आफ्नो उपस्थिती जनाई खोज अनुसन्धान गरी बलियो र आफू अनुकूल व्यवस्था लागु गर्ने उद्देश्यका साथ नेपाल छिरेका छन् र ती उद्देश्य पुरा नभएपछि पछिल्लो प्रतिवेदनमा उनीहरुले रोष प्रकट गरेका छन् ।

नेपालको संविधानमा गरेको जनसंख्याका प्रत्येक भाषिक तथा धार्मिक, सांस्कृतिक समुहको उनीहरुको जनसंख्याको अनुपात, समानुपातिक समावेशीकरणको व्यवस्था माथि गरिएको आपत्ति ती समुह मध्ये यस अघिको समावेशीकरण खारेज गर्नुपर्ने युरोपियन युनियनको कथित सुझाव अन्तराष्ट्रिय कानुन विपरीत छ । यस प्रतिवेदनले नेपालको राष्ट्रिय सार्वभौमसत्ता र राजनीतिक स्वतन्त्रता माथि दखल दिएको छ । यस सुझावले नेपालको राष्ट्रिय एकता, सामाजिक सद्भाव र राष्ट्रिय अखण्डता विरुद्ध चुनौती सिर्जना गर्ने र नेपाली समाजको शान्ति र स्थायित्व माथि समेत घात गर्ने कार्य गरेको छ ।

नेपालको संविधान जारी भएयता कार्यान्वयन नगराउन धेरै दबावको कार्य हुँदै आएका छन् । यति हुँदा हुँदैपनि संविधान जारी भयो । सबै तहको निर्वाचन सम्पन्न भइसकेपछि युरोपियन युनियनको प्रतिवेदनमा नेपालमा स्वतन्त्र रुपमा निर्वाचन नभएको र सबैको प्रतिनिधित्व नभएको खस आर्यलाई समावेशीबाट हटाउ भन्ने दबावले पनि प्रष्ट हुन्छ की कति हद सम्म नेपालमा उसले आफ्नो सक्रियता बढाएको छ ।

यसरी आफ्नो सक्रियता बढाउनुमा एकमात्र उद्देश्य भनेको विश्वको उदयमान ठूलो अर्थतन्त्र भएको मुलुक चीनमा अनुगमन नेपालबाट गर्न र नेपालको हिन्दु धर्म संस्कृतिलाई आक्रमण गरी इसाइकरण गर्नु हो । आखिर युरोपियन युनियन नेपालबाट के चाहान्छ ? यसमा शंका गर्नुपर्ने अवस्था छ । युरोपियन युनियन अन्ततः अस्थिरतालाई बढावा दिन खोज्दै छ भन्ने धारणा प्रवल हुन पुग्दैछ । तिब्वत बारे युरोपियन राष्ट्रहरुको अत्यधिक चासो सर्व विदितै छ । साथ साथै नेपालको तराई–मधेशमा आन्दोलनको अभियानलाई हाव भर्न र त्यसलाई उक्साउने कार्य समेत गरेको थियो र यहि अवस्था रहे सिके राउत जस्ता विखण्डनकारी तत्वलाई उचाली जातीय र साम्प्रदायिक द्वन्द्वमा नेपाललाई फसाउने दाउमा युरोपियन युनियन रहेको स्पष्टै छ ।

युरोपियन युनियनले सार्वजनिक गरेको भड्काउवादी प्रतिवेदनमा नेपाल सरकारको गम्भिर ध्यानाकर्षण भएको र यसमा असहमति भएको प्रष्ट पार्दा पार्दै पनि प्रतिवेदन सच्याएर निर्वाचनको विषयमा मात्र केन्द्रित भई अर्को प्रतिवेदन सार्वजनिक गर्ने कार्यलाई बढाइएन । बरु नेपाल सरकारको बिमतिलाई चुनौतीको विषय बनाएर आफूले सार्वजनिक गरेको भड्काउवादी प्रतिवेदन नै ठीक छ भनि हठ कायम राखियो । यो भनेको एउटा स्वतन्त्र राष्ट्रलाई ठाडो हस्तक्षेपको चुनौती दिएको मानिनु पर्दछ । त्यसको लागि नेपाल सरकारले थप अन्य पाइला चाल्न आवश्यक छ । नेपालका सन्दर्भमा यस्ता खाले हस्तक्षेप गर्ने विषयमा युरोपियन युनियन त एउटा प्रतिनिधि उदाहरण मात्र हो । युरोपियन युनियन देखि बाहेक अन्य वैदेशिक शक्तिहरुले पनि बेला बेलामा नेपालको आन्तरिक मामिलामा हस्तक्षेप गर्दै आएका छन् । तिनीहरुको यस्तो क्रियाकलापले साना विकासशील मुलुकहरुमा विश्वव्यापी रुपमा भएका र मानि आएका सन्धि, अभिसन्धि र अन्तराष्ट्रिय मूल्यमान्यताहरु खाली विश्वका शक्तिशाली राष्ट्रहरुका लागि मात्र छन् कि विश्वका सबै राष्ट्रहरुका लागि समान छन् भन्ने प्रश्नलाई शंकाको घेरामा पारेको छ । 

युरोपियन युनियनले सार्वजनिक गरेको भड्काउवादी प्रतिवेदनलाई लिएर जुन रुपमा जनता, सरकार र दलहरु एकै स्थानमा उभिइ, यस किसिमको बाहिरी हस्तक्षेपकारी कार्यलाई निरुत्साहि पार्न आवश्यक छ । साथै कानुनी शासनको अनुभुति दिने हो भने विभिन्न बैदेशिक नियोग लगायत अन्तराष्ट्रिय गैरसरकारी संस्था अनि विभिन्न देशका राजदुतहरुद्वारा आ–आफ्नो स्वार्थ अनुकूल चालिने गाटीहरुलाई निस्तेज पार्नु जरुरी छ । यस्ता खालका हैकमवादी प्रतिवेदनको रुपमा यसलाई लिन सकिन्छ । जातीय सद्भाव खलल पार्ने अनि त्यसमा रमाउने र परियोजना चलाउने बानी परेको युरोपियन युनियनको यो गतिविधि नेपाली जनताको लागि स्वीकार्य हुने छैन । यस्ता हर्कत गर्न नछोडे युरोपियन युनियनलाई सधैंको लागि नेपालबाट निकाल्न नेपाल सरकार र जनताले आँट पु¥याउन जरुरी देखिन्छ ।

(लेखक मकवानपुर बहुमुखी क्याम्पसमा पुस्तकालय अधिकृत पदमा कार्यरत हुनुहुन्छ ।)  






सम्बन्धित शिर्षक समाचारहरु
थाइराईड बारे सचेतना आवश्यक
सामुदायिक विद्यालयप्रति समुदायको बढ्दो चासो
सामुदायिक विद्यालय सुधारमा मेयरको कदम र चुनौती
चन्द्रपुर सार्वजनिक शौचालय विहिन
‘युरोपियन युनियनको नेपालमाथि गैरकानुनी हस्तक्षेप’
कमजोर नेपाल पत्रकार महासंघ
मकवानपुरका खोला–बगर तिम्रा बाउका बिर्ता हुन् ?
आधुनिक युगमा अभिभावकत्व अवसर कि चुनौति ?
दुव्र्यसन रोग सम्बन्धी जानकारी
राजनीतिः झुठको खेति, नाफाको व्यापार



  • मुख्यमन्त्री कार्यालयको वेबसाईट सञ्चालनमा

    हेटौंडाः ३ नम्बर प्रदेशको मुख्यमन्त्री तथा मन्त्री परिषदको कार्यलयले बिहिबारबाट आधिकारिक वेबसाईट सञ्चालनमा ल्याएको छ । बिहिबार एक कार्यक्रमको आयोजना गरी प्रदेशका मुख्यमन्त्री डोरमणि पौडेलले वेबसाईटको शुभारम्भ गर्नुभएको छ । मुख्यमन्त्री तथा मन्त्रीपरिषद कार्यालयको वेबसाइट ocmcm.p3.gov.np रहेको छ ।
    राजनीति
    5     समाज संवाददाता
  • अन्तरजातीय ११ जोडी सम्मानित

    हेटौंडाः अन्तरजातीय विवाह गर्ने हेटौंडाका ११ जोडीलाई बिहिबार सम्मान गरिएको छ । समाजमा रहेकोे कुरीति विरुद्ध सशक्त कदम चालेको भन्दै अन्तरजातीय जोडीलाई सम्मान गरिएको हो । उपेक्षित सामुदायिक विकास मञ्चको आयोजना तथा हेटांैडा उपमहानगरपालिकाको सहयोगमा सम्मानपत्रसहित ढाका टोपी र दोसल्ला ओढाएर सम्मान गरिएको थियो ।
    समाज
    5     समाज संवाददाता
  • बजेटको सिलिङप्रति वडा अध्यक्षहरु असन्तुष्ट

    हेटौंडाः हेटौंडा उपमहानगरपालिकाले आगामी आर्थिक वर्ष २०७५/०७६ को लागि वडाहरुमा १६ करोड ७५ लाख बराबरको सिलिङ तोकेर पठाएको छ । उपमहानगरपालिकाले १९ वटा वडामा आगामी आर्थिक वर्षको लागि ७० लाखदेखि १ करोड रुपैयाँसम्मको सिलिङ तोकेर पठाएको छ । वडाले सोहि बजेटको सिलिङ भित्र रहेर योजना तथा कार्यक्रमहरु सम्पन्न गर्नुपर्ने हुन्छ ।
    स्थानीय तह
    30     समाज संवाददाता
  • सम्पादकीय, समुदायकै सक्रियतामा पुस्तकालय

    १७, भदौ समय जत्ति नै आधुनिक बन्दै गए पनि ज्ञानको अभावमा समाज आधुनिक बन्नै सक्दैन । ज्ञान आर्जन गर्नु भनेको व्यक्तिले आफ्नो व्यक्तित्व विकासको आधार तयार पार्नु हो । हरेक व्यक्ति सफल र सक्षम बन्न चाहन्छ तर, तयारी के गर्छ त भनेर हेर्ने हो भने तयारी गर्ने विषय केही पनि छैन । सक्षम र सफल व्यक्ति बन्नका लागि शिक्षा अनिवार्य छ ।
    विचार
    99    
  • विद्यालयमा बाध्य बनाइँदै क्रिसमस

    समाज संवाददाता हेटौंडाः भोलि सोमबार क्रिसमस मनाइँदैछ । नेपालमा पनि क्रिस्चियन धर्मावलम्बीहरुको संख्या उल्लेख्य वृद्धि भइरहेको छ । वर्षकै महत्वपूर्ण पर्वको रुपमा मनाइने क्रिसमस क्रिस्चियन समुदायले विशेष धार्मिक आस्थाका आधारमा मनाउने गरेका छन् । तर, मकवानपुरका केही निजि विद्यालयले क्रिस्चियन समुदायको धार्मिक पर्वलाई बाध्य बनाउने प्रयास गरिरहेको छ । विद्यार्थीलाई व्यवहारिक शिक्षा दिने नाममा धर्मको गैरकानुनी रुपमा धर्म प्रचार, धार्मिक अभ्यास गराउने प्रयास भइरहेको छ ।
    समाज
    984    
  • गाँजासहित २ जना पक्राउ

    हेटौंडा, ११ मंसिरः मकवानपुरका प्रहरी टोलिले ४० किलोग्राम लागुऔषध गाँजासहित कैलाश गाउँपालिकामा २ जनालाई शनिबार पक्राउ गरेको छ । प्रहरी चौकी डाँडाखर्कबाट खटिएको प्रहरी टोलीले गस्ती गर्दै जाने क्रममा कैलाश गाउँपालिका–६, ठुलोबेसीमा स्थानीयबासी ५१ वर्षीय बच्चुराम रिजाल र १८ वर्षीय रुपक बराललाई गाँजासहित पक्राउ गरेको जिल्ला प्रहरी कार्यालय मकवानपुरले जनाएको छ ।
    अपराध
    98     समाज संवाददाता
सम्पर्क
समृद्ध समाज दैनिक
मानसचोक, हेटौंडा-२, मकवानपुर
०५७-५२६८३०
URL: www.samridhasamaj.com.np
Email: sambridhasamaj@gmail.com

हाम्रो समुह
सुरेश श्रेष्ठ, सम्पादक, ९८५५०-६८२२७
अमृत चिमरिया, संवाददाता, ९८४५६१४३५४
प्रिया पौडेल, संवाददाता , ९८४५४०२८५८
प्रकाश दाहाल, संवाददाता, ९८५५०३१४६४
विवश अधिकारी, संवाददाता, ९८४५१२५८६५
more...
संचालन तथा प्रायोजनको हक सर्बाधिकार © समृद्ध समाज दैनिक, हेटौंडा २०७४ मा सुरक्षित रहनेछ ।
Powered by: ExNet  
Top